Quechua, Huallaga - WBT Version (NT) Drama

<div class="version vid1088 iso6393qub" data-vid="1088" data-iso6393="qub">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s1">Tayta Diosta mana yamacaypa ma&#241;acunanch&#239;paj yachachishan</div><div class="p"> 1Tayta Diosta mana yamacaypa ma&#241;acunanpaj dis&#239;puluncunata yachachir tincuchiypa Jes&#250;s yachachiran: 2&#171;Juc marcach&#246;shi juc juez casha. Payga manashi Tayta Diosta manchacojchu; ni p&#239; runatapis rispitajchu. 3Chay marcach&#246;shi biy&#252;dapis tiyasha. Chay biy&#252;daga dimandacojshi juezman aywasha &#8249;Contr&#228;wan juclla arriglaycamay tayta&#8250; nir. 4Yaparir-yaparir aywaptinpis unaynashi chay juezga mana arriglashachu. Chayno caycashancho sumaj yarpachacurirshi juezga shongullancho niran: &#8249;Diosta mana manchacur, ni runacunata mana rispitarpis 5chay biy&#252;da waran-waran mana rabyachim&#228;nanpaj demandunta juclla arriglaycushaj. Mana arriglapt&#235;ga imay &#246;rapis cutiyc&#228;mongami&#8250; nir.&#187;</div><div class="p"> 6Chayno willaparcur Jes&#250;s niran: &#171;Mana alli juez imata nishantapis sumaj tantiyacuy. 7Chacaypapis junajpapis acrashan runacuna gayacuypa ma&#241;acuycaptenga &#191;manachuraj Tayta Diospis yanapanga? U &#191;yanap&#228;nanpaj shuyar&#228;chengachuraj? 8Ruwacur ma&#241;acoj cajtaga mana shuyar&#228;chiypami Tayta Dios yanapanga. Ichanga noga Destin&#228;du Runa cay pachaman cutimushp&#228; &#191;Diosman y&#228;racuycajta tarish&#228;r&#228;churaj?&#187; nir.</div><div class="s1">Impuesto cobrajmanwan fariseuman tincuchishan</div><div class="p"> 9Alli-tucur juccunata manacajman churaj runacunata Jes&#250;s mastapis tincuchiypa willapar 10cayno niran: &#171;Ishcaj runacunashi Templuman aywasha Tayta Diosta ma&#241;acunanpaj. Jucnin casha fariseo; jucninna casha impuesto cobraj. 11Fariseo c&#228;ga sumaj ichiycurshi Tayta Diosta cayno ma&#241;acusha: &#8249;Grasyas Tayta Dios. Gamta fiyupami agrad&#235;sic&#246; waquin runacunano mana cash&#228;pita. Waquin runacunaga caycan suwami, fiyumi, p&#239;-maywanpis cacojmi. Nogaga manami c&#228;chu tagay impuesto cobrajn&#246;pis. 12Sem&#228;nacho ishcay cutimi ayun&#228;pis. G&#228;nash&#228;man-tupumi diesm&#246;tapis gampaj chur&#228;&#8250; nir. 13Impuesto cobraj runami ichanga pengacushpan carullacho ichiraycaran. Sy&#235;lumanpis mana ric&#228;riyllapis ric&#228;rishachu. Chaypa ruquenga fiyupa llaquicur p&#235;chunta tacacushpan ma&#241;acuran: &#8249;Cuyapaycall&#228;may Tayta Dios. Nogaga fiyupa juchasapami c&#228;&#8250; nir. 14Chaymi impuestuta cobr&#228;ga perdunashana wasinman cutisha. Fariseo cajtami ichanga Tayta Dios mana perdunashachu.</div><div class="p">&#171;Alli-tucoj c&#228;ga manacajman churashami cangapaj. Manacajman churasha caycajcunami ichanga alliman churasha cangapaj.&#187;</div><div class="s1">Wamracunapaj Tayta Diosta Jes&#250;s ma&#241;acushan</div><div class="r">(Mat. 19.13-15; Mar. 10.13-16)</div><div class="p"> 15Chaypita Jesusman wamracunata apaycaran yataycunanpaj. Dis&#239;puluncunami ichanga apajcunata pi&#241;acuran. 16Chayta ricarmi Jesusga dis&#239;puluncunata niran: &#171;Wamracunaga shacamuchun. Ama michaychu. Diospa maquinch&#246;ga goyanga wamrano cajcunami. 17Tayta Diosman wamrano riguej c&#228;ga Tayta Diospa maquinch&#246;mi goyanga. Wamrano mana riguej c&#228;ga manami Tayta Diospa &#241;aupanman chayangachu.&#187;</div><div class="s1">R&#239;cu runa Jesuswan parlashan</div><div class="r">(Mat. 19.16-30; Mar. 10.17-31)</div><div class="p"> 18Juc mandaj runa Jesusta tapuran: &#171;Alli maestru, &#191;imatataj rur&#228;man imaycamapis cawayta tarin&#228;paj?&#187; nir.</div><div class="p"> 19Jes&#250;s niran: &#171;&#191;Imanirtaj &#8249;Alli&#8250; nimanqui? Alliga Tayta Diosllami. 20Mandamintucunataga musyanquinami: Majayoj caycarga jucwan ama cacunquichu.#&#201;xo. 20.14; Deut. 5.18 Ama wa&#241;uchicunquichu.#&#201;xo. 20.13; Deut. 5.17 Ama suwacunquichu.