Génesis 10
10
Noépa surinkunapita miraqkuna
1 Crónicas 1.5-23
1Kay partichömi qelqaraykan Noépa surinkunapita y paykunapita miraqkunapitapis.
Noépa surinkunami kayarqan Sem, Cam y Jafet. Diluviupitaraqmi paykunapa surinkuna yuriyarqan.
2Jafetpa surinkunami kayarqan Gomer, Magog, Madai, Javán, Tubal, Mesec y Tiras.
3Gomerpa surinkunami kayarqan Askenaz, Rifat y Togarma.
4Javánpa surinkunami kayarqan Elisa, Tarsis, Quitim y Dodanim. 5Lamar kuchunpa aywarmi say runakuna nacionkuna kayänanpaq askaman mirayarqan. Cada nacionkunachömi kikinkunapa idiömanta parlayaq.
6Campa surinkunami kayarqan Cus, Mizraim, Fut y Canaán.
7Cuspa surinkunami kayarqan Seba, Havila, Sabta, Raama y Sabteca. Raamapa surinkunami kayarqan Seba y Dedán.
8Nimrodpis Cuspa surinmi karqan. Paymi kay pasacho mas puntata munaynincho runakunata sarararqan. 9Nimrodmi Tayta Dios yanapaptin jirka uywakunata sariyta yacharqan. Saymi pipis jirka uywakunata ali sariq kaptin niyaq: <<Nimrodnömi jirka uywakunata sariyta yachan>>.
10Nimrod mandashqan jatusaq markakuna kayarqan Babel, Erec, Acad y Calne. Say markakunaqa Sinarchömi kayarqan. 11Saypitami Asur partiman aywar sharkasirqan Nínive, Rehobot y Cala markakunata. 12Saynöpis sharkasirqan jatun Resén markata. Say marka karqan Nínivipita Calaman päsaq nänichömi.
13Mizraimpita miraqkunami kaykäyan ludeo runakuna, anameo runakuna, lehabita runakuna, naftuhita runakuna, 14patruseo runakuna, casluhíta runakuna y caftorita runakunapis. Caftorita runakunapitami filisteo runakuna mirayarqan.
15Canaánpa qechpa surinmi karqan Sidón. Paypa shulkanmi karqan Het. 16Canaánpita miraqkunami kaykäyan jebuseo runakuna, amorreo runakuna, gergeseo runakuna, 17heveo runakuna, araceo runakuna, sineo runakuna, 18arvadeo runakuna, zemareo runakuna y hamateo runakunapis. Say runakunaqa cananeo runakunami kayarqan. Paykunami askaman mirayashpan maysayman mashtakäyarqan. 19Saymi cananeo runakunapa lindërunkuna charqan Sidón markapita Gaza cercancho kaykaq Gerar markayaq. Saynöpis lindërun päsarqan Sodoma, Gomorra, Adma y Zeboim markakunapa hasta Lasayaqmi.
20Paykunami kayarqan Campa surinkunapita miraqkuna. Say runakunami nacionkuna kayänanpaq askaman mirayarqan. Cada nacionninchömi kikinkunapa idiömanta parlayaq.
21Jafetpa mayor wawqin Sempapis surinkuna kayarqanmi. Semqa Heberpa y Heberpita miraqkunapa unay ayllunmi karqan. 22Sempa surinkunami kayarqan Elam, Asur, Arfaxad, Lud y Aram.
23Arampa surinkunami kayarqan Uz, Hul, Geter y Mas.
24Arfaxadpa surinmi karqan Sala. Salapa surinmi karqan Heber. 25Heberpa surinkuna kayarqan ishkaymi. Qechpa surinpa jutinmi karqan Peleg.#10.25 Peleg ninanqa rakikash ninanmi. Sayno jutin karqan pay kawanan wisan runakuna chikinakur wakpa kaypa aywakuyashqanpitami. Shulka surinpa jutinnami karqan Joctán.
26Joctánpa surinkunami kayarqan Almodad, Selef, Hazar-mavet, Jera, 27Adoram, Uzal, Dicla, 28Obal, Abimael, Seba, 29Ofir, Havila y Jobab. Paykunami kayarqan Joctánpa surinkuna. 30Paykunami täyarqan Mesapita Sefaryaq. Sefarqa inti jeqamunanläpa jalqakuna kashqanchömi kaykan.
31Paykunami kayarqan Sempa surinkunapita miraqkuna. Say runakunami nacionkuna kayänanpaq askaman mirayarqan. Cada nacionninchömi kikinkunapa idiömanta parlayaq.
32Saynömi karqan Noépa surinpita miraqkuna. Diluviupitaraqmi paykuna maysaypapis aywar nacionninkunata rurayarqan.
المحددات الحالية:
Génesis 10: qvhB
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© 2003, Wycliffe Bible Translators, Inc. All rights reserved.
