Firim fafu fal Aláemit

<div class="version vid1300 iso6393bqj" data-vid="1300" data-iso6393="bqj">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s">Y&#233;su o n&#8217;esen gahoy an o h&#225;hae ejoge</div><div class="r">(Maruk 1.40-45 ; L&#237;k 5.12-16)</div><div class="p"> 1No Y&#233;su aavulo me n&#8217;erija&#331; yay, f&#237;timan f&#225;mah ni fulagenol. 2Ni baj &#225;naine o h&#225;hae ejoge &#225;joul a&#265;igul n&#225;&#241;u&#7549; to b&#250;jo&#331;orol naagol : &#171; Ataw, uma&#331; me, n&#250;jue ukanom nihoy ija&#241; ti no ! &#187; 3&#209;er Y&#233;su naalen ga&#241;enol agorol ban naagol : &#171; Yoo nima&#331;e. Uhoy uja&#241; ! &#187; To baenah h&#225;hae yay n&#233;&#7549;ur n&#8217;&#225;ine ahu min ahoy. 4Mbiban Y&#233;su naagol : &#171; Uutten jon : jamb&#8217;ulob yo me &#225;noan, bare ujow iki ate&#331;ena ajugi, ban mb&#8217;ukan b&#237;te&#331;en babu bo g&#250;bo&#241; gagu gaa M&#243;is gulob me, min ugiten &#233;suh yay b&#250;oh nuhohoy. &#187;</div><div class="s">Y&#233;su o n&#8217;esen gahoy amigel afan ekosombil</div><div class="r">(L&#237;k 7.1-10)</div><div class="p"> 5No Y&#233;su &#225;faro me bulagool &#225;k&#8217;&#225;ni n&#8217;enogen Ka&#7549;erinaum, ni baj afan ekosombil ace ala Rom &#225;joul ak&#8217;atogol nalaol n&#8217;efotenor d&#243; 6aah : &#171; Ataw, amigelom umu s&#250;ndo nafiye, guot gulet ban umu ni s&#237;lam fa&#331;. &#187; 7Y&#233;su naagol : &#171; &#11363;an ijow bi bo ik&#8217;isenol gahoy. &#187; 8Afan ekosombil yay naagol : &#171; Ataw, i&#7549;ilout min mb&#8217;unogen ni ya&#331;om. Bare ulob firim fanur pat, ban amigelom &#7549;an ahoy. 9Nuffase, &#237;nje fa&#331;aom nibaje ufanom bugo n&#237;h&#8217;&#237;ttun, ti &#7549;o&#7549; ekosombil yay gaamme ni ga&#241;enom g&#250;ttuneom me. Ioh me an ni bugo : &#8220;Ujow !&#8221; Najow ; ioh me &#7549;o&#7549; ahu : &#8220;Uj&#243;ul !&#8221; N&#225;joul ; ioh me arokaom : &#8220;Ukan waf uman !&#8221; Nakan wo. &#187; 10No Y&#233;su aunol me alob gurim gaugu, ni s&#250;mol n&#225;r. Naah bugan bugagu galageneol me : &#171; Maagen, &#237;nje ilobul yo : ni bugal Israel &#7549;ooil &#237;musut ijuh r&#243; an o g&#225;inenol g&#250;jaloe ti gal &#225;ine ahume. 11Inj&#233; ilobul yo : bugan gamme&#331;e &#7549;an g&#250;&#7549;urul n&#8217;ulam waw &#7549;e waa mof &#237;kiil guti&#241;or ti&#241; tanur ni Aburaham, Isak ni Sakob d&#243; ni J&#225;vi jaju jaa fatiya. 12Bare gu&#241;ol J&#225;vi jaju ga&#241;umen me enogen d&#243; &#7549;an gubeni t&#237;ya&#331; n&#8217;emo&#265; yay, bo baj me uko&#331; ni ejoh &#233;miremma. &#187;</div><div class="p"> 13Mbiban, Y&#233;su naah afan ekosombil yay : &#171; Ujow, mbi wo nulaw me ukano mala g&#225;ineni. &#187; Ban may ni tinah tautu tanur tatu, amigel ahu nahoy.</div><div class="s">Y&#233;su nasen gahoy aol Simo&#331; &#11363;ier ni guce &#7549;o&#7549; gamme&#331;e</div><div class="r">(Maruk 1.29-34 ; L&#237;k 4.38-41)</div><div class="p"> 14&#11363;&#250;rto, Y&#233;su najow bi ya&#331; &#11363;ier. No na&#265;ih r&#243; me, natoh aol &#11363;ier aarema b&#250;jusa bibelol. 15Y&#233;su nagorol ni ga&#241;en, ban to baenah b&#250;jusa babu ni b&#250;&#7549;ur ni o, min &#241;er aare ahu anamo ecokorol.