Mankanya - 2014 Edition (NT)

<div class="version vid1214 iso6393knf" data-vid="1214" data-iso6393="knf">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s1">Pjeb pi na&#355;akmaan du Be&#359;ta&#359;a</div><div class="p"> 1Wi iko ya&#331; i&#355;&#235;pu&#331;, ufe&#359;tu ulo&#331; wi bayuday uwoo, k&#235; Ye&#359;u a&#351;&#235; ya Yeru&#359;alem. 2K&#235; du Yeru&#359;alem &#355;i ka&#241;og &#171; pl&#235;man pi &#331;kaneel &#187; u&#351;&#235; ka, dko dlo&#331; d&#241;ownaani danwoo&#331; na irakan ka&#241;een di bajaa&#331; bado &#355;i u&#355;up uheb&#235;r&#235; Be&#359;ta&#359;a#5.2 Be&#359;ta&#359;a : Balo&#331; bapii&#359; Be&#359;e&#359;da.. 3&#354;u&#331; irakan m&#235;n&#355;, bamaakal ba&#359;um maakan : bakuul, banknjiinku&#331;, na bambiinknii&#331;, baji bapiin&#355; da kayoonk meel man&#351;in&#355;ar ; 4uwanju&#359; ulo&#331; wi Ajugun uji ubanle &#355;u&#331; ubi kawala da, meel man&#351;&#235; ka&#351;in&#355;ar ; anneeju&#331; u&#359;eek wi meel man&#351;in&#355;aru&#331; pmaak pi akaha&#331; paji pabi jeb jeb. 5Uka da wal m&#235;n&#355; &#241;iin&#355; alo&#331; andoli &#331;&#351;ubal i&#241;een-&#331;wajan&#355; na bakre&#331; &#331;i a&#355;akmi. 6Ye&#359;u awina k&#235; apiin&#355; da abot ame k&#235; ujon wi a&#355;akmi aanhinan po&#351; a&#351;&#235; ji na a : &#171; I&#331;al kajeb i ? &#187;</div><div class="p"> 7K&#235; &#241;iin&#355; na&#355;akmaan a&#359;eema aji : &#171; Naweek, m&#235;nka nin alo&#331; anhilu&#331; ka&#355;&#235;nk&#235;n nwala du dko d&#241;ownaani woli meel man&#351;in&#355;ar, k&#235; ji mbi ndo kaban, alo&#331; aji do bi ban&#235;n da u&#359;eek. &#187;</div><div class="p"> 8K&#235; a&#351;&#235; ji na a : &#171; Na&#355;iin, jejan iko yi ipiin&#355;nu&#331; ipo&#351;. &#187; 9&#354;i dko m&#235;n&#355;, k&#235; &#241;iin&#355; abi jeb jeb ajej iko yi apiin&#355;nu&#331; apo&#351;.</div><div class="p">K&#235; unuur m&#235;n&#355; u&#351;&#235; wo unuur wi pnoorf&#235;n wi bayuday. 10Baweek biki bayuday baji na &#241;iin&#355; i babaa&#331; ajeban jeban : &#171; Unuur wi pnoorf&#235;n uwo n&#355;a, bgah bi nja baneenan iku&#331;a. &#187;</div><div class="p"> 11K&#235; a&#359;eem baka aji : &#171; Anjebanaanu&#331; ajak&#235;n : &#8220;Jejan iko yi ipiin&#355;nu&#331; ipo&#351;.&#8221; &#187;</div><div class="p"> 12K&#235; ba&#351;&#235; hepar aji : &#171; &#209;aa&#331; aho&#331; ajakii&#331; jejan iko yi ipiin&#355;nu&#331; ipo&#351; ba ? &#187; 13K&#235; i bajebanu&#331; a&#351;&#235; wo aamme &#241;aa&#331; m&#235;n&#355;an, k&#235; Ye&#359;u abot aneem &#355;i pn&#359;uk.