#&#201;xo. 20.15; Deut. 5.19 Ama manacajtaga pitapis jitapanquichu.#&#201;xo. 20.16; Deut. 5.20 Mamayqui taytayquita alli ricanqui.&#187;#&#201;xo. 20.12; Deut. 5.16</div><div class="p"> 21Niptin chay runaga niran: &#171;Chaycunataga wamra cash&#228;pita-pachami cumlishc&#228;.&#187;</div><div class="p"> 22Chaura Jes&#250;s niran: &#171;Jucr&#228;mi pish&#235;shunqui. Llapan ima-aycayquitapis ranticuycuy. Nircur chay guellaytana pobricunata raquipanqui. Chayno rurarga sy&#235;luman riqu&#235;sayquita churaycajn&#246;mi caycanqui. Nircur ichanga shamunqui gatir&#228;m&#228;nayquipaj.&#187;</div><div class="p"> 23Chayno nishanta wiyaycur fiyupa llaquicuran r&#239;cu cashpan.</div><div class="p"> 24Llaquisha caycajta ricar Jes&#250;s niran: &#171;Tayta Diospa maquincho cawananpaj r&#239;cucuna yaycunanp&#228;ga fiyupa sasami. 25Aujapa uchcunpa cam&#235;lluta p&#228;sachishapis p&#228;sanmanr&#228;mi Tayta Diospa maquincho goy&#228;nanpaj r&#239;cu runa yaycunanpitaga.&#187;</div><div class="p"> 26Chayno nejta wiyajcunaga niran: &#171;Chayno captenga &#191;piraj salbacunman?&#187; nir.</div><div class="p"> 27Niptin Jesusga niran: &#171;Quiquillanpitaga runacuna manami salbacunmanchu. Tayta Diosllami pitapis salban. Payp&#228;ga imapis manami sasachu&#187; nir.</div><div class="p"> 28Chaura Pedro niran: &#171;Tayta, nogacunaga llapan ima-ayc&#228;tapis cachaycurmi gamta gatirpayc&#228;&#187; nir.</div><div class="p"> 29Niptin Jes&#250;s niran: &#171;Pimi Tayta Diospa maquincho goyayta munaywan cachaycun wasinta, maman-taytanta, wauguinta, pa&#241;inta, warminta, wamrancunata; 30chay runaga mas aypallatami cay caway-b&#239;dacho chasquenga. Tayta Diosninch&#239;pa &#241;aupanch&#246;nami para-simri cawayta tarenga.&#187;</div><div class="s1">Wa&#241;unanpaj cashanta Jes&#250;s yapay willacushan</div><div class="r">(Mat. 20.17-19; Mar. 10.32-34)</div><div class="p"> 31Chunca ishcay apostulnincunata gayarcur Jes&#250;s niran: &#171;Gamcuna musyanquimi Jerusalenman aywaycashanch&#239;ta. Chaych&#246;mi &#241;aupata prof&#235;tacuna noga Destin&#228;du Runapaj isquirbishan cumlicanga. 32J&#228;pa autorid&#228;cunamanmi entregamanga. Chay runacunanami asip&#228;manga, ashllir-ushamanga, togapar-ushamanga. 33Chayno rurarcur fiyupa astirc&#228;rirmi wa&#241;uchimanga. Ichanga wa&#241;ush&#228;pita quimsa junajta cawarimush&#228;mi.&#187;</div><div class="p"> 34Chayno niptin apostulnincunaga ni imanillarpis mana tantiyaranchu imapaj parlaycashantapis Tayta Dios mana camac&#228;chiptin.</div><div class="s1">Jeric&#243; marcacho gaprata Jes&#250;s allchac&#228;chishan</div><div class="r">(Mat. 20.29-34; Mar. 10.46-52)</div><div class="p"> 35Jeric&#243; marcaman Jes&#250;s chayaycaptin gapra runa n&#228;nicho jamaraycaran limusnata ma&#241;acur. 36Achcaj runacuna aywaycajta mayar chay gapraga tapucuran &#171;&#191;Imataj caycan?&#187; nir. 37Runacunana willaran: &#171;Nazaret runa Jesusmi p&#228;saycan&#187; nir.</div><div class="p"> 38Willaycuptin gapraga gayacuran: &#171;&#161;Ray Davidpita miraj Cristo, cuyapaycall&#228;may!&#187; nir.</div><div class="p"> 39Gapra chayno niptin Jesuswan aywaycajcunaga chay gaprata ollg&#246;paran up&#228;lla cacunanpaj. Chaypis masraj gayacuran: &#171;&#161;Ray Davidpita miraj Cristo, cuyapaycall&#228;may!&#187; nir.</div><div class="p"> 40Chaura Jesusga ichiycur gaprata &#241;aupanman pushachiran. Chayachiptin tapuran: 41&#171;Gampaj &#191;imata ruran&#228;tataj munanqui?&#187; nir.</div><div class="p">Gapranami niran: &#171;Tayta, &#241;aw&#235; ricanantami mun&#228;&#187; nir.</div><div class="p"> 42Niptin Jes&#250;s niran: &#171;&#209;awiqui allchac&#228;chun. Rasunpa y&#228;racushayquipitami allchacashcanqui&#187; nir.</div><div class="p"> 43Chayno niptin jinan &#246;ra gaprapa &#241;awin allchacar allina ricaran. &#209;awin allina ricaptin Tayta Diosta alabaraycar Jesuspa guepanta aywaran. Jes&#250;s allchac&#228;chishanta ricajcunapis Tayta Diosta alabarcaycaran.</div>
 </div>
 </div>
</div>

