This translation, published by the Bible Society of Zambia, was published in 2015. If you are interested in the work that the Bible Society of Zambia is doing please visit www.unitedbiblesocieties.org.

Ishiwi Lyakwa Lesa 2016

<div class="version vid1097 iso6393bem" data-vid="1097" data-iso6393="bem">
 <div class="book bkGEN">
 <div class="chapter ch35" data-usfm="GEN.35">
 <div class="label">35</div><div class="s1">Yakobo abwelelamo ku Betele</div><div class="p"> 1 # 
 Icite 28:11-17
 Elyo Lesa aebele Yakobo ati, &#8220;Akuya ku Betele eko uye ikala. Kulya kwine eko uli nokukuulila Lesa ubulambo, uwakumonekele ilyo walefulumuka munonko Esau.&#8221; 2Kanshi Yakobo epakweba aba mu &#331;anda mumwakwe na bonse abali nankwe ati, &#8220;Poseni utulubi twa milungu ya benafyalo uto muli nato, kabili muisangulule, mufwale ne fyakufwala ifisuma. 3Elyo twalaima tuninike ukuya ku Betele eko nkaya kuulila Lesa ubulambo. Lesa alengafwako lyonse ilyo nali mu mafya, kabili konse uko naleya aleba na ine.&#8221; 4Kanshi nabo epakuleta kuli Yakobo utulubi twabo utwa benafyalo elyo no tumipeto twa ku matwi. Yakobo afishiika mwisamba lya cimuti ca oki ica ku Shekemu. 5Elyo batendeka ukuya. Lelo takwali nelyo umo uwakubasupila, pantu umwenso ukufuma kuli Lesa waishile pa bantu abali mu misumba iyabashingulwike. 6Yakobo na bantu bonse abali nankwe basuka bafika ku Lusi, e Betele wine mu calo ca Kenani. 7Uku kwine eko Yakobo akuula ubulambo. Kabili ainika iyi ncende ishina lya Eli Betele#35:7 Eli Betele: Ili shina lyalola mukutila, &#8220;Lesa wa ku Betele&#8221;. pantu ni pali iyo ine ncende Lesa aisokolwelele kuli ena ilyo alefulumuka kuli munyina Esau. 8Elyo Debora umuleshi wakwa Rebeka afwa. Batentemuka bamushiika mwisamba lya cimuti ca oki ica ku Betele. Kanshi epakwinika iyi ncende Aloni Bakuti.#35:8 Aloni Bakuti: Mu Cihibulu calola mukutila cimuti ca oki ica filamba.</div><div class="p"> 9Ilyo Yakobo abwelele ukufuma ku calo ca Padani Aramu, Lesa nakabili alimumonekele, no kupaala alimupaalile. 10#Icite 32:28Lesa amwebele ati, &#8220;Ishina lyobe niwe Yakobo,#35:10 Yakobo: Mu Cihibulu ili shina lyapala kwishiwi lya citende nangu incenjeshi (moneni 25:26). lelo nomba tabakulakwita Yakobo, bakulakwita ishina lya Israeli.#35:10 Israeli: Mu Cihibulu calola mukuti alwishanya na Lesa (moneni 32:28).&#8221; 11#Icite 17:4-8Kanshi Lesa epakumwinika ishina lya Israeli. Kabili Lesa amwebele ati, &#8220;Nine Lesa Umwine wa maka yonse.#35:11 Lesa Umwine wa maka yonse: Mu Cihibulu mwaba ukutila, &#8220;El Shaddai.&#8221; Mube no bufyashi, musanduluke nganshi. Umushobo ne mishobo iyingi ikafuma muli iwe kabili iwe ukafyala ne shamfumu. 12Icalo napeele Abrahamu na Isaki, niwe wine napeela, kabili nkacipeela na ku ba mu lupwa lobe abakakukonkapo.&#8221; 13Elyo Lesa afumapo, asha Yakobo pa ncende ine iyo alandile nankwe. 14#Icite 28:18-19Yakobo wena abuulile ilibwe lyakwibukishishako, aliminika pa ncende ine iyo Lesa alandile nankwe. Elyo aitila pa libwe umutuulo wa fyakunwa,#35:14 Elyo aitila pa libwe umutuulo wa fyakunwa &#8230; na mafuta: Yakobo atuula kuli ilyo libwe Lesa pakuti libe ni ncende yakupepelapo Lesa. kabili aitilapo na mafuta. 15Yakobo ainike incende Lesa alandilepo nankwe ishina lya Betele.#35:15 Betele: Ili ishina lya Cihibulu, kabili calola mukuti i&#331;anda yakwa Lesa.</div><div class="s1">Rakeli afwa</div><div class="p"> 16Yakobo na bantu ali nabo balifumine ku Betele. Ilyo baile balepalama ku Efulati, Rakeli akomwa ne fumo kabili lyalamucusha nganshi. 17Kabili ilyo acili alecula nganshi pakupaapa, nacimbusa aebele Rakeli ati, &#8220;Witiina, pantu walapaapa umwana umwaume na umbi.&#8221; 18Kanshi ilyo alaleka umweo, pantu ali pakufwa, ainika umwana wakwe ishina lya Beni Oni.#35:18 Beni Oni: Mu Cihibulu calola mukuti &#8220;umwana wa macushi yandi.&#8221; Benjamini calola mukuti, &#8220;umwana wa ku kulyo kwandi.&#8221; Lelo wishi wena amwinike ishina lya Benjamini.</div><div class="p"> 19Kanshi Rakeli afwa, bamushiika na mupepi ne nshila ya ku Efulati, e Betelemu wine. 20Yakobo aiminike pa luputa lwakwa Rakeli ilibwe ilyakwibukishishako. Kabili ukufika na lelo, ili libwe ecakwishibilako uluputa lwakwa Rakeli. 21Elyo Israeli akonkenyepo ulwendo lwakwe, acitile inkambi yakwe ukucila pa lupungu lwa Ederi.#35:21 Ederi: Mu Cihibulu calola mukuti ifitekwa ifili nge mpaanga ne mbushi.</div><div class="p"> 22 # 
 Icite 49:4
 Ilyo Israeli aleikala muli iyo mpanga, Rubeni aile lala na Bilua umukashi wakwa wishi uo ashaupile mu bwinga. Elyo Israeli alyumfwileko#35:22 Alyumfwileko: Bamo balundako nokuti &#8220;alifulilwe no kufulwa&#8221;. pali uyu mulandu.</div><div class="s1">Bamwana Yakobo abaume</div><div class="p">Bamwana Israeli abaume bali ikumi limo na babili (12). 23Bamwana Leya, ni Rubeni ibeli lyakwa Yakobo, elyo Simeoni, Levi, Yuda, Isaka, na Sebuloni. 24Bamwana Rakeli ni Yosefu na Benjamini. 25Bamwana Bilua umusha wakwa Rakeli ni Dani na Naftali. 26Bamwana Silipa umusha wakwa Leya, ni Gadi na Asheri. Aba e bana abaume abo Yakobo afyele ilyo ali mu calo ca Padani Aramu.</div><div class="s1">Isaki afwa</div><div class="p"> 27 # 
 Icite 13:18
 Kabili Yakobo alimine abwelelamo kumwabo kuli wishi Isaki ku Mamure, mupepi na Kiriati Aba, kabili e Hebuloni wine, uku Abrahamu na Isaki baleikala nga beni. 28Isaki aikele umumi pano calo imyaka umwanda umo na makumi cine konse konse (108). 29Isaki epakuleka umweo. Afwa nokufwa ninshi ali umukote uwa myaka iyingi, epakuya ukwalala ifikolwe fyakwe. Elyo bamwane abaume Esau na Yakobo bamushiika.</div>
 </div>
 </div>
</div>