</div><div class="p"> 14Wi uko wa&#331; u&#355;&#235;pu&#331;, Ye&#359;u ayit na &#241;iin&#355; i ajebanu&#331; du Katoh Kaweek ki Na&#351;iba&#355;i a&#351;&#235; ji na a : &#171; H&#235;nku&#331; ijebi, &#355;a&#241;aanu&#331; pjuban ji uko untamu&#331; apel umbii&#331; adolu umobu. &#187; 15&#209;iin&#355; aya wal m&#235;n&#355; a&#355;up baweek biki bayuday aji Ye&#359;u ajebanulu&#331;. 16K&#235; baweek biki bayuday ba&#351;&#235; jun phajan Ye&#359;u, &#355;iki aji do iko m&#235;n&#355; &#355;i unuur wi pnoorf&#235;n. 17K&#235; a&#351;&#235; ji na baka : &#171; Paapa aji lempa lemp &#331;nuur b&#359;i, k&#235; nji kak mbot alemp. &#187; 18Uko wa&#331; ukaa&#331; k&#235; baweek biki bayuday batamanaara taman ala pfi&#331;a ; baji baji m&#235;n&#355; uko wi bgah baneenanu&#331; &#355;i unuur wi pnoorf&#235;n &#355;a&#241; wi wi ajaa&#331; ado, abot aji ji Na&#351;iba&#355;i awoo&#331; a&#351;in kali&#331;an uleeful na Na&#351;iba&#355;i.</div><div class="s1">Mnhina mi Abuk Na&#351;iba&#355;i</div><div class="p"> 19Ye&#359;u akak ayeenk b&#355;up aji na baka : &#171; Na manjoonan d&#355;upan, Abuk Na&#351;iba&#355;i aanhil pdo nin uko ulo&#331; bdidi'ul b&#235; aanwin A&#351;in k&#235; ado wa. Uko wi A&#351;in adolu&#331;, Abukul akak aji do wa. 20Na&#351;iba&#355;i a&#331;al Abukul abot aji diimana iko yi ajaa&#331; ado ; alu&#331; kadiimana iko ind&#235;mu&#331; apel yi, ink&#355;uu&#331; na&#241;o&#331;ar. 21K&#235; jibi Na&#351;iba&#355;i ajaa&#331; ana&#355;an ba&#241;aa&#331; &#355;i pke&#355; kabot kawul baka ubida, h&#235;nk kak di di Abukul ajaa&#331; awul &#241;aa&#331; i adatu&#331; ubida. 22H&#235;nk kak, Na&#351;iba&#355;i aankway&#235;&#351; nin &#241;aa&#331; alo&#331;, awutar uko m&#235;n&#355; b&#359;i Abukul, 23ba&#241;aa&#331; b&#359;i bahilna bad&#235;man Abukul jibi bajaa&#331; bad&#235;mana. &#209;aa&#331; anwoo&#331; aanji d&#235;man Abukul, aanji d&#235;man Na&#351;iba&#355;i anyilulu&#331;. 24Na manjoonan d&#355;upan, &#241;aa&#331; ank&#359;iinku&#331; &#331;&#355;up &#331;i naan abot afiyaar Na&#351;iba&#355;i anyilnu&#331;, aka ubida wi mn&#355;o. &#209;aa&#331; m&#235;n&#355; aankduknaana, ap&#235;nna du pke&#355; abi &#355;i ubida.</div><div class="p"> 25&#171; Na manjoonan d&#355;upan, wal ubi, h&#235;nku&#331; da, wi banwoo&#331; du pke&#355; bak&#359;iinku&#331; pdiim pi Abuk Na&#351;iba&#355;i, bankn&#359;iinku&#331; pa abi du a, baka ubida. 26Jibi Na&#351;iba&#355;i awoo&#331; anjaa&#331; awul ubida, h&#235;nk kak di di a&#355;enu&#331; Abukul ado kawul ubida. 27Akak awula mnhina mi pway&#235;&#351; &#355;iki awo Abuk &#209;iin&#355;. 28Nawutan ka&#241;o&#331;ar &#355;i uko m&#235;n&#355; &#355;iki wal ubi wi banwoo&#331; du ih&#235;r mee&#355; bak&#359;iinku&#331; pdiimul. 