</div><div class="p"> 16Mb&#8217;u&#265;iga g&#225;llim, n&#8217;g&#250;&#331;arul Y&#233;su bugan gamme&#331;e bugo siseytane sunone. Na&#331;ar butumol naham siseytane sasu, ban nasen gahoy &#250;sotaaw &#7549;e. 17Mamu, firim fafu fo abo&#241;er ahu Esai a&#7549;i me nalob ni fukano faah me : &#171; Na&#331;are buhajolal, ban natebe &#250;somulolal akundo#8.17 Juluj Esai 53.4. &#187;</div><div class="s">Bacam babu bi elagen Y&#233;su</div><div class="r">(L&#237;k 9.57-62)</div><div class="p"> 18No Y&#233;su ajuh me f&#237;timan fafu f&#225;goleol me f&#250;haro, naah ulagorol : &#171; Ut&#237;&#7549;al fal fafu uloal &#241;agagu. &#187; 19Bugo n&#8217;ejow mbaa busana babu, ni baj &#225;&#7549;ajula g&#250;bo&#241; Al&#225;emit ace alofulol naagol : &#171; Aligenaom, t&#225;notan to nujae &#7549;an ilageni bi to. &#187; 20Y&#233;su naagol : &#171; Usikin waw ubaje usun wo, upu waw &#7549;o&#7549; ubaje ulef wo, bare A&#241;ol Arafuhow a&#265;ila abajut ti&#241; taa g&#225;elo. &#187;</div><div class="p"> 21Mbiban, ace ni galagenol me naah Y&#233;su : &#171; Ataw, uboket &#250;jiom min imundum ijow ik&#8217;ifoh &#7549;ayom, mbiban n&#237;joul ilageni. &#187; 22Bare Y&#233;su naagol : &#171; Uj&#243;ul ulagenom min uhat ga&#265;et me n&#8217;gufoh buganil ga&#265;et me. &#187;</div><div class="s">Y&#233;su nakan f&#250;rus f&#225;mah ni fuyom</div><div class="r">(Maruk 4.35-41 ; L&#237;k 8.22-25)</div><div class="p"> 23&#11363;&#250;rto, Y&#233;su n&#225;k&#8217;&#225;ju&#7549;o ni busana babu, ulagorol n&#8217;gulagenol. 24No gukay me &#7549;iout, f&#250;rus f&#225;mah ni fiiyulil ; fal fafu ni fiteh iki gulongos gagu guma&#331; emme&#331;en busana babu. Bare Y&#233;su, o, n&#225;ni n&#8217;g&#225;mori. 25Ulagoraaw n&#8217;gulofulol ban n&#8217;g&#250;liol n&#8217;&#233;&#7549;ib r&#243; guoh : &#171; Ataw, ukan min u&#7549;agal ! Wolal ubugi n&#8217;gabao ! &#187; 26Naagil : &#171; Mo g&#225;inenul gutitie ! Wa u&#265;ile n&#8217;j&#250;holi re me ? &#187; &#209;er nailo nannur f&#250;rus fafu ni fal fafu, ban to baenah ni s&#237;jebi yem. 27Gajahali g&#225;mah n&#8217;gunogenil, bireg nihi gurorenoro guoh : &#171; An bu om umu, iki f&#250;rus fafu ni fal fafu s&#237;kanumol ? &#187;</div><div class="s">Y&#233;su o n&#8217;esen gahoy w&#225;ine g&#250;uba bugo siseytane nihi sibet</div><div class="r">(Maruk 5.1-20 ; L&#237;k 8.26-39)</div><div class="p"> 28No Y&#233;su aya me &#241;agagu fal fafu, ni mof mamu mo guvoge me Gadara, najuh w&#225;ine g&#250;uba bugo siseytane sunone g&#250;teil mbal a&#265;ila. Ni guyah gu&#265;ine, ban g&#250;la&#7549;ula&#7549;ut bireg an abba&#241;ut aka&#241;en ajow n&#8217;ulam wauwu. 29W&#225;ineaw ubuge n&#8217;gunamo &#233;&#7549;ib fatiya n&#8217;guoh Y&#233;su : &#171; A&#241;ol Al&#225;emit, wa numa&#331;e ni w&#243;li ? Nujoulojow &#7549;ia&#331; bi ekel&#243;li &#233;lamen tinah talu m&#8217;ba&#265;igerut ? &#187;</div><div class="p"> 30Ban bajene n&#8217;ulam wauwu ekore y&#225;mah yaa suhumba saam bo n&#8217;gafen. 31&#209;er siseytane sasu ni sufotenor suoh Y&#233;su : &#171; In&#237; me ban uham&#243;li, nuboket uhal&#243;li n&#8217;jiki junogen ekore suhumba sausua. &#187; 32Naah so : &#171; Yoo, jujow ! &#187; To baenah, siseytane sasu ni s&#250;&#7549;ur sujow iki sunogen suhumba sasu. &#209;er ekore yay &#7549;e n&#233;&#7549;a&#7549;oul d&#243; fitey fatiya mava&#331;oe mamu eri&#331;oul bi ni fal fafu iki enemo r&#243; ni mal mamu &#7549;ooyo.</div><div class="p"> 33&#209;er bugan bugagu gako&#241;e me suhumba sasu n&#8217;gutey gukay bi n&#8217;&#233;suh yay iki gugiten bo elob yay &#7549;e yabaj me bi ni wabaj me bugo siseytane sasu sunogenen me r&#243;. 34&#209;er bugal &#233;suh yay &#7549;e n&#8217;g&#250;&#7549;urul &#237;kiil guemor ni Y&#233;su ; no gujugol me, n&#8217;gulaol aboket &#225;&#7549;ur ahat mofil.</div>
 </div>
 </div>
</div>

