لشهر أكتوبر؛ رحمات جديدة كل صباحعينة

حنا كنخافو. الحضور ديال الله كيعطي الشجاعة. حنا بعاد. محبته كتقرّبنا. حنا كنشكّو. وعوده كيعطيونا الرجاء.

الله كيجي لعندنا فين حنا. هادي هي حقيقة النعمة الجميلة اللّي كتعطي الرجاء. إلا طلب منّا الله نجيو لعنده فين هو كاين، غنخسرو كلنا. ماكاينش شي متال حسن من هاد الجواب ديال يسوع لبطرس من بعد مانكره بطرس:

وْمْنْ بَعْدْمَا كْلَاوْ، ݣَالْ يَسُوعْ لْسِمْعَانْ بُطْرُسْ: «آ سِمْعَانْ وَلْدْ يُوحَنَّا، وَاشْ كَتْبْغِينِي كْتَرْ مْنْ هَادُو؟».وْجَاوْبُه وْݣَالْ لِيهْ: «إِيِّهْ، آ الرَّبّْ، نْتَ كَتْعْرَفْ بْلِّي كَنْبْغِيكْ».وْݣَالْ لِيهْ: «إِيوَا وْكَّلْ الْخْرْفَانْ دْيَالِي».وْعَاوْدْ ݣَالْ لِيهْ الْمَرَّة التَّانْيَة: «آ سِمْعَانْ وَلْدْ يُوحَنَّا، وَاشْ كَتْبْغِينِي؟».ݣَالْ لِيهْ: «إِيِّهْ، آ الرَّبّْ. نْتَ كَتْعْرَفْ بْلِّي كَنْبْغِيكْ».وْهُوَ يْݣُولْ لِيهْ: «إِيوَا رَدّْ الْبَالْ لْلْخَرْفَانْ دْيَالِي».وْعَاوْدْ ݣَالْ لِيهْ الْمَرَّة التَّالْتَة: «آ سِمْعَانْ وَلْدْ يُوحَنَّا، وَاشْ كَتْبْغِينِي؟».وْهُوَ يْتْقَلّْقْ بُطْرُسْ حِيتْ هَادِي الْمَرَّة التَّالْتَة وْيَسُوعْ كَيْݣُولْ لِيهْ: «وَاشْ كَتْبْغِينِي؟». وْجَاوْبُه بُطْرُسْ وْݣَالْ لِيهْ: «نْتَ آ الرَّبّْ كَتْعْرَفْ كُلّْشِي وْنْتَ كَتْعْرَفْ بْلِّي كَنْبْغِيكْ».وْهُوَ يْݣُولْ لِيهْ يَسُوعْ: «إِيوَا وْكَّلْ الْخْرْفَانْ دْيَالِي.وْنْݣُولْ لِيكْ الْحَقّْ: مْلِّي كْنْتِ بَاقِي شَابّْ، كْنْتِ قَادْرْ تّْحَزّْمْ وْتْمْشِي فِينْ مَا بْغِيتِي. وَلَكِنْ مْلِّي غَتْكْبَرْ فْالْعْمَرْ غَتْمَدّْ يْدِّيكْ وْغَيْجِي وَاحْدْ آخُرْ يْحَزّْمْكْ وْيْدِّيكْ فِينْ مَا بْغِيتِيشْ نْتَ تْمْشِي».وْݣَالْ يَسُوعْ هَادْشِّي بَاشْ يْبَيّْنْ كِيفَاشْ غَيْمُوتْ بُطْرُسْ، وْهَكَّا غَيْعْطِي الْعَزّْ لْلَّهْ.وْمْلِّي ݣَالْ لِيهْ هَادْ الْكْلَامْ، ݣَالْ لِيهْ: «تْبَعْنِي». (يوحنا 21: 15-19)

كون كاين شي شخص نقدرو نتوقعو باش يسوع يعطيه بضهره ديما، هاد الشخص غيكون هو بطرس. كيفاش قدر ينكر يسوع واخّا حدّرو؟ واش هادشي ماكيتغفرش؟ لّا! داكشي اللّي داره بطرس ماكانش صورة على الهزيمة ديال الصليب. العكس هو اللّي الصحيح. راه النكران ديال بطرس هو صورة ملموسة كتصدمنا على الضرورة ديال صليب يسوع المسيح. الحياة والموت والقيامة دياول يسوع كانو ضروريّين حيت حنا بحال بطرس. ماعندنا حتّى قوة في نفوسنا باش نكونو أُمناء وحكماء وصالحين وتقيين. مانقدروش ننجّيو نفوسنا. حنا ناس محتاجين للإنقاد. بلا الإنقاد ديال النعمة، حنا كنشكلو خطر على نفوسنا وعلى الناس لخرين، بلا رجاء وبلا الله.

إدن بالنعمة اللّي كتخلينا نتواضعو، الله كيجي لعندنا فين حنا، بالضبط كيما دار مع بطرس. كيجي لعندنا في الخوف ديالنا. كيقرّب منّا ملّي كنبعدو. كيتلاقا معانا في الشك ديالنا. كيتبعنا ملّي كنتلفو. ملّي كنخطئو، كيجي لعندنا بالتأنيب والغفران. كيقوّينا ملّي كنكونو ضعاف. كيجدّدنا ملّي ماكنكونوش أُمناء. ملّي كنكروه، هو ماكينكرناش. كيجي لعندنا في الوقيتة ملّي كنتنقدو، وكيرجع لعندنا مرارًا وتكرارًا وحنا غاديين من الوقت ديال "ديجا" ل "مازال". كيگلس معانا، وكيأّكد لينا محبته عوتاني، وكيخرّج منّا محبّة ليه، وكيصيفطنا باش نديرو الخدمة اللّي هو ختارنا باش نديروها. ماكيتسنّاناش باش نجيو لعنده. هو كيجي لعندنا. هادي هي الطريق ديال النعمة.

من أجل دراسة وتشجيع كتر: يوحنا 18: 15-18