Konkomba, Likoonli - Likoonli - 1994 Edition (NT) Non-Drama

Konkomba, Likpakpaaln - Likpakpaaln - 1998 Edition (NT) Drama

<div class="version vid1150 iso6393xon" data-vid="1150" data-iso6393="xon">
 <div class="book bkJHN">
 <div class="chapter ch15" data-usfm="JHN.15">
 <div class="label">15</div><div class="s1">Yesu aah ye lisupuul bam&#596;nn pu na</div><div class="p"> 1&#8220;Min le ye ndaan aasubil aasupuul bam&#596;nn na. Nte Uwumb&#596;r le ye ukpaal u lik busub ngbaan na. 2Ibon im&#596;k bi m pu kaa lu &#331;isubil na, u ga per i lii. Ibon im&#596;k lu &#331;isubil na, u ga toor i, i moo lu &#331;isubil. 3Maah tuk nimi maaliin na, ima le toor nimi aabimbin. 4Ni li kpaan m chee man, m mu kpaan ni chee. Mbon yaa bi mubaa, kaa tuu busub pu kan, mu aan &#331;maa lu &#331;isubil. Kina le ni mu yaa kaa kpaan m chee kan, naan &#331;maa li &#331;ani tinyoor tii Uwumb&#596;r.</div><div class="p"> 5&#8220;Min le ye lisupuul ngbaan. Le ni ye ibon. Unii um&#596;k kpaan m chee, m mu kpaan u chee na, udaan ngbaan &#331;ani tinyoor sakpen tii mi; ni mu yaa kaa kpaan m chee kan, naan &#331;maa &#331;a nibaa. 6Unii yaa kaa kpaan m chee kan, u ga &#331;a y&#596;li ke mbon mu kaa tuu busub pu na aah kuur pu na la. Le Uwumb&#596;r ga mee u lii ke binib aah peei ibokuun pu ki joo tuur mmii na. 7Ni yaa kpaan m chee, ki yaa joo maaliin nisui ni kan, mee Uwumb&#596;r naah ban pu na man, le u ga &#331;a kina tii nimi. 8Ni yaa &#331;ani tinyoor sakpen tii Nte Uwumb&#596;r kan, nima le ga nyu&#331; u, ki ga m&#596;k ke ni sil ye maadidiliib. 9Nte Uwumb&#596;r aah gee mi pu na, kina le m mu gee nimi. Ni li beenin ye maah gee bi na. 10M &#331;ani Nte Uwumb&#596;r aah tuk mi pu na, le u beenin gee mi. Ni mu yaa &#331;ani maah tuk nimi pu na kan, m mu ga li beenin gee nimi.</div><div class="p"> 11&#8220;M tuk nimi tib&#596;r timina ke ni li kpa mpopiin ke maah kpa pu na. M ban ke ni li kpa mpopiin mbam&#596;m. 12Maakaal le ye ke ni li gee t&#596;b ke maah gee nimi pu na. 13Unii yaa kpo uj&#596;tiib pu kan, ubaa aa ki bi, ki kpa ngeehm ki ti jer kina. 14Ni yaa &#331;ani maah tuk nimi pu na kan, ni ye nj&#596;tiib la. 15Maan ki yin nimi ke bitutum; m yin nimi ke nj&#596;tiib la. Ututunn aa nyi udindaan aab&#596;r m&#596;m&#596;k; m tuk nimi tib&#596;r tim&#596;k m &#331;un Nte Uwumb&#596;r chee na. 16Nimi le aa nyan mi. Min le nyan nimi, ki siin ke ni li &#331;ani tinyoor ti ga li bi n&#8209;yoonn mu kaa kpa ndoon na, ke ni yaa mee Nte Uwumb&#596;r tiwan maayimbil pu kan, u ga tii nimi. 17Ni li gee t&#596;b. Maah tii nimi nkaal mu na le na.&#8221;</div><div class="s1">Dulnyaa aanib aah ga li nan Yesu aanib pu na</div><div class="p"> 18&#8220;Dulnyaa aanib yaa nan nimi kan, ni li nyi ke bi puen nan mi la, le ki nin nan ni mu. 19Ni yaa ba ye dulnyaa yaab kan, dulnyaa yaab ba ga li gee nimi ke baah gee t&#596;b pu na; ni mu aa ye dulnyaa yaab. M nyan nimi dulnyaa ni aanib aakaasisik ni, nima le cha dulnyaa yaab nan nimi. 20Teer man maah nan tuk nimi pu na ke, &#8216;Unaagbiija ubaa aa jer udindaan.&#8217; Bi yaa nan &#331;a mi falaa kan, bi ga &#331;a ni mu falaa. Bi yaa nan kii maaliin kan, bi ga kii nimi aaliin mu. 21Baa nyi Uwumb&#596;r u tun ni mi na. Nima le bi ga &#331;a nimi falaa m pu. 22M yaa kaa ba dan dulnyaa ni ki nan tuk bi maab&#596;r kan, baa ba ga li kpa taani; naah bi pu na, bi kpa taani; ba pu? maah tuk bi maab&#596;r na, baan ki &#331;maa len ke baa nyi ti. 23Unii yaa nan mi kan, naa ye min baanja le u nan, u nan Nte Uwumb&#596;r mu la. 24M tun lijinjiir aatun binimbil ni. Ubaa aa ki bi, ki ga &#331;maa tun lijinjiir aatun kina. M yaa kaa ba tun lijinjiir aatun ngbaan binimbil ni kan, baa ba ga li kpa taani; naah bi pu na, bi kpa taani; ba pu? bi kan maah tun pu na, ki nan m ni Nte Uwumb&#596;r m&#596;k. 25Bi nan timi kina ke ni gbiin Uwumb&#596;r Aagba&#331; aah len pu na ke, &#8216;Bi po nan mi fam la, naa ye ke m &#331;a bi nibaa.&#8217;#15.25: Lik Ilahn 35.19; 69.4.</div><div class="p"> 26&#8220;T&#596;, Uteter na ga fuu ni. Uma le ye Nte Uwumb&#596;r Aafuur Nyaan mu ye mbam&#596;n, ki nyan ni Uwumb&#596;r chee na. Min le ga tun ni mu ni chee. Muma le ga nan tuk nimi maab&#596;r. 27Ni mu ga tuk binib maab&#596;r; ba pu? ni nan bi m chee, maah piin maatuln buyoonn ki nan saa dandana na.</div>
 </div>
 </div>
</div>

