لشهر أكتوبر؛ رحمات جديدة كل صباحعينة

أنت مدعو اليوم باش تتخلّى على مقاصد الأهداف ديال مملكتك وتسلّم نفسك للإرادة ديال ملك أعضم. النعمة كتخلّي هادشي يكون ممكن.

هي وجهة النظر للحياة بين "ديجا" و "مازال" اللّي كيحتاجها كل مسيحي. كيورّيها لينا الرسول بولس بقوة في أفسس 6: 10-18:

وْفْاللّْخْرْ كَنْݣُولْ لِيكُمْ آ خُوتِي، تْقُوَّاوْ فْالرَّبّْ وْفْالْقُدْرَة دْيَالُه الْقْوِيَّة.لْبْسُو السّْلَاحْ الْكَامْلْ اللِّي كَيْعْطِيهْ اللَّهْ لِيكُمْ، بَاشْ تْقَدْرُو تّْبْتُو ضْدّْ الْحِيلَاتْ دْيَالْ إِبْلِيسْ.حِيتْ الْحَرْبْ دْيَالْنَا مَاشِي مْعَ بْنَادْمْ اللِّي مْنْ لْحَمْ وْدْمّْ، وَلَكِنْ مْعَ الرُّؤَسَا وْالسُّلُطَاتْ وْالْحُكَّامْ الرُّوحِيِّينْ دْيَالْ هَادْ الزّْمَانْ الْمْضَلّْمْ، وْمْعَ الْأَرْوَاحْ دْيَالْ الشَّرّْ اللِّي فْالسّْمَا.عْلَى دَاكْشِّي هْزُّو سْلَاحْ اللَّهْ الْكَامْلْ بَاشْ تْقَدْرُو تْقَاوْمُو فْالنّْهَارْ اللِّي غَيْكُونْ فِيهْ الشَّرّْ، وْتْقَدْرُو تْبْقَاوْ تَابْتِينْ مْنْ بَعْدْمَا تْكَمّْلُو كُلّْشِي.إِيوَا وَجّْدُو رَاسْكُمْ وْتّْحَزّْمُو بْالْحَقّْ، وْلْبْسُو الضّْرَّاݣَة دْيَالْ التَّقْوَى. وْلْبْسُو فْرْجْلِيكُمْ الْغِيرَة عْلَى الْإِنْجِيلْ دْيَالْ الْهْنَا بَاشْ تْخَبّْرُو بِيهْ.وْدِيمَا هْزُّو تُرْسْ الْإِيمَانْ بَاشْ تْقَدْرُو تْطْفِيوْ ݣَاعْ نْبْلَاتْ الشِّيطَانْ اللِّي شَاعْلَة. لْبْسُو النّْجَا بْحَالْ الْكَاسْكْ اللِّي كَيْحْمِي الرَّاسْ، وْتّْسَلّْحُو بْسِيفْ الرُّوحْ اللِّي هُوَ كْلَامْ اللَّهْ. صْلِّيوْ فْكُلّْ وَقْتْ بْالرُّوحْ الْقُدُسْ فْݣَاعْ الصَّلَوَاتْ وْالدَّعَوَاتْ دْيَالْكُمْ،وْسَهْرُو وْدَاوْمُو عْلَى هَادْشِّي، وْصَلِّيوْ مْنْ جِهْةْ ݣَاعْ الْمُومْنِينْ الْمْقَدّْسِينْ.

علاش بولس كيسالي رسالته للناس ديال أفسس بهاد الطريقة؟ هو دار هادشي حيت هو كيفهم بلّي في هاد الجهة من الأبدية، الحياة هي حرب. ملّي كيطلب من القراء دياله يلبسو السلاح الكامل ديال الإنجيل ويستعدّو للحرب، بولس ماكيقدّمش موضوع جديد؛ لّا، هو كيلخّص كل ما قاله حتى لتمّا. كل توجيه هو عطاه - يعني كل تطبيق على شنو كيعني تعيش في ضوء إنجيل يسوع المسيح- خاص يتعاش في سياق حرب روحية عضيمة. على شنو كتدور هاد الحرب؟ هي الحرب الكبرى من أجل السيطرة والحكم على قلوبنا. مع ستمرار وجود الخطية فينا لداخل، حنا مازال مشتتين بين محبتنا لمملكة الدات الصغيرة المخنوقة ديالنا والأهداف العظيمة والمجيدة ديال مملكة الله. حنا مازال كنتغراو باش نبغيو طريقتنا الخاصة ونكتبو قواعدنا الخاصة. حنا مازال كنميلو باش نعطيو قيمة للراحة والسرور كتر من مانحبّو الفداء. حنا كنتغراو باش نكونو متحمسين كتر على الأمور ديال هاد العالم كتر من حقيقة أننا ولّينا ولاد الله. مازل كنشكيو ملّي التجارب اللّي كيقدسونا كيجيو في طريقنا ومازال كنميلو باش نقولو بلّي الله أمين غير ملّي كيبان أن الأمور في حياتنا غاديين مزيان.

هاد الحرب الروحية العظيمة هي ماشي التجربة النادرة والغريبة ديال شياطين كيشطحو فوق الطابلة كيما غالبًا كنفكرو. لّا، هي الحرب المستمرة من أجل قلوبنا اللّي شاعلة بين الله وعدو كيغرّر وكيخدع، الحرب شاعلة حتّى نهار يولّي هاد العدو تحت رجيلن يسوع. كتفكّرنا رسالة أفسس 6: 10-18 بلّي راك خديتي نعمة كبيرة من أجل هاد الحرب.

من أجل دراسة وتشجيع كتر: يوحنا اللّولة 2: 15-17