ዶመ 16
16
አጋሮነ እስማኤላ
1አብራሞ ማቻታ ሳራ አዉ ናኣ የላበይኩ፤ ሽን እዝዉ ግብጼፐ ዬዳ አጋሮ ግያ እት አይላታ ደአዉ። 2ሄዋ ድራዉ ሳራ አብራማ ጼሳደ፥ “በአ፥ መና ጎዳይ ታዉ የሉዋ ድጌዳ። ኔን ባደ፥ ታ አይላትና ግሳ፤ ኦን ኤሪ፥ ታን እዝ ባጋና ናኣ ዳዮ ግዳነንቶነ” ያጋዱ። አብራመ ሳር ቃላ ስሲደ ማዬዳ። 3አብራመ ካናነ ጋድያን ታሙ ላይ ኡቴዳዋፐ ጉየ፥ አብራሞ ማቻታ ሳራ ግብጼፐ አሄዳ ባረ አይላቶ አጋሮ፥ ባረ አስና አብራማዉ ማቼተዉ እማዱ። 4አጋሮ አኬዳ፤ እዛ ሻሃራዱ። እዛ ባረዉ ሻሃራይ አቴዳዋ ኤሬዳ ዎደ፥ ባረ ጎዳቶ ካያ ዶማዱ።
5ሄ ዎደ ሳራ አብራማ፥ “ታና ሀ ናቁዋ ናቂስያዌ ኔና፤#16:5 ታና ሀ ናቁዋ ናቅስያዌ ኔና፦ ኔን ታ ቦላ ኦዌ ነ ቦላ ፔሾ ጉሳ። ታን ታ አይላቶ ነዉ እምና፥ እዛ ሀእ ባረዉ ሻሃራይ አቴዳዋ ኤራደ፥ ታና ካዉ። ነባነ ታባ መና ጎዳይ ፕርዶ” ያጋዱ።
6አብራመ ሳሮ፥ “ሀኖ በአ፤ ነ አይላታ ነ ኩሽያና፤ ኔን እዞ ነዉ ሎኦዋ ኦ” ያጌዳ። ሄዋፐ ጉየ፥ ሳራ አጋሮ ናቂና፥ እዛ ከሳደ ኢፐ ባቃታዱ።
7መና ጎዳ ኪታንቻይ ፑልቱዋ ማታን ዎራን አጋሮ ደሜዳ፤ ሄ ፑልቱ ሹራ ግያ ጋድያ አፍያ ኦግያ ማታና። 8እ አጋሮ፥ “ሀነ ሳር አይላቴ አጋሬ፥ ሀቃፐ ያድ? ቃይ ሀቃ ባይ?” ያጊደ ኦቼዳ።
እዛ፥ “ታን ታ ጎዳት ሳርፐ ባቃታይ” ያጋዱ።
9መና ጎዳ ኪታንቻይ እዝዉ፥ “ኔን ነ ጎዳትኮ ጉየ ስማደ ባ፤ እዝዉ ሞደታ” ያጊደ ኦዴዳ። 10ቃይካ መና ጎዳ ኪታንቻይ እዞ፥ “ነ ዛሪ ፓይዳናዉ ዳንዳየተናዋ ኬና ታን ጮርሳና” ያጌዳ። 11ቃይካ መና ጎዳ ኪታንቻይ እዞ፥ “ሀእ ኔን ሻሃራ፤ ኔን አቱማ ናኣ የላና፤ አ እስማኤላ#16:11 እስማኤላ፦ ሀ ሱን ብለይ ጾሳይ ስሴዳ ጉሳ። ጋደ ሱንና፤ አያዉ ጎፐ፥ መና ጎዳይ ነ ዋሱዋ ስሴዳ። 12እ ዎራን የዳ ደእያ ሀርያ ማላ አሳ ግዳና፤ አሳ ኡባና እ ኤቀታና፤ ቃይ አሳይ ኡባይካ አናና ኤቀታና፤ እ ባረ እሻቱዋ ኡባና እጾ ግዲደ ደአና” ያጌዳ።
13አጋራ፥ “ታን ታና በእያዋ በኣደ ፓጻ አታኔ?” ያጋዱ፤ እዛ ባረዉ ሃሳዬዳ መና ጎዳ፥ “ኔን ታና በእያ ጾሳ” ያጋደ ሱንዱ። 14ሄዋ ድራዉ ሄ ፑልቱዋ ኦላይ፥ “ታና በእያ ደኡዋ ጾሳ ፑልቱዋ” ጌተቴዳ፤ ሄ ኦላይ ሀኖ ጋካናዉ ቃዴሰፐነ ባሬዳፐ ግዱዋን ደኤ።
15አጋራ አብራማዉ አቱማ ናኣ የላዱ፤ አብራመ አጋራ የሌዳ ናኣ እስማኤላ ጊደ ሱንዳ።#ጋላ. 4:22 16አጋራ እስማኤላ አብራመዉ የሌዳ ዎደ፥ አብራሞ ላይይ ሆስፑን ታማነ ኡሱፑና።
المحددات الحالية:
ዶመ 16: DFBE
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
The Word for the World Ethiopia
