Firim fafu fal Aláemit

<div class="version vid1300 iso6393bqj" data-vid="1300" data-iso6393="bqj">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s">E&#265;et yay yaa Saa&#331; Batis</div><div class="r">(Maruk 6.14-29 ; L&#237;k 9.7-9)</div><div class="p"> 1Gannay gaugu, Herod, aamen me &#225;vi G&#225;lile, naun gulob mala Y&#233;su. 2Naah urokaol : &#171; D&#225;uru Saa&#331; Batis aiyulo me ni ga&#265;et me ! Yo e&#265;il me nabaj sembe sausu sal ekan waf wajureruti. &#187; 3Maagen mamu, Herod nabo&#241;enbo&#241; gujoh Saa&#331; Batis min guhogol &#241;isel ban n&#8217;gu&#331;arol g&#250;rur ni fipeh. D&#225;uru &#7549;e mala Herodias aar atiol F&#237;lip o n&#225;bahen me akan aarol, 4ban no Herod akane mo me, Saa&#331; naagolseh : &#171; Senuti min uram Herodias ! &#187; 5Herod nama&#331;ene ekan min Saa&#331; Batis a&#265;et, bare n&#225;holi Es&#250;if yay mata bugo &#7549;e gujojoh Saa&#331; Batis ti abo&#241;er.</div><div class="p"> 6Mb&#8217;u&#265;iga funah fafu fo Herod aamme n&#8217;ekan gaggan gagu gaa gabugiol, b&#225;jur Herodias naboh b&#250;jo&#331;or sijaora Herod. Naboh aboh iki s&#250;m Herod 7bireg Herod nabbat esenol w&#225;fowaf wo najaol me &#233;cin. 8Ni batu&#241;ener baa jaol, b&#225;jur babu naah &#225;vi ahu Herod : &#171; U&#331;allom maer yauye fuhow Saa&#331; Batis ni biril. &#187; 9&#209;er &#225;vi ahu ni mujogol fa&#331;, bare nemme nabbabat aban b&#250;jo&#331;or sijaoraol, nama&#331; gu&#331;allol fo, 10ban nabo&#241; iki gu&#7549;ikul fuhow Saa&#331; Batis d&#243; ni fipeh fafu. 11N&#8217;g&#250;&#331;arul fuhow fafu ni biril &#237;kiil gusen b&#225;jur babu ; bi&#265;ila may m&#8217;b&#250;bahen fo bisen jaw bo. 12&#209;er ulagora Saa&#331; Batis n&#8217;g&#250;kail gu&#331;ar efulu&#331; yay iki gufoh. Mbiban n&#8217;gujow iki gugiten Y&#233;su wabaj me.</div><div class="s">Y&#233;su o n&#8217;esen bugan gono s&#250;uli futoh guti&#241;</div><div class="r">(Maruk 6.30-44 ; L&#237;k 9.10-17 ; Saa&#331; 6.1-14)</div><div class="p"> 13No Y&#233;su aun me wabaj me Saa&#331; Batis, na&#331;ar busana min a&#241;ago mbaa ti&#241; talikoe ; bare f&#237;timan fafu ni fuun yo, min bugan bugagu g&#250;&#7549;urul ni s&#250;suh sasu gulagenol ni guot. 14No naavulo me ni busana babu, najuh f&#237;timan f&#225;mah. Enilol nerumil min asen gahoy &#250;sotaaw &#7549;e gaamen to me.</div><div class="p"> 15No tinah tujon me, ulagorol n&#8217;gulofol n&#8217;guogol : &#171; Ti&#241; taute tilikoe, ban tinah t&#237;gale ; ubba&#241;en bugan bugaubugi gujow ni s&#250;suh sasu, tima n&#8217;gunnom bo waf guti&#241;. &#187; 16Y&#233;su naagil : &#171; Rorenut min guke bice : buru fa&#331;aul jisenil guti&#241; ! &#187; 17N&#8217;guogol : &#171; Una&#265; futoh ni muol m&#250;uba bare jibaje. &#187; 18Naagil : &#171; Ji&#331;allom so bi tale. &#187;</div><div class="p"> 19Nakan f&#237;timan fafu ni funamo n&#8217;efos yay, aban na&#331;ar una&#265; waw waamme futoh ni muol mamu maamme m&#250;uba, n&#225;arul g&#250;&#265;ilol fatiya min asalen Al&#225;emit. Mbiban namusul una&#265; waw asen ulagorol gugabor f&#237;timan fafu. 20Bugo &#7549;e n&#8217;guti&#241; iki gupo&#241; kab gu&#331;a&#241;en. Mbiban, ulagoraaw n&#8217;guteb utegel gu&#241;en n&#8217;&#250;uba umme&#331; kab ba&#7549;irih babu ba&#331;a&#241;o me. 21Bugan bugagu gati&#241; me maageima bugan gono s&#250;uli futoh (5 000), waareaw ni u&#241;iaw m&#8217;ba&#7549;inuti.</div><div class="s">Y&#233;su o n&#8217;ehah fatiya mal mamu min ajow</div><div class="r">(Maruk 6.45-52 ; Saa&#331; 6.15-21)</div><div class="p"> 22No bao me, Y&#233;su nafaen aah ulagorol g&#250;ju&#7549;o ni busana babu min guyabol gayo&#331; mbaa &#241;agagu, min mb&#8217;a&#265;ila fa&#331;aol abba&#241;en f&#237;timan fafu. 23No nabba&#241;enil me aban, naji&#331; n&#8217;erija&#331; yay &#225;hatulo ake galaw ; n&#225;ni r&#243; iki tinah tujon.</div><div class="p"> 24Ni tinah tautu, busana babu bo baamer n&#8217;etut fal fafu, ban gulongos gagu n&#8217;guyogen bo fa&#331; mata gallaj &#233;rus yay guomen ni go. 25Tinahurab, Y&#233;su najow n&#8217;guot ni fal fafu mbaa bugo. 26No ulagorol gujugol me n&#225;jaeul mee ni fal fafu, n&#8217;g&#250;holi n&#8217;guoh : &#171; D&#225;uru ayaul ! &#187; &#209;er n&#8217;guilo guya &#250;&#7549;ib. 27Bare Y&#233;su naramor aagil : &#171; Jifilen uinumul, &#237;nje om ! Jambi j&#250;holi ! &#187; 28&#11363;ier naagol : &#171; Ataw, &#237;ni me aw om, uogom &#237;joul ni mal mamu mbal aw. &#187; 29Naagol : &#171; Uj&#243;ul ! &#187;</div><div class="p">&#209;er &#11363;ier n&#225;avul ni busana babu ajow ni mal mamu mbaa Y&#233;su. 30Bare no najuh me b&#250;oh &#233;rus yay ebabaj sembe, g&#225;holi n&#8217;gunonol, ban nama&#331; bi &#233;timo ; &#241;er n&#225;&#7549;ib aah : &#171; Ataw, u&#7549;agenom ! &#187; 31To baenah, Y&#233;su naalen ga&#241;enol ajogulol, aban naagol : &#171; Mo g&#225;ineni gutitie ! Wa u&#265;ile nusasabor ? &#187; 32&#209;er n&#8217;g&#250;ju&#7549;o ni busana babu bugo &#233;ubail, ban &#233;rus yay neilen. 33&#209;er gaamen d&#243; me &#7549;e n&#8217;guya g&#250;jul b&#250;jo&#331;or Y&#233;su n&#8217;guoh : &#171; Maagen aw uomme A&#241;ol Al&#225;emit. &#187;</div><div class="s">Y&#233;su o n&#8217;esen gahoy &#250;sotaaw ni mof mamu d&#243; Genesaret eomme</div><div class="r">(Maruk 6.53-56)</div><div class="p"> 34No g&#250;ti&#7549; me fal fafu guban, n&#8217;guya n&#8217;&#233;suh yay yo guvoge me Genesaret. 35Bugaa bo n&#8217;g&#250;tallo Y&#233;su min gufaen gubo&#241; bugan ni s&#250;suh sasu &#7549;e salof yo me bi egitenil b&#250;oh Ataw umu d&#225;re ; &#241;er bugan bugagu n&#8217;gu&#331;allol &#250;sotaaw &#7549;e. 36N&#8217;gulaol aboket ahalil n&#8217;gugor hani g&#225;&#241;in bisimool bare. Maagen gagor go me &#7549;e n&#8217;guhoy guja&#241;.</div>
 </div>
 </div>
</div>

