Mwani - WBT Version (NT)

<div class="version vid1148 iso6393wmw" data-vid="1148" data-iso6393="wmw">
 <div class="book bkLUK">
 <div class="chapter ch5" data-usfm="LUK.5">
 <div class="label">5</div><div class="s1">Wanafunzi wakwanza wa Insa</div><div class="p"> 1Suku moja, Insa akereza nanyenje ya tanda ra Galileya. Wanu wengi w&#226;kinyana wansikire usemi wa Mwenyezimungu. 2Insa kawona ngalawa mbiri nlufuko mure. Wavuvi w&#234;suka, wakosa nyavu zawo. 3Mweny&#233; ngalawa mmoja &#225;kitiwa Ansumani. Insa akingira, ikisa akinlebela tena avutire aba ngalawa ire kubahari. Basi, Insa akikala nomure mungalawa mure, akanza kuwafunda wanu ware.</div><div class="p"> 4Pesire kusowera na wanu ware, kamwambira Ansumani javi: &#8220;Sambi, twala ngalawa&#8209;yi, uke nayo parindo pare, ukataye nyavu&#8209;zi mmaji, uvuwe inswi.&#8221; 5Ansumani akinjibu: &#8220;Mwanlimu, ofwe tivuwa usiku nzima, atipatire kinu! Fala kwa kuwa uwe kwankwamba javyo, nitaya tena nyavu&#8209;zi.&#8221; 6Nakutaya nyavu zire mmaji, wavuwa inswi nyingi zawenye, mpaka nyavu zawo z&#237;re zikanza kurundumuka! 7Wakiwapa alama wenziwawo w&#225;kiwa mungalawa nyengine woke wakawavye. Kweli, ewo wakuka wakiwavya. Wejaza inswi ngalawa zombiri mpaka ngalawa zire z&#237;baki aba javi kutota!</div><div class="p"> 8Ansumani Peduru pawonire inswi zire, akitenga malundi mbere ya Insa, akamba: &#8220;Ha! Mwenye, nitanuke konta omi niwa mmadambi pakulu.&#8221; 9Kamana iye k&#226;shanga pakulu, pamoja na wenziwe ware piya, konta inswi zaw&#225;patire z&#237;kiwa nyingi. 10Wenziwe Ansumani wakwitiwa Yakobu na Yahaya, wana wa Zebedeyu, newo novyo washanga pakulu futi.</div><div class="p">Insa akimwambira Ansumani, akamba: &#8220;Usope! Mwanzo wa sambi&#8209;pa mpaka mbere, uwakoresa#5:10 &#8220;Uwakoresa&#8221; mana ake epa &#8220;uwapata wawe muufalume wa Mwenyezimungu&#8221;. wanu!&#8221; 11Pawafikire kulufuko, wakikweza ngalawa zawo zire. Mpunde noure, wakasa vinu piya, wakinfulata Insa.</div><div class="s1">Kuponesiwa ka camagundula</div><div class="p"> 12Safari moja, Insa &#225;kiwa kaya moja, noyo kaya&#8209;yo &#225;kiwapo munu anyakatuka magundula, we! Munu ire nakummona Insa, akisujudi, akintafadali Insa, akamba: &#8220;Mwenye, ukisaka, kwanawo uwezo wa kuniswafi.&#8221;</div><div class="p"> 13Insa akolosa nkono, akinkumbula, akamba: &#8220;Nisaka, uwe swafi!&#8221; Mpunde noure, magundula are akimpakatika. 14Insa akinlaizira, akamba: &#8220;Usangupe kumwambira munu, ila uka ukarolote ka nlongozi wa dini. Tenda nadiri kamba vyaalaizire Musa kwa uswafi wako, iwe ushahidi ka wanu.&#8221; 15Fala habari kuhusu Insa kila mara ikizidi kwenera. Ndimana wanu wengi wakija kusikiriza usowezi wake, na wapate kuponesiwa ulwere wawo. 16Fala Insa akilawa akisakula mahala kiriziu, akitenda duwa.</div><div class="s1">Kuponesiwa ka kitewe</div><div class="p"> 17Suku moja, Insa pakiwafunda wanu, Mafarizeu wamojawapo na wanlimu wa shariya wekala karibu yake. Ewo wakilawirira mmakaya piya a Galileya na Yudeya pamoja na Yerusalemu. Uwezo wa Mwenyezimungu wakuponesa &#250;kiwa na Insa. 18Noparepare, wakija wanu na kitewe wansukure mmashila. Wakisakula wapite wafike paakiwa Insa, 19fala awakidirire kwa sababu ya wanu kuwa wengi. Basi wakikwera papala, wakibomola tijolu, wakinteremusa nlwere ire mmashila, mpaka kati-kati ya wanu mbere ya Insa. 20Insa, paawonire kwamini kwawo, akamba: &#8220;Rafiki yangu, madambi ako aswamiiwa!