Elyo Lesa aebele Yakobo ati, “Akuya ku Betele eko uye ikala. Kulya kwine eko uli nokukuulila Lesa ubulambo, uwakumonekele ilyo walefulumuka munonko Esau.” Kanshi Yakobo epakweba aba mu ŋanda mumwakwe na bonse abali nankwe ati, “Poseni utulubi twa milungu ya benafyalo uto muli nato, kabili muisangulule, mufwale ne fyakufwala ifisuma. Elyo twalaima tuninike ukuya ku Betele eko nkaya kuulila Lesa ubulambo. Lesa alengafwako lyonse ilyo nali mu mafya, kabili konse uko naleya aleba na ine.” Kanshi nabo epakuleta kuli Yakobo utulubi twabo utwa benafyalo elyo no tumipeto twa ku matwi. Yakobo afishiika mwisamba lya cimuti ca oki ica ku Shekemu. Elyo batendeka ukuya. Lelo takwali nelyo umo uwakubasupila, pantu umwenso ukufuma kuli Lesa waishile pa bantu abali mu misumba iyabashingulwike. Yakobo na bantu bonse abali nankwe basuka bafika ku Lusi, e Betele wine mu calo ca Kenani. Uku kwine eko Yakobo akuula ubulambo. Kabili ainika iyi ncende ishina lya Eli Betele pantu ni pali iyo ine ncende Lesa aisokolwelele kuli ena ilyo alefulumuka kuli munyina Esau. Elyo Debora umuleshi wakwa Rebeka afwa. Batentemuka bamushiika mwisamba lya cimuti ca oki ica ku Betele. Kanshi epakwinika iyi ncende Aloni Bakuti.
Ilyo Yakobo abwelele ukufuma ku calo ca Padani Aramu, Lesa nakabili alimumonekele, no kupaala alimupaalile. Lesa amwebele ati, “Ishina lyobe niwe Yakobo, lelo nomba tabakulakwita Yakobo, bakulakwita ishina lya Israeli.” Kanshi Lesa epakumwinika ishina lya Israeli. Kabili Lesa amwebele ati, “Nine Lesa Umwine wa maka yonse. Mube no bufyashi, musanduluke nganshi. Umushobo ne mishobo iyingi ikafuma muli iwe kabili iwe ukafyala ne shamfumu. Icalo napeele Abrahamu na Isaki, niwe wine napeela, kabili nkacipeela na ku ba mu lupwa lobe abakakukonkapo.” Elyo Lesa afumapo, asha Yakobo pa ncende ine iyo alandile nankwe. Yakobo wena abuulile ilibwe lyakwibukishishako, aliminika pa ncende ine iyo Lesa alandile nankwe. Elyo aitila pa libwe umutuulo wa fyakunwa, kabili aitilapo na mafuta. Yakobo ainike incende Lesa alandilepo nankwe ishina lya Betele.

