لشهر أكتوبر؛ رحمات جديدة كل صباحعينة

الصلاة هي نتخلّا على حياة الطلب والشكوة، ونعتارف بالبركة اللّي ماكنستحقش، ونعطي نفسي لحياة ديال الشكر.

ملّي كتفكّر في الصلاة، شنو اللّي كيجي فبالك؟ ملّي كتصلّي، شنو بغيتي من الله؟ شنو هي الطلبات اللّي كتسيطر على حياة الصلاة ديالك؟

الصلاة الحقيقية كتكون في البلاصة فين كيتلاقا الاستسلام والفرح. الصلاة هي كتر من غير تعطي قائمة ديال الرغبات لله وتقول ليه أنك شاكر على وجوده وحيت عنده القدرة باش يعطيك. هاد النوع ديال الصلاة كيحطّك نت في المركز، وبطريقة حقيقية كيخلّي الله يولّي السرباي الإلهي ديالك. ماشي هو اللّي بغيتي. ماشي حكمته اللّي كتشوف نفسك محتاج ليها. ماشي نعمته اللّي قلبك مشتاق ليها. الصلاة ديال قائمة الرغبات أساسًا كتقول، "أنا كنعرف شنو اللّي حسن لحياتي ويا الله أنا غنكون شاكر إلا تقدر تستعمل قوتك باش تحقّق ليّا هادشي." كتصلّي هاكدا ملّي كتنسا بلّي الله بصفته خالق ومنجّي، هو كيعرف بلا حدود كتر منّك على شنو نت محتاج ليه بالحق. ولكن حتى كتر من هادشي، هاد النوع ديال الصلاة كيخلّي الحياة تدور على رغباتك وحتياجاتك ومشاعرك. في الأخير راه هادي بالحق ماشي صلاة. في الصلاة الحقيقية، كتسلّم المِلكية ديال حياتك لخطط الله ومقاصده العضيمة كتر والحكيمة كتر. نت كتخضع إرادتك لإرادته. ماشي أن الله كيوقّع على قائمتك، ولكن نت كتسلّم حياتك ليه.

ومن بعد، الصلاة هي فرح. في الصلاة، كتستمتع بالروعة ديال شنو يعني أنه بالحق عندك أب سماوي. كتفرح في حقيقة أن الله ختار يعطيك مملكته. دهشاتك حقيقة أنه كيسكب قوته القديرة باش يلبّي حتياجاتك. نت كتفرح بالنعمة اللّي كتغفر، كتنجّي، كتغيّر، كتقوّي، وكتحرّر. كتفرح في إدماجك في الخدمة ديال الفداء. كتلقا الرجاء في المستقبل المجيد اللّي جاي. كتكون منداهش من حقيقة أنك ماعمّرك تكون بوحدك حيت عمانوئيل غزا حياتك بنعمته. كتلقا السلام في حقيقة أن النعمة كتعني أنك ماعمّرك كتبقا بوحدك مع الموارد الصغيرة ديال حكمتك والتقوى ديالك وقوتك. كتتأّمل في مجد الله وصلاحه، ومن بعد كتفرح. نت كتفرح بحقيقة أنه مابقاش خاصّك تقلّب على الحياة في الناس والمواقف والبلايص اللّي ضايرين بيك، ولكن راك خديتي الحياة - الحياة الأبدية.

واش الصلاة الحقيقية كيكونو فيها طلبات الله؟ أكيد. كيشجّعنا الله باش نحطو همومنا عليه، حيت هو بالحق كيهتم بينا. ولكن طلبات الصلاة الحقيقية كتكون ديما في سياق الاستسلام والفرح. راه الاستسلام والفرح هما اللّي كيمنعو دوك الطلبات من باش يكونو طلبات أنانية أولا شكاوي عامرين بالمرارة. هاد النوع ديال الصلاة هو أداة ديال نعمة الله في حياتك. ملّي كتحط الله في بلاصته الصحيحة وكتفرح ببلاصتك كولد دياله، كتولّي الصلاة أداة كيستعملها الله باش يحرّرك من عبودية نفسك. دابا هادي هي نعمة!

من أجل دراسة وتشجيع كتر: متّى 6: 5-15