&#8221;</div><div class="p"> 21Nakusikira javire, wanlimu wa shariya na Mafarizeu ware walalamika: &#8220;Noyu mwananlumeni noyu akufuru javi&#8209;yu? Nani ajuzi kuswamii sairi Mwenyezimungu tu basi?&#8221;</div><div class="p"> 22Insa, pejiwe mawazo awo, akiwadairi: &#8220;Mbena mwankulalamika mmyoyo mwenu? 23Cirimba kusema ndi cepi? Kwamba, &#8216;Madambi ako aswamiiwa&#8217; au kwamba, &#8216;Lamuka, enenda&#8217;? 24Fala ipate mwijiwe kuwa Binadamu wa Binguni kanawo mamulaka mulumwengu&#8209;mu kuswamii madambi, nukoloterani.&#8221; Basi, Insa akimwambira kitewe ire: &#8220;Uwe nankukwambira, lamuka, usukure mashila ako&#8209;ya, uke vyako kwenu.&#8221;</div><div class="p"> 25Kwa mpunde noure, mbere ya wanu ware piya, iye akilamuka, akisukula caatandikiriwe cire, akuka kwawo, kuno akinsifu Mwenyezimungu. 26Wanu piya watajabu, wantukuza Mwenyezimungu, uwapata wofi, wakamba: &#8220;Rero tiwona mambo a matajabisa!&#8221;</div><div class="s1">Lawi akwitiwa anfulate Insa</div><div class="p"> 27Pavisire vire, Insa nakulawa kammona mwananlume mmoja akiripisanga nsoko. Iye akitiwa Lawi, kekala mahala pake paakiripisanga nsoko. Insa akimwambira: &#8220;Nifulate!&#8221; 28Lawi akasa vinu piya, akilawa, akinfulata Insa.</div><div class="p"> 29Ikisa Lawi akintendera Insa jambo rikulu pakaya pake. Nopo w&#225;kiwapo wanu wengi wakuripisa nsoko pamoja na wanu wengine pawakirya. 30Mafarizeu na wanlimu wawo wa shariya wakiwaduguda wanafunzi wa Insa ware, wakamba: &#8220;Ewa war&#237;pisi nsoko na wamadambi&#8209;wa, mbena mwankurya na mwankunywa nawo?&#8221;</div><div class="p"> 31Insa akiwajibu, akamba: &#8220;Wakomu awansakula dotoru, ila walwere. 32Omi sijire kuweta wenye shariya ila wam&#225;dambi watubiye.&#8221;</div><div class="s1">Kuhusu kufunga</div><div class="r"> Matwaya 9:14-17; Maruku 2:18-22</div><div class="p"> 33Wanu ware wamwambira Insa: &#8220;Wanafunzi wa Yahaya wafunganga na walebelanga duwa. Wanafunzi wa Mafarizeu watenda novyo, fala wanafunzi wako wakuryanga na wakunywanga.&#8221;</div><div class="p"> 34Insa akiwajibu: &#8220;Warifiwe paharusi, filihali wari pamoja na mweny&#233; harusi, umwe muwafungisa? 35Ukuja kufika wakati wa kuwa mweny&#233; harusi alaviwa kati yawo, basi nowo wakati&#8209;wo ndi wawaja kufunga.&#8221;</div><div class="p"> 36Ikisa, Insa kawasowerera novyo kinyume, akamba: &#8220;Hapana munu apapula nguwo nyipya, kutaya kiwamba nguwo ya mida. Akitenda javyo, akwaribu nguwo nyipya, na kiwamba&#8209;co acif&#227;i kutaya munguwo ya mida. 37Novyo, aapo munu ataya vinyu nyipya nnumba za mida, konta vinyu&#8209;yo ipanja numba&#8209;zo. Kwa javyo, vinyu &#237;tawanyika na numba&#8209;zo z&#237;kwaribika. 38Fala vinyu nyipya ijuzi itayiwe nnumba nyipya. 39Hapana munu, bandi ya kuyeza vinyu ya mida, asaka kunywa vinyu nyipya, kamana akwamba kuwa ya mida&#8209;yi ndi ngema pakulu.&#8221;</div>
 </div>
 </div>
</div>

