Naṉ. 11
11
Papir péprunam je̱a̱mma
1Nu tsawantai̱kia aentska chikichík chichamnak chicháu ármiayi. 2Nuyá̱ ukunam etsa̱ jintiainmaani̱ wéar Senar nuṉkanam paka tépakun wáinkiar nui̱ matsamkarmiayi. 3Nui̱ matsamsar nuamtak chichainiak “Nuwe najankar jinium jikiar iniarkatai” tiármiayi. Kame kaya atsá asamtai nuwen najankar jikiar iniarkarmiayi. Tura ekentrar achimtikratniuncha sekata ániun iwiartukarmiayi. 4Túrawar chichainiak “¡Pai! Uunt pepru najanatai túrar uunt je̱a̱ nuṉkaya̱ naṉkamar je̱a̱mkir nayaimpiniam ejetai. Túrarkia ashí nuṉkanam naṉkamantu ártatji. Nuiṉkia tsakiṉmakatniusha atsuttawai” tiármiayi.
5Nu aents péprun najanainiak tura nayaimpin ántiaku je̱a̱mtai tusar matsamtiarmia nuna Uunt Yus íistaj tusa taramiayi. 6Nui̱ṉkia Uunt Yus chichaak “Iisiá, nú aentsuk ásar nú chichamnak chichainiatsuk. Túmakchak timiá shiir takakmainia. Tura ashí ni wakeramuja̱i̱ túratai tuinia nuna umiktinian peṉké tujintkiarchartatui. 7Tuma asamtai akaatúkir nuamtak chichainiaksha anturnaikiacharat tusar aentsu chichame̱ pachimprukartai” tímiayi.
8-9Nuna tinia Uunt Yus nú nuṉkanmaya̱n ashí aentsu chichame̱n pachimprukmiayi. Kame chichame̱ pachimprukma ásar chichaman anturnainiachuk nayaimpiniam ejetai tusar je̱a̱mman iniaisarmiayi. Tura nuya̱i̱k ashí nuṉkanam Uunt Yuska ishiakarmiayi. Nui̱ pachimprukma asamtai nú nuṉka náari̱ṉkia Papir#11:8-9 Ipríu chichamja̱i̱ṉkia Papir támaka pachimprukma támaiti. anaikiamuyayi.
Sema shuari̱
10Ayu, Sema shuari̱ ju̱ ármiayi, áma̱a̱ka ama̱a̱rak jimiará uwí naṉkaamasu ai̱ Semka 100 uwí achíaku Arpaksatnaka yajutmarmiayi. 11Semka Arpaksatan yajutmarmia nuyá̱ kiniantu 500 uwí pujumia nui̱sha uchin áishmaṉnasha nuwa̱ncha yajutmakmiayi.
12Arpaksatka 35 uwí takaku asa Sérajan yajutmarmiayi. 13Arpaksat Sérajan yajutmarmia nuyá̱ 403 uwí pujumia nui̱sha uchin áishmaṉnasha nuwa̱ncha yajutmakmiayi.
14Séraj 30 uwí achíaku asa Iwiran yajutmarmiayi. 15Sérajka Iwiran yajutmarmia nuyá̱ 403 uwí pujumia nui̱sha uchin áishmaṉnasha nuwa̱ncha yajutmakmiayi.
16Iwir 34 uwí achíaku asa Pirikian yajutmarmiayi. 17Iwirsha Pirikian yajutmarmia nuyá̱ 430 uwí pujumia nui̱sha uchin áishmaṉnasha nuwa̱ncha yajutmakmiayi.
18Pirikkia 30 uwí takaku asa Ríun yajutmarmiayi. 19Piriksha Ríun yajutmarmia nuyá̱ 209 uwí pujumia nui̱sha uchin áishmaṉnasha nuwa̱ncha yajutmakmiayi.
20Ríuka 32 uwí takaku asa Serukan yajutmarmiayi. 21Ríusha Serukan yajutmarmia nuyá̱ 207 uwí pujumia nui̱sha uchin áishmaṉnasha nuwa̱ncha yajutmakmiayi.
22Serukka 30 uwí takaku asa Nakuran yajutmarmiayi. 23Seruksha Nakuran yajutmarmia nuyá̱ 200 uwí pujumia nui̱sha uchin áishmaṉnasha nuwa̱ncha yajutmakmiayi.
24Nakurka 29 uwí takaku asa Tarain yajutmarmiayi. 25Nakursha Tarain yajutmarmia nuyá̱ 119 uwí pujumia nui̱sha uchin áishmaṉnasha nuwa̱ncha yajutmakmiayi.
26Taraikia 70 uwí achíaku asa Apraman, Nakuran tura Aranan yajutmakmiayi.
Tarái shuari̱
27Tarái shuari̱ ju̱ áiniawai, Apram, Nakur, Aran. Tura Rautsha Arana uchirí̱yayi. 28Ur nuṉkanam Arana ni aparí̱ṉkia Taraikia jáatsa̱i̱ṉ niyá jakamiayi. Ni akiiniamu nuṉkanmaṉ jakamiayi.
29Apramka Sarain nuatkauyayi tura Nakurka Mírkan nuatkauyayi Mírkaka Arana nawantri̱yayi tura Ískaka Mirka kái̱yayi. 30Saraikia kaa asa uchin takuchuyayi.
31Taraikia Kanaan nuṉkanam jeataj tusa Ur péprunmaya̱ jiinkí̱ wémiayi. Ur pépruka Kartíu aentsu nuṉkanmaiti. Tura Kanaan nuṉkanam wéak uchirí̱n Apraman núnisaṉ tiraṉki̱n Ráutan tura najati̱n Sarain aya̱miayi. Tura wéenak Kanaan nuṉkanam jeatsuk arakaani̱ Aran péprunam jeawar nui̱ matsamsarmiayi. 32Tura Aran péprunam Taraikia 205 uwí ejé jakamiayi.
المحددات الحالية:
Naṉ. 11: jiv
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
©2009 Avant Ministries in cooperation with Wycliffe Bible Translators, Inc. All rights reserved.
