<div class="version vid1142 iso6393muy" data-vid="1142" data-iso6393="muy">
   <div class="book bkMRK">
      <div class="chapter chINTRO1" data-usfm="MRK.INTRO1">
         <div class="imt"><span class="content">Ere ye ti m&#601;&#599;&#601;mki ka Ma M&#649;weni Sulumani ya Mark &#224;b&#601;ki ni</span></div><div class="ip"><span class="content">Masla&#331;a ya ti &#224;b&#601;ki wakita ga Mark ni &#224;&#599;afay slimi gaya&#331; a wakita ni bu ndo. Ku tamal nahkay n&#601;&#331;gu ni, kwa ka m&#601;nj&#601;ki gani ndam ga Yezu &#599;ek t&#601;&#768;s&#601;ra &#224;b&#601;ki ni ti Mark (t&#601;zalay na&#331; Ze&#331; daya&#160;: T&#649;wi 12.12, 25). T&#601;&#768;s&#601;ra Mark ti t&#224;grakabu t&#649;wi akaba Piyer, m&#601;k &#224;slamalakabu pakama ga Yezu ya Piyer &#232;ci, &#224;hi ni&#160;: ere ye ti Mark &#224;b&#601;ki a wakita gaya&#331; ni bu ni &#599;ek ti aka&#599;a ga pakama ge Piyer ya &#224;hi ana mis ni (T&#649;wi 10.37-40)&#160;: &#224;nj&#601;ki ka baray ga Yezu, &#232;ndeveri&#331; &#224;na ga Yezu ya &#224;m&#601;t m&#601;k &#224;&#331;gaba e kisim ba ni. Mark ti t&#224;grakab&#225; t&#649;wi akaba Pol a daya (T&#649;wi 12.25&#160;; 13.5, 13&#160;; 2 Timote 4.11).</span></div><div class="ip"><span class="content">A wakita gaya&#331; ni bu ni ti Mark a&#599;afay zlam ga ndam Z&#649;de ya tagray ni (7.2-4&#160;; 15.42), ah&#601;&#331;garaba ma ndaha&#331; ya ndam Z&#649;de t&#601;zlapay na daya (3.17&#160;; 5.41&#160;; 7.11, 34&#160;; 15.22). Nahkay m&#601;&#768;s&#601;ra &#224;biki wakita ni ti ana ndam ya ti nday ndam Z&#649;de do ni&#160;; ahaslani &#224;bu m&#601;b&#601;kiani a wakita ndaha&#331; bu Mark &#224;b&#601;ki wakita gaya&#331; ni ka ha&#599; Itali ahkay do ni a Rom (ka 2 Timote 4.11 Pol &#224;hi ana Timote t&#601;&#770;r&#601;kioru ka na&#331; a Rom nday ata Mark).</span></div><div class="ip"><span class="content">A Rom ti t&#601;&#768;gria daliya ana ndam ga Yezu a&#160;: a wakita gaya&#331; ni bu ni ti Mark awayay m&#601;vi nj&#601;&#599;a ana nday ya ti t&#601;cakay daliya azuhva m&#601;f&#601;ki ah&#224;r gatay ka Yezu ni (1.12-13&#160;; 8.34-38&#160;; 10.29-30&#160;; 13.11-13).</span></div><div class="ip"><span class="content">Mark &#224;&#331;g&#601;ha&#599; ere ye ti Yezu &#224;gray akaba &#224;&#599;&#601;m ni aka&#599;a ga ata Meciy&#649; nday ata L&#649;k ya t&#224;&#331;g&#601;ha&#599; ni&#160;: Yezu &#224;nj&#601;ki ke t&#649;wi gaya&#331; ka ha&#599; Gelili, &#242;ru gwar a Zer&#649;zalem. Ay Mark &#224;&#331;g&#601;ha&#599; pakama ga Yezu kay ndo&#160;; ahar g&#601;&#599;akani &#224;&#331;g&#601;ha&#599; ere ye ti Yezu &#224;gray ni. Zlam ga Yezu ya &#224;gray ni day ata Meciy&#649; nday ata L&#649;k t&#224;&#331;g&#601;ha&#599;a &#224;tama ga Mark na, ay pakama ga Mark ndaha&#331; ya &#224;&#331;g&#601;ha&#599; ni ti &#224;tam ga nday ndaha&#331; ni (mazavu gani nihi, gurumkabu Mark 5.1-42 akaba Meciy&#649; 8.28-34, 9.18-26 akaba L&#649;k 8.26-37, 41-56, ahkay do ni Mark 6.14-29 akaba Meciy&#649; 14.1-12 akaba L&#649;k 9.7-9). Ku tamal &#224;&#331;g&#601;ha&#599; pakama ga Yezu kay ndo n&#601;&#331;gu ni Mark &#224;&#599;&#601;m Yezu ti bay macahi zlam ana mis (1.21-22, 27&#160;; 2.13&#160;; 4.1 akaba ndaha&#331;)&#160;: a wakita ga Mark bu mis t&#601;zalay Yezu &#171;&#160;M&#649;si&#160;&#187; (4.38&#160;; 5.35&#160;; 9.17 akaba ndaha&#331;).