Suku moja, Insa akereza nanyenje ya tanda ra Galileya. Wanu wengi wâkinyana wansikire usemi wa Mwenyezimungu. Insa kawona ngalawa mbiri nlufuko mure. Wavuvi wêsuka, wakosa nyavu zawo. Mwenyé ngalawa mmoja ákitiwa Ansumani. Insa akingira, ikisa akinlebela tena avutire aba ngalawa ire kubahari. Basi, Insa akikala nomure mungalawa mure, akanza kuwafunda wanu ware.
Pesire kusowera na wanu ware, kamwambira Ansumani javi: “Sambi, twala ngalawa‑yi, uke nayo parindo pare, ukataye nyavu‑zi mmaji, uvuwe inswi.” Ansumani akinjibu: “Mwanlimu, ofwe tivuwa usiku nzima, atipatire kinu! Fala kwa kuwa uwe kwankwamba javyo, nitaya tena nyavu‑zi.” Nakutaya nyavu zire mmaji, wavuwa inswi nyingi zawenye, mpaka nyavu zawo zíre zikanza kurundumuka! Wakiwapa alama wenziwawo wákiwa mungalawa nyengine woke wakawavye. Kweli, ewo wakuka wakiwavya. Wejaza inswi ngalawa zombiri mpaka ngalawa zire zíbaki aba javi kutota!
Ansumani Peduru pawonire inswi zire, akitenga malundi mbere ya Insa, akamba: “Ha! Mwenye, nitanuke konta omi niwa mmadambi pakulu.” Kamana iye kâshanga pakulu, pamoja na wenziwe ware piya, konta inswi zawápatire zíkiwa nyingi. Wenziwe Ansumani wakwitiwa Yakobu na Yahaya, wana wa Zebedeyu, newo novyo washanga pakulu futi.
Insa akimwambira Ansumani, akamba: “Usope! Mwanzo wa sambi‑pa mpaka mbere, uwakoresa wanu!” Pawafikire kulufuko, wakikweza ngalawa zawo zire. Mpunde noure, wakasa vinu piya, wakinfulata Insa.

Safari moja, Insa ákiwa kaya moja, noyo kaya‑yo ákiwapo munu anyakatuka magundula, we! Munu ire nakummona Insa, akisujudi, akintafadali Insa, akamba: “Mwenye, ukisaka, kwanawo uwezo wa kuniswafi.”
Insa akolosa nkono, akinkumbula, akamba: “Nisaka, uwe swafi!” Mpunde noure, magundula are akimpakatika. Insa akinlaizira, akamba: “Usangupe kumwambira munu, ila uka ukarolote ka nlongozi wa dini. Tenda nadiri kamba vyaalaizire Musa kwa uswafi wako, iwe ushahidi ka wanu.” Fala habari kuhusu Insa kila mara ikizidi kwenera. Ndimana wanu wengi wakija kusikiriza usowezi wake, na wapate kuponesiwa ulwere wawo. Fala Insa akilawa akisakula mahala kiriziu, akitenda duwa.