Gannay gaugu, Herod, aamen me ávi Gálile, naun gulob mala Yésu. Naah urokaol : « Dáuru Saaŋ Batis aiyulo me ni gaĉet me ! Yo eĉil me nabaj sembe sausu sal ekan waf wajureruti. » Maagen mamu, Herod naboñenboñ gujoh Saaŋ Batis min guhogol ñisel ban n’guŋarol gúrur ni fipeh. Dáuru ᵽe mala Herodias aar atiol Fílip o nábahen me akan aarol, ban no Herod akane mo me, Saaŋ naagolseh : « Senuti min uram Herodias ! » Herod namaŋene ekan min Saaŋ Batis aĉet, bare náholi Esúif yay mata bugo ᵽe gujojoh Saaŋ Batis ti aboñer.
Mb’uĉiga funah fafu fo Herod aamme n’ekan gaggan gagu gaa gabugiol, bájur Herodias naboh bújoŋor sijaora Herod. Naboh aboh iki súm Herod bireg Herod nabbat esenol wáfowaf wo najaol me écin. Ni batuñener baa jaol, bájur babu naah ávi ahu Herod : « Uŋallom maer yauye fuhow Saaŋ Batis ni biril. » Ñer ávi ahu ni mujogol faŋ, bare nemme nabbabat aban bújoŋor sijaoraol, namaŋ guŋallol fo, ban naboñ iki guᵽikul fuhow Saaŋ Batis dó ni fipeh fafu. N’gúŋarul fuhow fafu ni biril íkiil gusen bájur babu ; biĉila may m’búbahen fo bisen jaw bo. Ñer ulagora Saaŋ Batis n’gúkail guŋar efuluŋ yay iki gufoh. Mbiban n’gujow iki gugiten Yésu wabaj me.


