لشهر أبريل؛ رحمات جديدة كل صباحعينة

بما أن احتياجي للمساعدة الروحية هو كبير بزّاف، الكتاب المقدس كيعلّمني بلّي أنا محتاج للتدخّل اليومي ديال جسد المسيح.

هادا حق- مسيرتك مع الله هي مشروع ديال المجموعة. راه الدين المعزول، المنفصل، المنعزل، ديال غير يسوع-و-أنا اللّي غالبًا ما كيميّز الثقافة ديال الكنيسة الحديثة ماشي هو الدين اللّي كيوصفه العهد الجديد. أغلبيتنا كنعيشو تقريبًا مامعروفينش، وبزّاف ديال النّاس اللّي كنضنو بلّي كنعرفوهم في الحقيقة ماكنعرفوهمش. أغلبيتنا كنعيشو في شبكات ماكتساليش من العلاقات العفوية، اللّي فيها الحوارات قليل فين كتتعمّق كتر من نهدرو على الجو، أولا الماكلة، أولا السياسة، أولا أحسن فيلم خرج، أولا أخر حاجة كتضحّك دارها ولدك. راه أغلبية داكشي اللّي كنسميوه علاقة الشراكة الروحية ماكيوصلش لمستوى الكشف على الذات المتواضعة والخِدمة الروحية المتبادلة اللّي كتخلّي الشراكة الروحية مستحقة. أغلبية داكشي اللّي كنسميوه علاقة الشراكة الروحية كيختلف غير شوية على شنو كيوقع في القهوة ديال الحومة. خاصنا نسمّيوها "شراكة النادي الرياضي" ونقولو للناس باش مايخافوش، غتكون شوية ديال الشراكة الروحية في العشا ديال الكنيسة.

رسالة العبرانيين 3: 12-13 كتهدر على الأهمية ديال المجموعة في الخدمة اللّي دارها الله ومازال كيديرها فيّا وفيك: " إِيوَا رْدُّو بَالْكُمْ آ الْخُوتْ، بَاشْ مَا يْكُونْ قَلْبْ حْتَّى وَاحْدْ فِيكُمْ عَامْرْ بْالشَّرّْ مَا فِيهْ إِيمَانْ، وْيْبَعّْدْ عْلَى اللَّهْ الْحَيّْ. وَلَكِنْ شَجّْعُو بْعْضِيَّاتْكُمْ كُلَّ نْهَارْ، مَا حَدّْ هَادْ الْيُومْ اللِّي كَيْتّْكَلّْمْ عْلِيهْ الْكْتَابْ كَايْنْ، بَاشْ الدّْنُوبْ مَا يْخَدْعُو حْتَّى وَاحْدْ فِيكُمْ وْيْوَلِّي قَلْبُه قَاسْحْ."

علاش كنحتاج التدخل اليومي ديال جسد المسيح؟ الجواب بسيط قد ما هو متواضع. كنحتاج لهاد الخدمة اليومية حيت أنا عمى. واخّا بغيت نفكّر بلّي أنا كنشوف وكنعرف راسي مزيان، هادشي ماشي بالصح. حيت الخطية كتعميني على راسي، ماحد مازال كاينة خطية فيّا، غتكون نقط معمية في نظرتي على راسي. هادشي في الحقيقة هو خطير كتر من كيفاش يالّاه وصفته، حيت واخّا كل شخص ماكيشوفش بعينه كيعرف أنه عمى، راه الناس العميين روحياً هما ماكيشوفوش العمى ديالهم؛ كيضنو بلّي في الحقيقة هما كيشوفو، فاش هما في الواقع ماكيشوفو والو.

ونت؟ واش قلّبتي على احتياجك اليومي للمساعدة ديال جسد المسيح؟ شكون كيعرفك؟ على من عرضتي باش يطل على حياتك الخاصة باش يكون من أجلك بحال عين باش تشوف؟ واش تقدر تفكّر في شي واحد دابا؟ ملّي شي شخص كيعرفك كيورّيك خطية أولا ضعف أولا فشل فيك، واش كتكون شاكر؟ إولا صدرك كَيضياق ودنيك كيحمارو ملّي نت كتوجّد راسك في سكوت باش توقف وتدافع على راسك؟ واش نت واعر باش تتهرّب من الأجوبة على الأسئلة الشخصية، أولا كتجري لعند المساعدة اليومية اللّي قدمها ليك الله؟ هاد المساعدة هي ماشي شي حاجة خاصك تخاف منها أولا تحشم منها، حيت هي أداة ديال نعمة الله اللّي كتغفر، وكتنجّي، وكتغيّر وكتحرّر.

من أجل دراسة وتشجيع كتر: كورنثوس اللّولة 12