Suku moja, Insa pakiwafunda wanu, Mafarizeu wamojawapo na wanlimu wa shariya wekala karibu yake. Ewo wakilawirira mmakaya piya a Galileya na Yudeya pamoja na Yerusalemu. Uwezo wa Mwenyezimungu wakuponesa úkiwa na Insa. Noparepare, wakija wanu na kitewe wansukure mmashila. Wakisakula wapite wafike paakiwa Insa, fala awakidirire kwa sababu ya wanu kuwa wengi. Basi wakikwera papala, wakibomola tijolu, wakinteremusa nlwere ire mmashila, mpaka kati-kati ya wanu mbere ya Insa. Insa, paawonire kwamini kwawo, akamba: “Rafiki yangu, madambi ako aswamiiwa!”
Nakusikira javire, wanlimu wa shariya na Mafarizeu ware walalamika: “Noyu mwananlumeni noyu akufuru javi‑yu? Nani ajuzi kuswamii sairi Mwenyezimungu tu basi?”
Insa, pejiwe mawazo awo, akiwadairi: “Mbena mwankulalamika mmyoyo mwenu? Cirimba kusema ndi cepi? Kwamba, ‘Madambi ako aswamiiwa’ au kwamba, ‘Lamuka, enenda’? Fala ipate mwijiwe kuwa Binadamu wa Binguni kanawo mamulaka mulumwengu‑mu kuswamii madambi, nukoloterani.” Basi, Insa akimwambira kitewe ire: “Uwe nankukwambira, lamuka, usukure mashila ako‑ya, uke vyako kwenu.”
Kwa mpunde noure, mbere ya wanu ware piya, iye akilamuka, akisukula caatandikiriwe cire, akuka kwawo, kuno akinsifu Mwenyezimungu. Wanu piya watajabu, wantukuza Mwenyezimungu, uwapata wofi, wakamba: “Rero tiwona mambo a matajabisa!”

Pavisire vire, Insa nakulawa kammona mwananlume mmoja akiripisanga nsoko. Iye akitiwa Lawi, kekala mahala pake paakiripisanga nsoko. Insa akimwambira: “Nifulate!” Lawi akasa vinu piya, akilawa, akinfulata Insa.
Ikisa Lawi akintendera Insa jambo rikulu pakaya pake. Nopo wákiwapo wanu wengi wakuripisa nsoko pamoja na wanu wengine pawakirya. Mafarizeu na wanlimu wawo wa shariya wakiwaduguda wanafunzi wa Insa ware, wakamba: “Ewa warípisi nsoko na wamadambi‑wa, mbena mwankurya na mwankunywa nawo?”
Insa akiwajibu, akamba: “Wakomu awansakula dotoru, ila walwere. Omi sijire kuweta wenye shariya ila wamádambi watubiye.”


Wanu ware wamwambira Insa: “Wanafunzi wa Yahaya wafunganga na walebelanga duwa. Wanafunzi wa Mafarizeu watenda novyo, fala wanafunzi wako wakuryanga na wakunywanga.”
Insa akiwajibu: “Warifiwe paharusi, filihali wari pamoja na mwenyé harusi, umwe muwafungisa? Ukuja kufika wakati wa kuwa mwenyé harusi alaviwa kati yawo, basi nowo wakati‑wo ndi wawaja kufunga.”
Ikisa, Insa kawasowerera novyo kinyume, akamba: “Hapana munu apapula nguwo nyipya, kutaya kiwamba nguwo ya mida. Akitenda javyo, akwaribu nguwo nyipya, na kiwamba‑co acifãi kutaya munguwo ya mida. Novyo, aapo munu ataya vinyu nyipya nnumba za mida, konta vinyu‑yo ipanja numba‑zo. Kwa javyo, vinyu ítawanyika na numba‑zo zíkwaribika. Fala vinyu nyipya ijuzi itayiwe nnumba nyipya. Hapana munu, bandi ya kuyeza vinyu ya mida, asaka kunywa vinyu nyipya, kamana akwamba kuwa ya mida‑yi ndi ngema pakulu.”

Listen to Luka 5