لشهر أكتوبر؛ رحمات جديدة كل صباحعينة

العبادة الجماعية تصممات باش تفكّرك بهويتك في المسيح باش ماتضيّعش وقتك في التقلاب على الهوية في بلاصة خرا.

ساهل بزّاف تكون كتنسا الهوية ديالك. ساهل بزّاف تنسا هويتك في المسيح وشنو عطا ليك بصفتك ولده. ساهل بزّاف تقلّب بشكل أفقي على داكشي اللّي ديجا خديتيه بشكل عمودي. ساهل بزّاف تستسلم للخوف، وتفتح الطريق للإحساس بالعار، أولا تخلّي نفسك يضعّفك الإحساس بالدنب حيت كتنسا الفوائد الحالية ديال خدمة يسوع الكاملة. ساهل بزّاف في المصاعب ديال الحياة باش تنسا بلّي ماكايناش شي حاجة قوية بشكل كافي باش تفصلك على محبة الله. ملّي كتواجه الصعوبات، ساهل بزّاف تنسا بلّي إلا عطاك الله ولده، فراه حتّى غيعطيك كل ماكتحتاج. ساهل بزّاف تفشل باش تعيش في ضوء حقيقة أن يسوع ماماتش غير من أجل غفران الماضي ديالك (نشكرو الله حيت غفر الماضي) أولا قيامتك في المستقبل (رجاء شحال رائع!)، ولكن حتّى من أجل كل حاجة كتواجهها هنا ودابا.

ساهل بزّاف تنسا بلّي كل تجربة كتجي في طريقك كيصيفطها المنجّي ديال النعمة كأداة ديال النعمة باش يقوّي خدمة النعمة في قلبك وحياتك. ساهل بزّاف تنسا بلّي حياتك غزاتها النعمة ديال هاداك اللّي هو "أنا هو"، فراه مستحيل تكون في أي موقف أولا علاقة أولا بلاصة بوحدك. ساهل بزّاف تنسا بلّي الله كيعيش بالحق فيك لداخل من خلال الحضور القوي ديال الروح القدس اللّي كيأنّب، كيحمي، وكيقوّي. ساهل بزّاف تنسا بلّي الله كيحبّك وكيقبلك في أسوأ نهار في حياتك بحال راك في أحسن نهار في حياتك. ساهل بزّاف تفشل تتدكّر بلّي بسباب النعمة ديال حياة وموت وقيامة يسوع، فراك ماعمّرك كتبقا بوحدك مع الموارد المحدودة ديال حكمتك والتقوى ديالك وقوتك. ساهل بزّاف تطيح في الخوف من داكشي اللّي ديجا غلباته النعمة في بلاصتك.

ساهل بزّاف تحس بالضعف قدّام الإغراء وتفتح الطريق قدّام داكشي اللّي النعمة عطاتك القدرة باش تقاومه. ساهل بزّاف تتسائل على واش اللّه قريب وواش كيسمع. ساهل بزّاف تشك في الصلاح ديال الله في أوقات الشدة. ساهل بزّاف تسوّل نفسك على واش الله نساك ملّي تكون كتقارن مشكلة حياتك بالسهولة اللّي كتبان في حياة شي واحد حداك. ساهل بزّاف تفكّر بلّي ممكن تلقا الحياة في شي بلاصة خرا برّا المسيح. ملّي كتبان الحياة خارجة على السيطرة، فراه ساهل بزّاف تنسا بلّي يسوع المسيح كيحكم فوق كلشي من أجل المجد دياله والخير ديالك. ساهل بزّاف تنسا هويتك وتقلّب على الهوية في شي بلاصة خرا،

هادشي علاش الله وصّانا بلّي خاصنا نجتامعو مرارًا وتكرارًا باش نتفكرو مرارًا وتكرارًا شكون حنا وشنو خدينا. كنيسته هي أداة ديال النعمة ووسيلة للتدكير باش نفرحو ونكبرو.

من أجل دراسة وتشجيع كتر: عبرانيين 10: 19-25