Yakobo na bantu ali nabo balifumine ku Betele. Ilyo baile balepalama ku Efulati, Rakeli akomwa ne fumo kabili lyalamucusha nganshi. Kabili ilyo acili alecula nganshi pakupaapa, nacimbusa aebele Rakeli ati, “Witiina, pantu walapaapa umwana umwaume na umbi.” Kanshi ilyo alaleka umweo, pantu ali pakufwa, ainika umwana wakwe ishina lya Beni Oni. Lelo wishi wena amwinike ishina lya Benjamini.
Kanshi Rakeli afwa, bamushiika na mupepi ne nshila ya ku Efulati, e Betelemu wine. Yakobo aiminike pa luputa lwakwa Rakeli ilibwe ilyakwibukishishako. Kabili ukufika na lelo, ili libwe ecakwishibilako uluputa lwakwa Rakeli. Elyo Israeli akonkenyepo ulwendo lwakwe, acitile inkambi yakwe ukucila pa lupungu lwa Ederi.
Ilyo Israeli aleikala muli iyo mpanga, Rubeni aile lala na Bilua umukashi wakwa wishi uo ashaupile mu bwinga. Elyo Israeli alyumfwileko pali uyu mulandu.

Bamwana Israeli abaume bali ikumi limo na babili (12). Bamwana Leya, ni Rubeni ibeli lyakwa Yakobo, elyo Simeoni, Levi, Yuda, Isaka, na Sebuloni. Bamwana Rakeli ni Yosefu na Benjamini. Bamwana Bilua umusha wakwa Rakeli ni Dani na Naftali. Bamwana Silipa umusha wakwa Leya, ni Gadi na Asheri. Aba e bana abaume abo Yakobo afyele ilyo ali mu calo ca Padani Aramu.

Kabili Yakobo alimine abwelelamo kumwabo kuli wishi Isaki ku Mamure, mupepi na Kiriati Aba, kabili e Hebuloni wine, uku Abrahamu na Isaki baleikala nga beni. Isaki aikele umumi pano calo imyaka umwanda umo na makumi cine konse konse (108). Isaki epakuleka umweo. Afwa nokufwa ninshi ali umukote uwa myaka iyingi, epakuya ukwalala ifikolwe fyakwe. Elyo bamwane abaume Esau na Yakobo bamushiika.

Listen to Icitendekelo 35