No Yésu aavulo me n’erijaŋ yay, fítiman fámah ni fulagenol. Ni baj ánaine o háhae ejoge ájoul aĉigul náñuᵽ to bújoŋorol naagol : « Ataw, umaŋ me, nújue ukanom nihoy ijañ ti no ! » Ñer Yésu naalen gañenol agorol ban naagol : « Yoo nimaŋe. Uhoy ujañ ! » To baenah háhae yay néᵽur n’áine ahu min ahoy. Mbiban Yésu naagol : « Uutten jon : jamb’ulob yo me ánoan, bare ujow iki ateŋena ajugi, ban mb’ukan bíteŋen babu bo gúboñ gagu gaa Móis gulob me, min ugiten ésuh yay búoh nuhohoy. »


No Yésu áfaro me bulagool ák’áni n’enogen Kaᵽerinaum, ni baj afan ekosombil ace ala Rom ájoul ak’atogol nalaol n’efotenor dó aah : « Ataw, amigelom umu súndo nafiye, guot gulet ban umu ni sílam faŋ. » Yésu naagol : « Ᵽan ijow bi bo ik’isenol gahoy. » Afan ekosombil yay naagol : « Ataw, iᵽilout min mb’unogen ni yaŋom. Bare ulob firim fanur pat, ban amigelom ᵽan ahoy. Nuffase, ínje faŋaom nibaje ufanom bugo níh’íttun, ti ᵽoᵽ ekosombil yay gaamme ni gañenom gúttuneom me. Ioh me an ni bugo : “Ujow !” Najow ; ioh me ᵽoᵽ ahu : “Ujóul !” Nájoul ; ioh me arokaom : “Ukan waf uman !” Nakan wo. » No Yésu aunol me alob gurim gaugu, ni súmol nár. Naah bugan bugagu galageneol me : « Maagen, ínje ilobul yo : ni bugal Israel ᵽooil ímusut ijuh ró an o gáinenol gújaloe ti gal áine ahume. Injé ilobul yo : bugan gammeŋe ᵽan gúᵽurul n’ulam waw ᵽe waa mof íkiil gutiñor tiñ tanur ni Aburaham, Isak ni Sakob dó ni Jávi jaju jaa fatiya. Bare guñol Jávi jaju gañumen me enogen dó ᵽan gubeni tíyaŋ n’emoĉ yay, bo baj me ukoŋ ni ejoh émiremma. »
Mbiban, Yésu naah afan ekosombil yay : « Ujow, mbi wo nulaw me ukano mala gáineni. » Ban may ni tinah tautu tanur tatu, amigel ahu nahoy.


