لشهر أبريل؛ رحمات جديدة كل صباحعينة

تقدر ترتاح في الرعاية ديال الله. هو بخاطره قدم ولده من أجلك، واش غاينساك دابا؟

هادا هو منطق الفداء اللّي مافيه جدال وكيعزّي، واللّي كيورّيه لينا بولس بشكل قوي في رومية 8: 31-39:

"إِيوَا أَشْنُو غَنْݣُولُو مْنْ بَعْدْ هَادْشِّي كُلُّه؟ إِلَا كَانْ اللَّهْ مْعَانَا شْكُونْ اللِّي غَيْكُونْ ضْدّْنَا؟ اللَّهْ اللِّي مَا عَزّْشْ فِينَا الْوَلْدْ دْيَالُه، وَلَكِنْ وْهْبُه عْلَى وْدّْنَا كَامْلِينْ، كِيفَاشْ مَا يْعْطِينَاشْ مْعَاهْ كُلّْشِي؟ شْكُونْ اللِّي يْقْدَرْ يْتَّهْمْ هَادُوكْ اللِّي خْتَارْهُمْ اللَّهْ؟ رَاهْ اللَّهْ هُوَ اللِّي رَدّْهُمْ مْتَّاقْيِينْ. شْكُونْ اللِّي يْقْدَرْ يْحْكَمْ عْلِيهُمْ؟ رَاهْ الْمَسِيحْ يَسُوعْ هُوَ اللِّي مَاتْ، وْكْتَرْ مْنْ هَادْشِّي تّْبْعَتْ مْنْ بِينْ الْمُوتَى، وْهُوَ اللِّي عْلَى لِيمْنْ دْيَالْ اللَّهْ كَيْشْفَعْ لِينَا. شْكُونْ اللِّي يْقْدَرْ يْفْرَقْنَا عْلَى الْمْحَبَّة دْيَالْ الْمَسِيحْ؟ وَاشْ الْمْحْنَة، وْلَا الضِّيقْ، وْلَا التَّعَدُّو، وْلَا الجُّوعْ، وْلَا الْعْرَا، وْلَا الْخَطَرْ، وْلَا السِّيفْ؟

كِمَا مْكْتُوبْ فْكْتَابْ اللَّهْ: «عْلَى وْدّْكْ حْنَا كَنْتْعَرّْضُو لْلْمُوتْ النّْهَارْ كُلُّه، وْكَنْتّْحَسْبُو بْحَالْ الْغْنَمْ اللِّي غَادْيِينْ بِيهَا لْلدّْبِيحَة».

وَلَكِنْ فْهَادْ الْأُمُورْ كُلّْهَا عَنْدْنَا النّْصَرْ كَامْلْ بْهَادَاكْ اللِّي بْغَانَا. وْأَنَا مْتْيِقّْنْ بْلِّي لَا الْمُوتْ وَلَا الْحَيَاةْ، وَلَا الْمَلَايْكَة وَلَا الرُّؤَسَا، وَلَا الْأُمُورْ دْيَالْ هَادْ الْوَقْتْ وَلَا دْيَالْ الْمُسْتَقْبَلْ، وَلَا الْقُوَّاتْ دْيَالْ السّْمَا، وَلَا الْعْلُو وَلَا الْغُرْقْ، وَلَا حْتَّى شِي مْخْلُوقَاتْ خْرِينْ، يْقَدْرُو يْفَرّْقُونَا عْلَى الْمْحَبَّة دْيَالْ اللَّهْ اللِّي بَانْتْ فْالْمَسِيحْ يَسُوعْ رَبّْنَا."

دابا، راك ضد المنطق ديال الفداء باش بكل بساطة تخلّي راسك في أي لحظة من حياتك تفكّر بلّي راه الله مشا لأبعد حد باش يقدّم ليك النجاة ومن بعد يتلفك في الطريق. إلا هو تحكّم في الطبيعة وفي التاريخ باش يجي يسوع في الوقت المناسب باش يعيش ويموت ويقوم من الموت في بلاصتك؛ إلا هو خدم بالنعمة باش يكشف ليك الحق ويعطيك قلب باش تأمن؛ وإلا هو كان دابا كيخدم باش يوصّل الأحداث ديال الكون لخاتمة مجيدة، فواش من المنطقي تفكّر بلّي هو غيفشل مايعطيكش كل ما كتحتاجه بين نهار أمنتي والقيامة ديالك في اللّخر؟

بولس كيبرهن على أن الهدية ديال الله والتضحية ديال ولده هما ضمانتك بلّي غيباركك بكل حاجة مزيانة كتحتاجها حتى تتحرّر أخيرًا من هاد العالم المكسور وتكون معاه ديما في الحياة الأبدية. ماخصّكش تشك في الحضور ديال الله أولا رعايته. ماخصّكش تخاف بلّي هو غخلّيك بوحدك. ماخصّكش تتسائل واش هو غيكون تمّا من أجلك ملّي تكون محتاجه. ملّي كتعطي بلاصة لهاد المخاوف، فراك كتدير عمل ماشي معقول في الإنجيل. إلا الله عطاك يسوع، فراه غيزيد يعطيك معاه كل ما كتحتاج.

من أجل دراسة وتشجيع كتر: فيلبي 4: 10-20