لشهر أكتوبر؛ رحمات جديدة كل صباحعينة

إلا كنتي كتيق غير ملّي كتفهم، فراك غتعيش مع بزّاف ديال الشك. الحكمة ديال الله كبر من أي حاجة يمكن يتصورها عقلك.

الإعتراف كيخلّينا نتواضعو، ولكن واخّا هكداك راه الإعتراف مهم بزّاف. ماعمّرك توصل لسلام حقيقي وتابت ودائم وراحة القلب من خلال الفهم. تقدر تسوّل "علاش؟". حيت ديما غيكونو أمور في حياتك ماكتفهمهش. الله كيكشف في كلمته على كل لأمور اللّي خاصّك تعرفها، ولكن هو ماكيقولش ليك كل الأمور اللّي تقدر تّعرف. هو كيكشف على خطته لكل شعبه في كلمته، ولكن ماكيقولش ليك على خطته السامية الفردية ليك. أنا ونت بكل بساطة ماقادرينش ندخلو في عقولنا المحدودة كل خطط الله لينا وكل الأسباب مورا دوك الخطط.

دابا، ها هي المشكلة: خلقك الله باش تكون إنسان عاقل. هو صممك باش تفكر، يعني باش تكون عطشان باش تفهم حياتك وعالمك. هادي ماشي حاجة خايبة في حد داتها. في الحقيقة، هي حاجة مزيانة بزّاف. القصد من قدرتك على التفكير والتفسير والفحص والتعريف والشرح والفهم، هو باش توجهك لعند الله. القصد من عقليتك هو باش توجهك لعنده وتعاونك باش تفهم الوحي دياله ليك. هادشي علاش راه الإيمان الكتابي هو ماشي حاجة غير منطقية، ولكن خاصك تواجه هادشي: غياخدك بعيد من قدرتك على التفكير. أنا ونت ماعمّر كنّا نقدرو نبداو ملّي طاح آدم وحواء ونستعملو المنطق باش نتنبؤو بالمجيء والموت ديال يسوع على الصليب. المؤمنين ديال العهد القديم عرفو بلّي الله غادي يتعامل مع الخطية ويعطي حياة جديدة للشعب دياله حيت الله قال ليهم بلّي هادشي اللّي غيدير. ولكن هما ماعرفوش بلّي الموت ديال ولد الله غيكون هو الوسيلة اللّي بيها غيوقع هادشي.

بنفس الطريقة، وحنا دايزين بين الوقت ديال "ديجا" و "مازال"، نقدرو نكونو متأكدين من كل داكشي اللّي قاله لينا الله في كلمته، ولكن حتّى نقدرو نكونو متأكدين بلّي كاين بزّاف ديال الأمور غيجيو ماقالهمش لينا الله، بطريقة شخصية أولا جماعية. هادشي علاش غيكونو ألغاز ومفاجآت في حياتنا. إلا أنا ونت لغينا الإيمان في كل مرّة كنلقاو شي غموض، فراه غنعيشو بزّاف ديال الأوقات من حياتنا في عدم الإيمان. إلا شكّكنا في الصلاح ديال الله ومحبته في كل مرة كيتصرف بطريقة ماتوقّعناهاش، فراه في الأخير غادي نفكرو بلّي هو ماشي مزيان. إلا رفضنا نرتاحو ملّي ماكنفهموش شي حاجة، فراه في الأخير غادي نعيشو حياة ديال الحزن.

إدن فين كاين السلام وراحة القلب؟ رتاح في حقيقة أن الله قال ليك بشكل كامل في كلمته كل الأمور اللّي خاصّك تعرف، ومن بعد رتاح في شحال كاملة ومتالية حكمته وشخصيته. ماترتاحش حيت نت كتعرف، ولكن رتاح حيت هاداك اللّي كيعرف كلشي هو حكيم وصالح.

من أجل دراسة وتشجيع كتر: كورنتوس اللّولة 1: 18-31