Ᵽúrto, Yésu najow bi yaŋ Ᵽier. No naĉih ró me, natoh aol Ᵽier aarema bújusa bibelol. Yésu nagorol ni gañen, ban to baenah bújusa babu ni búᵽur ni o, min ñer aare ahu anamo ecokorol.
Mb’uĉiga gállim, n’gúŋarul Yésu bugan gammeŋe bugo siseytane sunone. Naŋar butumol naham siseytane sasu, ban nasen gahoy úsotaaw ᵽe. Mamu, firim fafu fo aboñer ahu Esai aᵽi me nalob ni fukano faah me : « Naŋare buhajolal, ban natebe úsomulolal akundo. »


No Yésu ajuh me fítiman fafu fágoleol me fúharo, naah ulagorol : « Utíᵽal fal fafu uloal ñagagu. » Bugo n’ejow mbaa busana babu, ni baj áᵽajula gúboñ Aláemit ace alofulol naagol : « Aligenaom, tánotan to nujae ᵽan ilageni bi to. » Yésu naagol : « Usikin waw ubaje usun wo, upu waw ᵽoᵽ ubaje ulef wo, bare Añol Arafuhow aĉila abajut tiñ taa gáelo. »
Mbiban, ace ni galagenol me naah Yésu : « Ataw, uboket újiom min imundum ijow ik’ifoh ᵽayom, mbiban níjoul ilageni. » Bare Yésu naagol : « Ujóul ulagenom min uhat gaĉet me n’gufoh buganil gaĉet me. »


Ᵽúrto, Yésu nák’ájuᵽo ni busana babu, ulagorol n’gulagenol. No gukay me ᵽiout, fúrus fámah ni fiiyulil ; fal fafu ni fiteh iki gulongos gagu gumaŋ emmeŋen busana babu. Bare Yésu, o, náni n’gámori. Ulagoraaw n’gulofulol ban n’gúliol n’éᵽib ró guoh : « Ataw, ukan min uᵽagal ! Wolal ubugi n’gabao ! » Naagil : « Mo gáinenul gutitie ! Wa uĉile n’júholi re me ? » Ñer nailo nannur fúrus fafu ni fal fafu, ban to baenah ni síjebi yem. Gajahali gámah n’gunogenil, bireg nihi gurorenoro guoh : « An bu om umu, iki fúrus fafu ni fal fafu síkanumol ? »


No Yésu aya me ñagagu fal fafu, ni mof mamu mo guvoge me Gadara, najuh wáine gúuba bugo siseytane sunone gúteil mbal aĉila. Ni guyah guĉine, ban gúlaᵽulaᵽut bireg an abbañut akañen ajow n’ulam wauwu. Wáineaw ubuge n’gunamo éᵽib fatiya n’guoh Yésu : « Añol Aláemit, wa numaŋe ni wóli ? Nujoulojow ᵽiaŋ bi ekelóli élamen tinah talu m’baĉigerut ? »
Ban bajene n’ulam wauwu ekore yámah yaa suhumba saam bo n’gafen. Ñer siseytane sasu ni sufotenor suoh Yésu : « Iní me ban uhamóli, nuboket uhalóli n’jiki junogen ekore suhumba sausua. » Naah so : « Yoo, jujow ! » To baenah, siseytane sasu ni súᵽur sujow iki sunogen suhumba sasu. Ñer ekore yay ᵽe néᵽaᵽoul dó fitey fatiya mavaŋoe mamu eriŋoul bi ni fal fafu iki enemo ró ni mal mamu ᵽooyo.
Ñer bugan bugagu gakoñe me suhumba sasu n’gutey gukay bi n’ésuh yay iki gugiten bo elob yay ᵽe yabaj me bi ni wabaj me bugo siseytane sasu sunogenen me ró. Ñer bugal ésuh yay ᵽe n’gúᵽurul íkiil guemor ni Yésu ; no gujugol me, n’gulaol aboket áᵽur ahat mofil.

Listen to Mácie 8