“Min le ye ndaan aasubil aasupuul bamɔnn na. Nte Uwumbɔr le ye ukpaal u lik busub ngbaan na. Ibon imɔk bi m pu kaa lu ŋisubil na, u ga per i lii. Ibon imɔk lu ŋisubil na, u ga toor i, i moo lu ŋisubil. Maah tuk nimi maaliin na, ima le toor nimi aabimbin. Ni li kpaan m chee man, m mu kpaan ni chee. Mbon yaa bi mubaa, kaa tuu busub pu kan, mu aan ŋmaa lu ŋisubil. Kina le ni mu yaa kaa kpaan m chee kan, naan ŋmaa li ŋani tinyoor tii Uwumbɔr.
“Min le ye lisupuul ngbaan. Le ni ye ibon. Unii umɔk kpaan m chee, m mu kpaan u chee na, udaan ngbaan ŋani tinyoor sakpen tii mi; ni mu yaa kaa kpaan m chee kan, naan ŋmaa ŋa nibaa. Unii yaa kaa kpaan m chee kan, u ga ŋa yɔli ke mbon mu kaa tuu busub pu na aah kuur pu na la. Le Uwumbɔr ga mee u lii ke binib aah peei ibokuun pu ki joo tuur mmii na. Ni yaa kpaan m chee, ki yaa joo maaliin nisui ni kan, mee Uwumbɔr naah ban pu na man, le u ga ŋa kina tii nimi. Ni yaa ŋani tinyoor sakpen tii Nte Uwumbɔr kan, nima le ga nyuŋ u, ki ga mɔk ke ni sil ye maadidiliib. Nte Uwumbɔr aah gee mi pu na, kina le m mu gee nimi. Ni li beenin ye maah gee bi na. M ŋani Nte Uwumbɔr aah tuk mi pu na, le u beenin gee mi. Ni mu yaa ŋani maah tuk nimi pu na kan, m mu ga li beenin gee nimi.
“M tuk nimi tibɔr timina ke ni li kpa mpopiin ke maah kpa pu na. M ban ke ni li kpa mpopiin mbamɔm. Maakaal le ye ke ni li gee tɔb ke maah gee nimi pu na. Unii yaa kpo ujɔtiib pu kan, ubaa aa ki bi, ki kpa ngeehm ki ti jer kina. Ni yaa ŋani maah tuk nimi pu na kan, ni ye njɔtiib la. Maan ki yin nimi ke bitutum; m yin nimi ke njɔtiib la. Ututunn aa nyi udindaan aabɔr mɔmɔk; m tuk nimi tibɔr timɔk m ŋun Nte Uwumbɔr chee na. Nimi le aa nyan mi. Min le nyan nimi, ki siin ke ni li ŋani tinyoor ti ga li bi n‑yoonn mu kaa kpa ndoon na, ke ni yaa mee Nte Uwumbɔr tiwan maayimbil pu kan, u ga tii nimi. Ni li gee tɔb. Maah tii nimi nkaal mu na le na.”