</span></div><div class="ip"><span class="content">Mark &#224;&#331;g&#601;ha&#599; ga Yezu ya &#224;&#599;&#601;m t&#601;&#768;&#599;&#601;fi na&#331; ana mis ba ni (1.34, 44&#160;; 3.12&#160;; 5.43&#160;; 7.36&#160;; 8.26, 30). Si ka ya ti am&#601;m&#601;ta, ama&#331;gaba e kisim ba ni day kwa ti awayay ti mis t&#601;&#770;s&#601;r na&#331; ti na&#331; way (9.9).</span></div>
      </div>
   </div>
</div>

Ere ye ti məɗəmki ka Ma Mʉweni Sulumani ya Mark àbəki ni
Maslaŋa ya ti àbəki wakita ga Mark ni àɗafay slimi gayaŋ a wakita ni bu ndo. Ku tamal nahkay nəŋgu ni, kwa ka mənjəki gani ndam ga Yezu ɗek tə̀səra àbəki ni ti Mark (təzalay naŋ Zeŋ daya : Tʉwi 12.12, 25). Tə̀səra Mark ti tàgrakabu tʉwi akaba Piyer, mək àslamalakabu pakama ga Yezu ya Piyer èci, àhi ni : ere ye ti Mark àbəki a wakita gayaŋ ni bu ni ɗek ti akaɗa ga pakama ge Piyer ya àhi ana mis ni (Tʉwi 10.37-40) : ànjəki ka baray ga Yezu, èndeveriŋ àna ga Yezu ya àmət mək àŋgaba e kisim ba ni. Mark ti tàgrakabá tʉwi akaba Pol a daya (Tʉwi 12.25 ; 13.5, 13 ; 2 Timote 4.11).
A wakita gayaŋ ni bu ni ti Mark aɗafay zlam ga ndam Zʉde ya tagray ni (7.2-4 ; 15.42), ahəŋgaraba ma ndahaŋ ya ndam Zʉde təzlapay na daya (3.17 ; 5.41 ; 7.11, 34 ; 15.22). Nahkay mə̀səra àbiki wakita ni ti ana ndam ya ti nday ndam Zʉde do ni ; ahaslani àbu məbəkiani a wakita ndahaŋ bu Mark àbəki wakita gayaŋ ni ka haɗ Itali ahkay do ni a Rom (ka 2 Timote 4.11 Pol àhi ana Timote tə̂rəkioru ka naŋ a Rom nday ata Mark).
A Rom ti tə̀gria daliya ana ndam ga Yezu a : a wakita gayaŋ ni bu ni ti Mark awayay məvi njəɗa ana nday ya ti təcakay daliya azuhva məfəki ahàr gatay ka Yezu ni (1.12-13 ; 8.34-38 ; 10.29-30 ; 13.11-13).
Mark àŋgəhaɗ ere ye ti Yezu àgray akaba àɗəm ni akaɗa ga ata Meciyʉ nday ata Lʉk ya tàŋgəhaɗ ni : Yezu ànjəki ke tʉwi gayaŋ ka haɗ Gelili, òru gwar a Zerʉzalem. Ay Mark àŋgəhaɗ pakama ga Yezu kay ndo ; ahar gəɗakani àŋgəhaɗ ere ye ti Yezu àgray ni. Zlam ga Yezu ya àgray ni day ata Meciyʉ nday ata Lʉk tàŋgəhaɗa àtama ga Mark na, ay pakama ga Mark ndahaŋ ya àŋgəhaɗ ni ti àtam ga nday ndahaŋ ni (mazavu gani nihi, gurumkabu Mark 5.1-42 akaba Meciyʉ 8.28-34, 9.18-26 akaba Lʉk 8.26-37, 41-56, ahkay do ni Mark 6.14-29 akaba Meciyʉ 14.1-12 akaba Lʉk 9.7-9). Ku tamal àŋgəhaɗ pakama ga Yezu kay ndo nəŋgu ni Mark àɗəm Yezu ti bay macahi zlam ana mis (1.21-22, 27 ; 2.13 ; 4.1 akaba ndahaŋ) : a wakita ga Mark bu mis təzalay Yezu « Mʉsi » (4.38 ; 5.35 ; 9.17 akaba ndahaŋ).
Mark àŋgəhaɗ ga Yezu ya àɗəm tə̀ɗəfi naŋ ana mis ba ni (1.34, 44 ; 3.12 ; 5.43 ; 7.36 ; 8.26, 30). Si ka ya ti aməməta, amaŋgaba e kisim ba ni day kwa ti awayay ti mis tə̂sər naŋ ti naŋ way (9.9).

Listen to Mark Ere ye ti məɗəmki ka Ma Mʉweni Sulumani ya Mark àbəki ni