Tayta Diosta mana yamacaypa mañacunanpaj disïpuluncunata yachachir tincuchiypa Jesús yachachiran: «Juc marcachöshi juc juez casha. Payga manashi Tayta Diosta manchacojchu; ni pï runatapis rispitajchu. Chay marcachöshi biyüdapis tiyasha. Chay biyüdaga dimandacojshi juezman aywasha ‹Conträwan juclla arriglaycamay tayta› nir. Yaparir-yaparir aywaptinpis unaynashi chay juezga mana arriglashachu. Chayno caycashancho sumaj yarpachacurirshi juezga shongullancho niran: ‹Diosta mana manchacur, ni runacunata mana rispitarpis chay biyüda waran-waran mana rabyachimänanpaj demandunta juclla arriglaycushaj. Mana arriglaptëga imay örapis cutiycämongami› nir.»
Chayno willaparcur Jesús niran: «Mana alli juez imata nishantapis sumaj tantiyacuy. Chacaypapis junajpapis acrashan runacuna gayacuypa mañacuycaptenga ¿manachuraj Tayta Diospis yanapanga? U ¿yanapänanpaj shuyarächengachuraj? Ruwacur mañacoj cajtaga mana shuyarächiypami Tayta Dios yanapanga. Ichanga noga Destinädu Runa cay pachaman cutimushpä ¿Diosman yäracuycajta tarishärächuraj?» nir.

Alli-tucur juccunata manacajman churaj runacunata Jesús mastapis tincuchiypa willapar cayno niran: «Ishcaj runacunashi Templuman aywasha Tayta Diosta mañacunanpaj. Jucnin casha fariseo; jucninna casha impuesto cobraj. Fariseo cäga sumaj ichiycurshi Tayta Diosta cayno mañacusha: ‹Grasyas Tayta Dios. Gamta fiyupami agradësicö waquin runacunano mana cashäpita. Waquin runacunaga caycan suwami, fiyumi, pï-maywanpis cacojmi. Nogaga manami cächu tagay impuesto cobrajnöpis. Semänacho ishcay cutimi ayunäpis. Gänashäman-tupumi diesmötapis gampaj churä› nir. Impuesto cobraj runami ichanga pengacushpan carullacho ichiraycaran. Syëlumanpis mana ricäriyllapis ricärishachu. Chaypa ruquenga fiyupa llaquicur pëchunta tacacushpan mañacuran: ‹Cuyapaycallämay Tayta Dios. Nogaga fiyupa juchasapami cä› nir. Chaymi impuestuta cobräga perdunashana wasinman cutisha. Fariseo cajtami ichanga Tayta Dios mana perdunashachu.
«Alli-tucoj cäga manacajman churashami cangapaj. Manacajman churasha caycajcunami ichanga alliman churasha cangapaj.»


