لشهر أبريل؛ رحمات جديدة كل صباحعينة

شنو اللّي يقدر يخلّيك ترتاح كتر من هاد الكلمات: "أَنَا جِيتْ بَاشْ تْكُونْ عَنْدْهُمْ حَيَاةْ، حَيَاةْ فَايْضَة بْالْخِيرْ" (يوحنا 10: 10)؟

كل واحد كيقلّب على الحياة في شي بلاصة. الله دار هاد الرغبة في قلوب كل واحد فينا. هاد الرغبة هي تمّا باش تخلّينا نقلبو عليه هو. هي تمّا حيت حنا تخلقنا ليه. ولكن للأسف، أغلبية الناس كيتجاهلو الله في البحت ديالهم الدايم على الحياة. في نسيانهم لله، كيقلبو على الحياة فين مايمكنش يلقاوها، وعلى هادشي كيخرجو بيدّين خاويين.

راه مهم تفهم بلّي راه تقدر تقلّب على الحياة غير في جوج بلايص. يا إما كتلقا الحياة الكاملة بشكل عمودي أولا كتقلّب عليها بشكل أفقي. هادشي جزء رئيسي من داكشي اللّي كتب عليه بولس في رومية 1: 25 ملّي قال: "حِيتْ بَدّْلُو الْحَقّْ دْيَالْ اللَّهْ بْالْكْدُوبْ، وْعْبْدُو وْخْدْمُو الْمْخْلُوقْ فْعُوضْ الْخَالْقْ، اللِّي كَيْتّْبَارْكْ عْلَى الدّْوَامْ. آمِينْ." شنو هما هاد الكدوب؟ هما الكدوب اللّي تقالو أول مرة في جنة عدن- الوعد الكدّاب بلّي راه الحياة، اللّي كترضي القلب، يمكن نلقاوها في شي بلاصة برّا من الخالق. هادي هي أكبر كذبة، أقسح كذبة تقالت كَاع. إلا أمنتي بيها، راه ماشي غير غتخليك خاوي اليدين وفاشل وصافي، ولكن حتى كتحط حياتك في طريق الدمار.

العالم المادي المخلوق عامر بالمتعة اللّي كتضحكّ وكتونّس، ولكن مهم تفهم بلّي راه ماكاينش شي حاجة في العالم المادي تقدر تعطيك الحياة اللّي مشتاق ليها قلبك. المُتع ديال العالم المادي تصممات بعناية باش تشير للشخص الوحيد اللّي يقدر يعطي لقلبك سعادة أبدية. راه الله بوحده اللّي يقدر يحط في قلبك فرح وسعادة عميقين. هو بوحده اللّي يقدر يعطيك سبب باش تفيق في الصباح وسبب باش تعيش. هو بوحده اللّي يقدر يزرع الأمل في قلبك، بغض النظر على شنو واقع حداك. هادشي علاش في النعمة الرائعة، هو كيرحّب بيك باش تسلّم كل الآمال والأحلام دياولك ليه. في المحبة، هو كيطلب منّك باش تتبعه.

عاوتاني اليوم، هو كيواعدك بالحياة. هادشي علاش جا يعيش ويموت ويقوم عوتاني باش يعطيك. داك القبر الخاوي ماشي غير كيعني بلّي هو نتاصر على الموت، ولكن حتى كيقول ليك بلّي هو عنده حياة بين يديه، حياة من النوع اللّي كل الناس تصممو باش يشتاقو ليها سواء كانوا كيعرفو هادشي ألا لّا. ماتقدرش تلقا أولا تربح ديك الحياة بوحدك. هي ديالك غير من خلال العمل ديال شخص أخر.

واش ممكن أنك تقلّب اليوم بقلق بشكل عمودي على داكشي اللّي ديجا تعطاك في المسيح؟ واش غتحاول تشرب من بير خاوي ونت ديجا تعطيتي ماء حي كيروي العطش؟

من أجل دراسة وتشجيع كتر: يوحنا 4: 1-26