لشهر أكتوبر؛ رحمات جديدة كل صباحعينة

ماتخلّيش بلاصة للإحباط، ومشاعر الإستسلام، أولا الأمواج ديال الخوف، حيت الأب بنعمته ختار باش يعطيك المملكة!

كاينين بزّاف ديال الأسباب باش تكون مُحبَط في هاد العالم الساقط، عجيب باش يكون أي شخص سعيد. مُحبِط باش تشوف زواجك كيولّي بارد وبعيد. مؤسف باش يخونك شي صديق عزيز. مخيّب للضن باش تخسر خدمة خدمتي فيها بالتزام وجد. محزن باش تواجه مرض نت ماشي متأكّد بلي غتغلبو. صعب باش تواجه التمرد والرفض ديال واحد من ولادك. كيفشّل باش تسمع بزّاف على الفساد في السياسة والحكومة. مؤسف بلّي خاصّك تخمّم على الجريمة والظلم. صعيب باش تتعامل مع الضعف مع الكبورية ديال العمر. صعيب باش يضحكو عليك ويرفضوك بسباب إيمانك. حزين باش تشوف كنيستك تولّي بلاصة ديال الجدال كتر من بلاصة ديال الشفاء ديال الإنجيل. يقدر يبان بحال لو أن كلشي في حياتك كيهبط لتحت أولا في خطر ديال الفساد. الناس كيموتو، الأحلام كيموتو، الورود كيموتو، وكيفسد الزواج والكنائس والخدامي والصداقات. إلى شفتي في هاد العالم، راه هاد العالم القديم اللّي خلقه الله ماخدّامش مزيان. من بزّاف ديال النواحي، هاد العالم هو بلاصة صعيبة وغير مشجعة باش نعيشو فيها. غتوصل ليك الدوامة ديال العالم الساقط. كيبان بلّي حتّى حاجة مادايمة أولا كلشي غادي وكيريب.

ولكن ماشي غير هادشي اللّي كيفشّلنا. غالبًا ما كيبان أنك عاجز باش تدير شي تغيير. نت كتدير داكشي اللّي في القدرة ديالك باش تحيي زواجك، ولكن كيبان أنه واحل. نت كتعرف بلّي ماعندكش القدرة باش تغيّر الناس لخرين وعندك قدرة محدودة باش تغيّر المواقف. غالبًا ما كيبان بلّي شاهد على أولا متأثر بالحوايج اللّي ماعندكش قدرة باش تغيّرهم.

إدن فين نقدرو نلقاو التشجيع؟ كاين في النعمة، كيما كيورّينا هاد الكلام الزوين: "مَا تْخَافِيشْ آ الْقْطْعَة الصّْغِيرَة دْيَالِي! رَاهْ بَّاكُمْ اللِّي فْالسّْمَا بْغَا بَاشْ يْنْعَمْ عْلِيكُمْ وْيْعْطِيكُمْ الْمَمْلَكَة." (لوقا 12: 32). بهاد الكلمات، كلشي كيتغيّر. هاد الكلمات كيقولو بلّي راه ماشي نت بوحدك اللّي ضد عالم فاسد. أه، نت مواطن في هاد العالم وراك تأتّرتي بالانكسار دياله، ولكن نت خاصّك تفكّر نفسك بلّي راك مواطن في مملكة خرا. الملك ديالك كيتحكّم في كل حاجة تقدر تفشلك وتخيّب ضنّك، وهو كيحكم من أجل الخير ديالك والمجد دياله. داكشي اللّي هو خارج على سيطرتك هو تحت الحكم دياله. داكشي اللّي ماكتفهمش هو تحت إدارته الدقيقة. ولكن كاين كتر. في الوقت ملّي كيبان كلشي حداك فاني، راه هاد المملكة ماغتساليش گاع. من بعد التدمير ديال المملكات ديال هاد العالم، نت غتحكم مع الملك ديالك في مملكته ديما وللأبد.

من أجل دراسة وتشجيع كتر: لوقا 12: 22–34