Chaypita Jesusman wamracunata apaycaran yataycunanpaj. Disïpuluncunami ichanga apajcunata piñacuran. Chayta ricarmi Jesusga disïpuluncunata niran: «Wamracunaga shacamuchun. Ama michaychu. Diospa maquinchöga goyanga wamrano cajcunami. Tayta Diosman wamrano riguej cäga Tayta Diospa maquinchömi goyanga. Wamrano mana riguej cäga manami Tayta Diospa ñaupanman chayangachu.»


Juc mandaj runa Jesusta tapuran: «Alli maestru, ¿imatataj ruräman imaycamapis cawayta tarinäpaj?» nir.
Jesús niran: «¿Imanirtaj ‹Alli› nimanqui? Alliga Tayta Diosllami. Mandamintucunataga musyanquinami: Majayoj caycarga jucwan ama cacunquichu. Ama wañuchicunquichu. Ama suwacunquichu. Ama manacajtaga pitapis jitapanquichu. Mamayqui taytayquita alli ricanqui.»
Niptin chay runaga niran: «Chaycunataga wamra cashäpita-pachami cumlishcä.»
Chaura Jesús niran: «Jucrämi pishëshunqui. Llapan ima-aycayquitapis ranticuycuy. Nircur chay guellaytana pobricunata raquipanqui. Chayno rurarga syëluman riquësayquita churaycajnömi caycanqui. Nircur ichanga shamunqui gatirämänayquipaj.»
Chayno nishanta wiyaycur fiyupa llaquicuran rïcu cashpan.
Llaquisha caycajta ricar Jesús niran: «Tayta Diospa maquincho cawananpaj rïcucuna yaycunanpäga fiyupa sasami. Aujapa uchcunpa camëlluta päsachishapis päsanmanrämi Tayta Diospa maquincho goyänanpaj rïcu runa yaycunanpitaga.»
Chayno nejta wiyajcunaga niran: «Chayno captenga ¿piraj salbacunman?» nir.
Niptin Jesusga niran: «Quiquillanpitaga runacuna manami salbacunmanchu. Tayta Diosllami pitapis salban. Paypäga imapis manami sasachu» nir.
Chaura Pedro niran: «Tayta, nogacunaga llapan ima-aycätapis cachaycurmi gamta gatirpaycä» nir.
Niptin Jesús niran: «Pimi Tayta Diospa maquincho goyayta munaywan cachaycun wasinta, maman-taytanta, wauguinta, pañinta, warminta, wamrancunata; chay runaga mas aypallatami cay caway-bïdacho chasquenga. Tayta Diosninchïpa ñaupanchönami para-simri cawayta tarenga.»


Chunca ishcay apostulnincunata gayarcur Jesús niran: «Gamcuna musyanquimi Jerusalenman aywaycashanchïta. Chaychömi ñaupata profëtacuna noga Destinädu Runapaj isquirbishan cumlicanga. Jäpa autoridäcunamanmi entregamanga. Chay runacunanami asipämanga, ashllir-ushamanga, togapar-ushamanga. Chayno rurarcur fiyupa astircärirmi wañuchimanga. Ichanga wañushäpita quimsa junajta cawarimushämi.»
Chayno niptin apostulnincunaga ni imanillarpis mana tantiyaranchu imapaj parlaycashantapis Tayta Dios mana camacächiptin.


Jericó marcaman Jesús chayaycaptin gapra runa nänicho jamaraycaran limusnata mañacur. Achcaj runacuna aywaycajta mayar chay gapraga tapucuran «¿Imataj caycan?» nir. Runacunana willaran: «Nazaret runa Jesusmi päsaycan» nir.
Willaycuptin gapraga gayacuran: «¡Ray Davidpita miraj Cristo, cuyapaycallämay!» nir.
Gapra chayno niptin Jesuswan aywaycajcunaga chay gaprata ollgöparan upälla cacunanpaj. Chaypis masraj gayacuran: «¡Ray Davidpita miraj Cristo, cuyapaycallämay!» nir.
Chaura Jesusga ichiycur gaprata ñaupanman pushachiran. Chayachiptin tapuran: «Gampaj ¿imata ruranätataj munanqui?» nir.
Gapranami niran: «Tayta, ñawë ricanantami munä» nir.
Niptin Jesús niran: «Ñawiqui allchacächun. Rasunpa yäracushayquipitami allchacashcanqui» nir.
Chayno niptin jinan öra gaprapa ñawin allchacar allina ricaran. Ñawin allina ricaptin Tayta Diosta alabaraycar Jesuspa guepanta aywaran. Jesús allchacächishanta ricajcunapis Tayta Diosta alabarcaycaran.

Listen to Lucas 18