No Yésu aun me wabaj me Saaŋ Batis, naŋar busana min añago mbaa tiñ talikoe ; bare fítiman fafu ni fuun yo, min bugan bugagu gúᵽurul ni súsuh sasu gulagenol ni guot. No naavulo me ni busana babu, najuh fítiman fámah. Enilol nerumil min asen gahoy úsotaaw ᵽe gaamen to me.
No tinah tujon me, ulagorol n’gulofol n’guogol : « Tiñ taute tilikoe, ban tinah tígale ; ubbañen bugan bugaubugi gujow ni súsuh sasu, tima n’gunnom bo waf gutiñ. » Yésu naagil : « Rorenut min guke bice : buru faŋaul jisenil gutiñ ! » N’guogol : « Unaĉ futoh ni muol múuba bare jibaje. » Naagil : « Jiŋallom so bi tale. »
Nakan fítiman fafu ni funamo n’efos yay, aban naŋar unaĉ waw waamme futoh ni muol mamu maamme múuba, náarul gúĉilol fatiya min asalen Aláemit. Mbiban namusul unaĉ waw asen ulagorol gugabor fítiman fafu. Bugo ᵽe n’gutiñ iki gupoñ kab guŋañen. Mbiban, ulagoraaw n’guteb utegel guñen n’úuba ummeŋ kab baᵽirih babu baŋaño me. Bugan bugagu gatiñ me maageima bugan gono súuli futoh (5 000), waareaw ni uñiaw m’baᵽinuti.


No bao me, Yésu nafaen aah ulagorol gújuᵽo ni busana babu min guyabol gayoŋ mbaa ñagagu, min mb’aĉila faŋaol abbañen fítiman fafu. No nabbañenil me aban, najiŋ n’erijaŋ yay áhatulo ake galaw ; náni ró iki tinah tujon.
Ni tinah tautu, busana babu bo baamer n’etut fal fafu, ban gulongos gagu n’guyogen bo faŋ mata gallaj érus yay guomen ni go. Tinahurab, Yésu najow n’guot ni fal fafu mbaa bugo. No ulagorol gujugol me nájaeul mee ni fal fafu, n’gúholi n’guoh : « Dáuru ayaul ! » Ñer n’guilo guya úᵽib. Bare Yésu naramor aagil : « Jifilen uinumul, ínje om ! Jambi júholi ! » Ᵽier naagol : « Ataw, íni me aw om, uogom íjoul ni mal mamu mbal aw. » Naagol : « Ujóul ! »
Ñer Ᵽier náavul ni busana babu ajow ni mal mamu mbaa Yésu. Bare no najuh me búoh érus yay ebabaj sembe, gáholi n’gunonol, ban namaŋ bi étimo ; ñer náᵽib aah : « Ataw, uᵽagenom ! » To baenah, Yésu naalen gañenol ajogulol, aban naagol : « Mo gáineni gutitie ! Wa uĉile nusasabor ? » Ñer n’gújuᵽo ni busana babu bugo éubail, ban érus yay neilen. Ñer gaamen dó me ᵽe n’guya gújul bújoŋor Yésu n’guoh : « Maagen aw uomme Añol Aláemit. »


No gútiᵽ me fal fafu guban, n’guya n’ésuh yay yo guvoge me Genesaret. Bugaa bo n’gútallo Yésu min gufaen guboñ bugan ni súsuh sasu ᵽe salof yo me bi egitenil búoh Ataw umu dáre ; ñer bugan bugagu n’guŋallol úsotaaw ᵽe. N’gulaol aboket ahalil n’gugor hani gáñin bisimool bare. Maagen gagor go me ᵽe n’guhoy gujañ.

Listen to Mácie 14