29Bandolu&#331; bnuura bap&#235;n kayeenk ubida, bandolu&#331; bu&#355;aan ba&#351;&#235; bap&#235;n pa Na&#351;iba&#355;i aji baduknaana awo i pke&#355;. 30Nji &#355;i uleef naan, m&#235;nhil pdo nin uko ulo&#331;, pway&#235;&#351; pi naan paji pawo p&#359;ool, &#355;iki &#355;i uleef naan, m&#235;nji kado uko wi nji n&#331;alu&#331;, dji kaway&#235;&#351; jibi anyilnu&#331; ajaknu&#331;. &#187;</div><div class="s1">Uko wi ba&#355;upu&#331; &#355;i Ye&#359;u</div><div class="p"> 31Ye&#359;u akak aji : &#171; Woli nji &#355;a&#241; ka&#355;uparu&#331; bkow naan uhinan kawo uunkwo manjoonan &#355;i an. 32K&#235; alo&#331; a&#351;&#235; a&#355;up &#355;i uko wi naan, dme k&#235; uko wi ak&#355;upu&#331; &#355;i nji uwo manjoonan. 33Nayil ba&#241;aa&#331; du Yowan, k&#235; a&#355;upan uko unwoo&#331; manjoonan &#355;i uko wi naan. 34K&#235; n&#351;&#235; wo m&#235;numa &#241;aa&#331; a&#355;uparaan, d&#355;up &#355;up ha&#331; nahilna nabuur.</div><div class="p"> 35&#171; Yowan abi wo unkaniya unkt&#235;ru&#331; ajeehan dko, k&#235; nadat &#331;wal &#331;lo&#331; pwo &#355;i bjeehi na mnlilan wi nak&#359;iinku&#331; uko wi a&#355;upana&#331;. 36Nji, dka uko unkyuuju&#331; uko wi nwoo&#331; apel wi Yowan a&#355;upana&#331; : iko yi Paapa a&#355;u'&#235;nu&#331; pdo, yi nji kadolu&#331;, idiiman k&#235; Paapa ayilnu&#331;. 37K&#235; Paapa anyilnu&#331; ul &#355;i uleeful a&#355;up &#355;i uko wi naan. Naambaa&#331; ka&#359;iinka pdiimul, k&#235;me kame jibi anaami. 38K&#235; jibi nawoo&#331; naanfiyaar i ayilu&#331;, nadiiman k&#235; naambaa&#331; kam&#235;banaara u&#355;up wi nul. 39Naji najuk Ulibra wi Na&#351;iba&#355;i bnuura, &#355;iki na&#351;al k&#235; &#355;i wa di di nakkaanu&#331; ubida wi mn&#355;o. K&#235; Ulibra wi Na&#351;iba&#355;i m&#235;n&#355; u&#355;upu&#331; uko wi &#359;aan. 40K&#235; an na&#351;&#235; wo naan&#331;al pbi &#355;i nji kakaana ubida.</div><div class="p"> 41&#171; M&#235;nkyeenkna mnd&#235;m &#355;i ba&#241;aa&#331;. 42Dme an, naan&#331;al Na&#351;iba&#355;i na manjoonan. 43Dbi &#355;i katim ki Paapa, k&#235; naanyeenk&#235;n ; alo&#331; abile bdidi'ul, nayeenka. 44Hum di di nahilu&#331; kafiyaar&#235;n, an nanjaa&#331; nad&#235;man &#331;leefan ka&#351;&#235; wo naanji nala mnd&#235;m mi Na&#351;iba&#355;i anwoo&#331; aloolan ? 45Nawutan ka&#351;al kaji dlu&#331; kakee&#351;aaran du Paapa. Moyi&#359; i naha&#355;u&#331; akkee&#351;aarana&#331;. 46Woli nafiyaar lah Moyi&#359;, nakak kafiyaar&#235;n, &#355;iki apii&#359; pii&#359; uko wi naan. 47B&#235; woli naanfiyaar uko wi apii&#359;u&#331;, hum di di nakfiyaaru&#331; uko wi nji ka&#355;upu&#331; ? &#187;</div>
 </div>
 </div>
</div>

