मत्ती 2
2
पुरब से आनवाला पावना
1हेरोदेस राजा का दिन मे यहूदीया देस का बैतलहम गाव मे यीशु को जन्म हुयो, ते पूर्व दिशा से कुछ तारा को आभ्यस करण आलो ज्ञानी इन्सान यरुशलेम मे अयखे पुछन लग्या.
2कि यहूदीयाहोन को राजो जेको जन्म हुयो हइ, वु खा हइ? क्युकी हम ने पूर्व मे ओको तारो देख्यो हइ अरु ओखे प्रणाम करण आनो हइ.
3यो सुनीखे हेरोदेस राजो अरु ओका सात सब यरुशलेम घबरय गया. 4तब ओने दुन्याहोन का सब प्राधन याजकहोन अरु नीयम शास्त्रिहोन खे जमा करीखे उनखे पुछ्यो, कि मसीह को जन्म खा होनु चास?
5उनने ओकासे बोल्यो की यहूदीया देस का बैतलहम गाव मे. क्युकी भविष्यव्दक्ता का वजेसे लिख्यो गयो हइ
6हे बैतलहम, तू जो यहूदा देस मे हइ,
तू कोय भी रीति से तू यहूदा को अधिकारीहोन मे सब से छोटो नी.
क्युकी तरा मे से एक राजो नीकले,
जो मरी जनता इस्राएल की रखवाली कर्हे.
7तब हेरोदेस ने तारा को आभ्यस करणवाला ज्ञानी इन्सानहोन खे चुपचाप से बुलय खे उनका से पुछ्यो, की तारो बराबर कोन सा टेम मे दिखय दियो थो. 8अरु ओने यो बोलीखे उनखे बैतलहम भेज्यो, कि जयखे उ बच्चा का बारे मे बरोबर मालूम करीखे, अरु जब व्हा कुछ मीली जाह्ये ते मेखे खबर दे, ताकी मी भी अयखे ओखे प्रणाम कऱ्यु.
9वे राजा की बात सुनीखे चली गया, अरु देख, जो तारो उनने पूर्व मे देख्यो थो, वु उनका आगे आगे चल्यो, अरु झा बच्चो थो. वा जगा का उपर पोचीखे रुखी गयो. 10वु तारा खे देखी खे वे भोत खुश हुय गया. 11उनने उ घर मे पोची खे वु बच्चा खे ओकी माय मरियम का सात देख्यो, अरु मुडा का उपर गिरीखे बच्चा खे प्रणाम कऱ्यो. अरु अपनी अपनी थैली खोली खे ओखे सोन्नो, अरु लोबान, अरु गन्धरस ओखे दान चडायो.
12तब दृष्टान्त मे परमेश्वर का वजेसे या चेतावनी सुनी खे कि हेरोदेस का पास फिर नी जानु, उ दुसरी रस्ता से जय खे अपना देस मे चली गयो.
मीस्र देस मे जानो
13उनका चली जाना का बाद परमेश्वर को एक दूत ने सपना मे यूसुफ खे देखीखे बोल्यो, उट. वु बच्चा खे अरु ओकी माय खे लिखे मीस्र देस मे भागी जा. अरु जब तक मी तरा से नी बोलू तब तक व्हा र्हेनु. क्युकी हेरोदेस यो बच्चा खे ढुडना पर हइ कि ओखे मारी डालस.
14तब उ रात मे उठीखे बच्चा खे अरु ओकी माय खे लिखे मीस्र देस मे चली गयो. 15अरु हेरोदेस का मरना तक व्हा ऱ्हीयो. येका लिये की उ वचन जो प्रभु ने भविष्यव्दक्ता का वजेसे बोल्यो थो उ पुरो हुयो खे “मेने अपना बेटा खे मीस्र से बुलायो.”
बच्चाहोन खे मारनो
16जब हेरोदेस ने यो देख्यो, की पडीतहोन ने ओका सात धोको कऱ्यो हइ, तब उ घुस्सा से भरी गयो अरु दुन्या खे भेजी खे पडीतहोन का वजेसे तारा देखन का टेम का जसो बैतलहम अरु ओका आस पास का सब गावहोन का सब बच्चा खे जो दो साल का या ओकासे छोटा था, मारी डाल्या.
17तब जो वचन यिर्मयाह भविष्यव्दक्ता का वजेसे बोल्यो गयो थो, उ पुरो हुयो.
18“रामाह मे एक चित्कर, रोन सुनायो दियो,
रोनो अरु बडो विलाप
राहेल अपना बच्चा का लिये रोय री हइ
अरु शांती होनु नी चाती थी
क्युकी उ अब नी ऱ्हीयो.”
मीस्र देस से वापस आनु
19हेरोदेस का मरना का बाद को प्रभु खे दूत ने मीस्र मे यूसुफ का सपना मे दिखय दिखे बोल्यो. 20उट, बच्चो खे अरु ओकी माय खे लीखे इस्राएल देस मे चली जा. क्युकी जो बच्चा को जान लेनो चाहतो थो, उ मरी गयो. 21यूसुफ नीद से उठ्यो, अरु बच्चा अरु ओकी माय खे सात लीखे इस्राएल का देस मे आया.
22पन यो सुनी खे की अरखिलाउस अपना बाप हेरोदेस कि जगा यहूदीया पर राज्य करी रोस हइ, व्हा जाना से डरीखे फिर दृष्टान्त मे परमेश्वर से सुचना लीखे गलील देस मे चली गयो. 23अरु नासरत नामको एक नगर मे जय बठ्या. ताकि उ वचन पुरो हुये खे जो भविष्यव्दक्ताहोन का वजेसे बोल्यो गयो थो, “उ नासरी बोल्यो जाह्ये.”
المحددات الحالية:
मत्ती 2: NTGnn24
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
The New Testament in Gowlan Language ©The Word for the World International and Gawlan Translation Samiti, Telkhar, Maharashtra, India, 2024.
