لشهر أكتوبر؛ رحمات جديدة كل صباحعينة

الصعوبات ديال حياتك هما ماشي واقفين في الطريق قدّام خطة الله. هما أداة ديالها.

هما تصنعو باش يعاونو في التقدّم ديال خدمته النعمة دياله.

1.ربّما أهم جوج أسئلة تقدر تطرحهم بين نهار أمنتي وقيامتك الأخيرة هما:

2.شنو كيدير الله هنا ودابا؟

كيفاش نقدر نستاجب لداكشي اللّي كيدير الله في العالم؟

الطريقة اللّي كتجاوب بيها على هاد الأسئلة كتحدّد بطريقة حقيقية الطبيعة ديال إيمانك والاتجاه ديال حياتك. فكّر في كيفاش كيجاوب يعقوب على هاد الأسئلة في الجزء اللّول من رسالته:

"فْرْحُو مْنْ كُلّْ قَلْبْكُمْ آ خُوتِي مْلِّي تْكُونُو كَتْدُوزُو فْݣَاعْ الْمْحَايْنْ، وْرَاكُمْ عَارْفِينْ بْلِّي وَقْتْمَا تْجَرّْبْتُو فْإِيمَانْكُمْ كَيْوَلِّي عَنْدْكُمْ الصّْبَرْ.

إِيوَا خَلِّيوْ صْبَرْكُمْ يْكْمَلْ، بَاشْ تْكُونُو مْكْمُولِينْ وْمَا نَاقْصِينْ فْحْتَّى حَاجَة.وَلَكِنْ إِلَا كَانْ شِي وَاحْدْ مْنّْكُمْ نَاقْصَاهْ الْحْكْمَة، خَاصُّه يْطْلَبْهَا مْنْ اللَّهْ اللِّي كَيْعْطِي لْكُلّْ وَاحْدْ بْالسّْخَاوَة بْلَا مَا يْلُومْ حَدّْ، وْهُوَ غَيْعْطِيهَا لِيهْ.وَلَكِنْ خَاصُّه يْطْلَبْهَا بْالْإِيمَانْ بْلَا مَا يْشَكّْ، حِيتْ الْمْشْكَاكْ كَيْشْبَهْ لْلْمُوجَة دْ الْبْحَرْ اللِّي كَتّْهَزّْهَا الرِّيحْ وْكَتْقْلَبْهَا.

بْحَالْ هَادَا، بْلَا مَا يْفَكّْرْ يَاخُدْ شِي حَاجَة مْنْ عَنْدْ الرَّبّْ. حِيتْ بْنَادْمْ اللِّي عَنْدُه جُوجْ دْ الْأَرَاءْ مَا كَيْبْقَاشْ تَابْتْ فْطْرْقَانُه. خَاصّْ الْخُو الْمُومْنْ الْفَقِيرْ يْفْتَخْرْ حِيتْ اللَّهْ رْفَعْ مْنْ شَانُه. وْاللِّي لَبَاسْ عْلِيهْ خَاصُّه يْفْتَخْرْ حِيتْ اللَّهْ رْدُّه مْتْوَاضْعْ، عْلَاحْقَّاشْ هُوَ بْحَالْ نُوَّارْ الرّْبِيعْ اللِّي مَا كَيْدُومْشْ.حِيتْ مْلِّي كَتْشْرَقْ الشّْمْسْ الْحَارَّة، كَتْيَبّْسْ الرّْبِيعْ، وْكَيْطِيحْ النُّوَّارْ دْيَالُه وْكَيْفْنَى زِينُه.

هَكَّا حْتَّى اللِّي لَبَاسْ عْلِيهْ غَيْدْبَالْ وْهُوَ مْشْغُولْ فْحْيَاتُه.سْعْدَاتْ اللِّي كَيْصْبَرْ فْالتَّجْرِبَة، عْلَاحْقَّاشْ مْلِّي يْخْرُجْ مْنّْهَا غَيَاخُدْ تَاجْ الْحَيَاةْ اللِّي وَاعْدْ بِيهْ الرَّبّْ هَادُوكْ اللِّي كَيْبْغِيوْهْ." (1: 2-12)

شنو كيدير الله هنا ودابا؟ هو كيستعمل الصعوبات ديال الحياة كأدوات ديال النعمة باش ينتج فيك صفات ماغيكبروش بشي طريقة خرا. هادشي علاش راه التجارب الصعاب ديالك هما ماشي علامة على أن الله نساك أولا هو ماشي أمين بوعوده. بالعكس، هما تدكير بلّي الله ملتزم بالنعمة دياله وماغيتخلّاش عليها- غتكمّل خدمتها. لّا، هو ماكيستعملش القوة دياله باش يخلّي حياتك تكون سهل. لّا، هو ماشي خدّام كيحاول باش يعطيك السعادة كيما كتشوفها نت. هو كيعطيك كتر من هادشي بزّاف- نعمة أبدية كتنجّي وكتغفر وكتغيّر.

كيفاش خاص تكون الإستجابة ديالك؟ كيقول يعقوب، "صْبَرْ فْالتَّجْرِبَة." ماتفشلش وماتستسلمش. ماتستمعش للكدوب ديال العدو. ماتتخلّاش على عادات إيمانك المزيانين. ماتشككش في الصلاح ديال الله. شوف في التجارب الصعاب ديالك ولقا النعمة. مور هاد الصعوبات كاين منجّي حاضر ديما كيكمّل خدمته.

من أجل دراسة وتشجيع كتر: عبرانيين 12: 3ـ 11