Wi iko yaŋ iţëpuŋ, ufeŧtu uloŋ wi bayuday uwoo, kë Yeŧu aşë ya Yeruŧalem. Kë du Yeruŧalem ţi kañog « plëman pi ŋkaneel » uşë ka, dko dloŋ dñownaani danwooŋ na irakan kañeen di bajaaŋ bado ţi uţup uhebërë Beŧtaŧa. Ţuŋ irakan mënţ, bamaakal baŧum maakan : bakuul, banknjiinkuŋ, na bambiinkniiŋ, baji bapiinţ da kayoonk meel manşinţar ; uwanjuŧ uloŋ wi Ajugun uji ubanle ţuŋ ubi kawala da, meel manşë kaşinţar ; anneejuŋ uŧeek wi meel manşinţaruŋ pmaak pi akahaŋ paji pabi jeb jeb. Uka da wal mënţ ñiinţ aloŋ andoli ŋşubal iñeen-ŋwajanţ na bakreŋ ŋi aţakmi. Yeŧu awina kë apiinţ da abot ame kë ujon wi aţakmi aanhinan poş aşë ji na a : « Iŋal kajeb i ? »
Kë ñiinţ naţakmaan aŧeema aji : « Naweek, mënka nin aloŋ anhiluŋ kaţënkën nwala du dko dñownaani woli meel manşinţar, kë ji mbi ndo kaban, aloŋ aji do bi banën da uŧeek. »
Kë aşë ji na a : « Naţiin, jejan iko yi ipiinţnuŋ ipoş. » Ţi dko mënţ, kë ñiinţ abi jeb jeb ajej iko yi apiinţnuŋ apoş.
Kë unuur mënţ uşë wo unuur wi pnoorfën wi bayuday. Baweek biki bayuday baji na ñiinţ i babaaŋ ajeban jeban : « Unuur wi pnoorfën uwo nţa, bgah bi nja baneenan ikuŋa. »
Kë aŧeem baka aji : « Anjebanaanuŋ ajakën : “Jejan iko yi ipiinţnuŋ ipoş.” »
Kë başë hepar aji : « Ñaaŋ ahoŋ ajakiiŋ jejan iko yi ipiinţnuŋ ipoş ba ? » Kë i bajebanuŋ aşë wo aamme ñaaŋ mënţan, kë Yeŧu abot aneem ţi pnŧuk.
Wi uko waŋ uţëpuŋ, Yeŧu ayit na ñiinţ i ajebanuŋ du Katoh Kaweek ki Naşibaţi aşë ji na a : « Hënkuŋ ijebi, ţañaanuŋ pjuban ji uko untamuŋ apel umbiiŋ adolu umobu. » Ñiinţ aya wal mënţ aţup baweek biki bayuday aji Yeŧu ajebanuluŋ. Kë baweek biki bayuday başë jun phajan Yeŧu, ţiki aji do iko mënţ ţi unuur wi pnoorfën. Kë aşë ji na baka : « Paapa aji lempa lemp ŋnuur bŧi, kë nji kak mbot alemp. » Uko waŋ ukaaŋ kë baweek biki bayuday batamanaara taman ala pfiŋa ; baji baji mënţ uko wi bgah baneenanuŋ ţi unuur wi pnoorfën ţañ wi wi ajaaŋ ado, abot aji ji Naşibaţi awooŋ aşin kaliŋan uleeful na Naşibaţi.

Yeŧu akak ayeenk bţup aji na baka : « Na manjoonan dţupan, Abuk Naşibaţi aanhil pdo nin uko uloŋ bdidi'ul bë aanwin Aşin kë ado wa. Uko wi Aşin adoluŋ, Abukul akak aji do wa. Naşibaţi aŋal Abukul abot aji diimana iko yi ajaaŋ ado ; aluŋ kadiimana iko indëmuŋ apel yi, inkţuuŋ nañoŋar. Kë jibi Naşibaţi ajaaŋ anaţan bañaaŋ ţi pkeţ kabot kawul baka ubida, hënk kak di di Abukul ajaaŋ awul ñaaŋ i adatuŋ ubida. Hënk kak, Naşibaţi aankwayëş nin ñaaŋ aloŋ, awutar uko mënţ bŧi Abukul, bañaaŋ bŧi bahilna badëman Abukul jibi bajaaŋ badëmana. Ñaaŋ anwooŋ aanji dëman Abukul, aanji dëman Naşibaţi anyiluluŋ. Na manjoonan dţupan, ñaaŋ ankŧiinkuŋ ŋţup ŋi naan abot afiyaar Naşibaţi anyilnuŋ, aka ubida wi mnţo. Ñaaŋ mënţ aankduknaana, apënna du pkeţ abi ţi ubida.