“Dulnyaa aanib yaa nan nimi kan, ni li nyi ke bi puen nan mi la, le ki nin nan ni mu. Ni yaa ba ye dulnyaa yaab kan, dulnyaa yaab ba ga li gee nimi ke baah gee tɔb pu na; ni mu aa ye dulnyaa yaab. M nyan nimi dulnyaa ni aanib aakaasisik ni, nima le cha dulnyaa yaab nan nimi. Teer man maah nan tuk nimi pu na ke, ‘Unaagbiija ubaa aa jer udindaan.’ Bi yaa nan ŋa mi falaa kan, bi ga ŋa ni mu falaa. Bi yaa nan kii maaliin kan, bi ga kii nimi aaliin mu. Baa nyi Uwumbɔr u tun ni mi na. Nima le bi ga ŋa nimi falaa m pu. M yaa kaa ba dan dulnyaa ni ki nan tuk bi maabɔr kan, baa ba ga li kpa taani; naah bi pu na, bi kpa taani; ba pu? maah tuk bi maabɔr na, baan ki ŋmaa len ke baa nyi ti. Unii yaa nan mi kan, naa ye min baanja le u nan, u nan Nte Uwumbɔr mu la. M tun lijinjiir aatun binimbil ni. Ubaa aa ki bi, ki ga ŋmaa tun lijinjiir aatun kina. M yaa kaa ba tun lijinjiir aatun ngbaan binimbil ni kan, baa ba ga li kpa taani; naah bi pu na, bi kpa taani; ba pu? bi kan maah tun pu na, ki nan m ni Nte Uwumbɔr mɔk. Bi nan timi kina ke ni gbiin Uwumbɔr Aagbaŋ aah len pu na ke, ‘Bi po nan mi fam la, naa ye ke m ŋa bi nibaa.’
“Tɔ, Uteter na ga fuu ni. Uma le ye Nte Uwumbɔr Aafuur Nyaan mu ye mbamɔn, ki nyan ni Uwumbɔr chee na. Min le ga tun ni mu ni chee. Muma le ga nan tuk nimi maabɔr. Ni mu ga tuk binib maabɔr; ba pu? ni nan bi m chee, maah piin maatuln buyoonn ki nan saa dandana na.

Listen to Jɔnn 15