« Na manjoonan dţupan, wal ubi, hënkuŋ da, wi banwooŋ du pkeţ bakŧiinkuŋ pdiim pi Abuk Naşibaţi, banknŧiinkuŋ pa abi du a, baka ubida. Jibi Naşibaţi awooŋ anjaaŋ awul ubida, hënk kak di di aţenuŋ Abukul ado kawul ubida. Akak awula mnhina mi pwayëş ţiki awo Abuk Ñiinţ. Nawutan kañoŋar ţi uko mënţ ţiki wal ubi wi banwooŋ du ihër meeţ bakŧiinkuŋ pdiimul. Bandoluŋ bnuura bapën kayeenk ubida, bandoluŋ buţaan başë bapën pa Naşibaţi aji baduknaana awo i pkeţ. Nji ţi uleef naan, mënhil pdo nin uko uloŋ, pwayëş pi naan paji pawo pŧool, ţiki ţi uleef naan, mënji kado uko wi nji nŋaluŋ, dji kawayëş jibi anyilnuŋ ajaknuŋ. »

Yeŧu akak aji : « Woli nji ţañ kaţuparuŋ bkow naan uhinan kawo uunkwo manjoonan ţi an. Kë aloŋ aşë aţup ţi uko wi naan, dme kë uko wi akţupuŋ ţi nji uwo manjoonan. Nayil bañaaŋ du Yowan, kë aţupan uko unwooŋ manjoonan ţi uko wi naan. Kë nşë wo mënuma ñaaŋ aţuparaan, dţup ţup haŋ nahilna nabuur.
« Yowan abi wo unkaniya unktëruŋ ajeehan dko, kë nadat ŋwal ŋloŋ pwo ţi bjeehi na mnlilan wi nakŧiinkuŋ uko wi aţupanaŋ. Nji, dka uko unkyuujuŋ uko wi nwooŋ apel wi Yowan aţupanaŋ : iko yi Paapa aţu'ënuŋ pdo, yi nji kadoluŋ, idiiman kë Paapa ayilnuŋ. Kë Paapa anyilnuŋ ul ţi uleeful aţup ţi uko wi naan. Naambaaŋ kaŧiinka pdiimul, këme kame jibi anaami. Kë jibi nawooŋ naanfiyaar i ayiluŋ, nadiiman kë naambaaŋ kamëbanaara uţup wi nul. Naji najuk Ulibra wi Naşibaţi bnuura, ţiki naşal kë ţi wa di di nakkaanuŋ ubida wi mnţo. Kë Ulibra wi Naşibaţi mënţ uţupuŋ uko wi ŧaan. Kë an naşë wo naanŋal pbi ţi nji kakaana ubida.
« Mënkyeenkna mndëm ţi bañaaŋ. Dme an, naanŋal Naşibaţi na manjoonan. Dbi ţi katim ki Paapa, kë naanyeenkën ; aloŋ abile bdidi'ul, nayeenka. Hum di di nahiluŋ kafiyaarën, an nanjaaŋ nadëman ŋleefan kaşë wo naanji nala mndëm mi Naşibaţi anwooŋ aloolan ? Nawutan kaşal kaji dluŋ kakeeşaaran du Paapa. Moyiŧ i nahaţuŋ akkeeşaaranaŋ. Woli nafiyaar lah Moyiŧ, nakak kafiyaarën, ţiki apiiŧ piiŧ uko wi naan. Bë woli naanfiyaar uko wi apiiŧuŋ, hum di di nakfiyaaruŋ uko wi nji kaţupuŋ ? »

Listen to Yowan 5