Génesis 37
37
Josépa dabadi
1Canaán bai adu Jacob iyupaudi apa ipaudi adu. 2Jacob awẽ kaiwuuwe ipaudiwu. José diecisiete wariyaxu udiwetsawuweta ovejawu kexepaudi. Nawuwawe José chakawaiwawe Josépa apa Jacob yuipaudi. Zilpá awẽ wakewu Bilhápa awẽ wakewuri nawu Jacobpa wakewu ipaudiwu.
3Jacobpa awẽ ade wetsa Israel. José duikuipaudi atiri awẽ wakewu duiwikĩ atu askakai wapaudiba adiwuxumai José adixakĩ. Naskake saweti raũya shara atu abadi José inaxikĩ. 4Jacobpa José duiyaitu udiwetsawawe tapikaxu duikaspakata uĩkaspapaudiwu.
5Wetsatiã Josépa dabaxu udiwetsawu yuidi. Naskaweke nawawe duikaspakuipaudiwu. 6Atu yuidi: “Ea dikakawe ewẽ daba ẽ batu yuiyaitu. 7Wai babakixu naatiiwixu trigo nu pishtanea. Naskayaidu ewena kushikui widinakawata kayakawikui dia ika. Batunawu kakuwawaĩda ika ewẽ trigo pishtanabea na diaiwũ atiruwu keskawaawu”, Josépa atu wadi.
8Naduri atu yuiyaitu dikakakĩ iyua ranawai kebadiwu: “Mewẽ daba mia duku yuiyai mi nuku diaiwu iixiwi mi duku yuduxime”, wadiwu. Awẽ dabari dikakaspanadiwu atu yuiyaitu.
9José awiana dabaxu awẽ uchi rana atu yuidi: “Wari uxe once exteweru ikaidu ikiri wesuxu na diaiwu atiru keska ea waawu”, atu wadi. 10Josépa awẽ udiwetsawu atu yuita apa yuiyaitu apã José kebadi: “Awameti na mi dabawaa. Mewẽ ewanu mewẽ uchiwu nu bia baikiri wepexupakekawãxime”, apã José wadi.
11Naskata apã duiyaitu udiwetsawawe ma duikaspatiawu idi. Apã awẽ wake daba tapikuipaidi.
José awẽ uchiwawe peiuxũ atu inadiwu
12Peda wetsa José awẽ uchiwu Siquem chaiba wudiwu. Atũ apã awẽ ovejawu iyudiwu wasi wedaxu atu pibai wukadi. 13Jacobpa awẽ ade wetsa Israel awẽ wake José yuidi: “Mewẽ uchiwawe oveja kexekadi Siquem chaibakixu. Atu uĩtawe”, wadi. Josépa kebadi: “Iya. Ẽ katanuwe”, idi.
14Israelpa yuidi: “Mewẽ uchi rana uĩta ovejawuri atu uĩtawe aweskakadimaiki ea yuiyuxikĩ”, apã wadi. Hebrón bachi aduax kaax Siquem adu dukudi. 15Josépa awẽ uchiwu atu wedai wedudi. Dukuwene wichixu ñukadi: “Tsuawu mi wedaime”, wadi.
16Josépa kebadi: “Ewẽ uchi rana atu ẽ wedai. Wanixu ewẽ uchiwawe oveja kexekadime ea mia yuitirumame”, wadi.
17Naa dukuwene kebadi: “ ‘Dotán adu nu wunukawe’, iwaĩkadi duduax ma wuawu”, dukuwene wadi. Naskata José atu wedawui kai Dotán adu atuki dukudi. 18José chaikiduax uwaitu wichikaxu retepaixikakĩ shinakata yuinadiwu.
19Awẽ uchiwu yuinanadiwu: “Uĩkapu dababis ui. 20Nu retenukawe. Ma retexu kidi wetsa mera nu putanu: ‘Ma basharunu pia’, nu wanu. Na dabaita ikũmaiki”, wadiwu.
21Naskaiwawe dikakĩ Rubénpa udiwetsawu tibabapaidi: “Nu reteyabanukawe. 22Aweskawakĩ ma retepaime. Aweskawataba kidi mera putakawe”, atu wadi. Rubén awẽ extu uduax rawanaipaidi.
23José udiwetsawuki ma atuki dukuadu awẽ saweti raũya sawea wiãdiwu. 24Achikaxu kidi betu adu putadiwu.
25Naskakata piixikakĩ tsaudiwu. Naskayaiwudu ismaelitawu Galaad adu ikawu weaiwawe atu wichidiwu. Atũ camellowu adu awarawu wui wukadi ini shara Egipto adu peiuxũ atu inai wukadi.
26Naskata Judápa udiwetsawu atu yuidi: “Nuku extu retexu nu awa witiruba nu reteauxũ. Dake nu wumapaitiru. 27Nu reteiba ismaelitawu peiuxũ nu atu inanukawe. Nuku extuki”, Judá idi. Naatiiwi “Ikũ”, idiwu.
28Ma weawudu bai kidi meradua José tsekakata peiuxũ atu inadiwu. Nauxũ veinte pei sapa widiwu. Naskakata ismaelitawawe José Egipto bai adu iyudiwu.
29Rubén dasukĩ uĩya bai kidi mera ana adu José idiba. Naskata siaiyana awẽ saweti waxtedi shinabetsakĩ. 30Rubén dasuta udiwetsa atu yuidi: “José ana aduba. Nuku epa nu awa akikaime”, atu wadi.
31Cabrito retekata José awẽ saweti chaidipa ibinaswadiwu.
32Naskata Josépa saweti Jacob wuxudiwu. Naskata yuidiwu: “Da saweti nu wichia nu shina mewẽ wakenaraiki”, wadiwu. 33Jacobpa awẽ wakẽ saweti unanadi. Naskax shinabetsakuiyana: “Yuina puwẽ wetsã ewẽ wake ea piã”, Jacob idi. 34Naskata Jacobpa awẽ saweti shara waxteta saweti chakashta sawedi. Na pedatiiwi awẽ wake shinai shinabetsata badubetsapaudi. 35Awẽ wake awĩwuwawe dukuwedewaweri siaiyabanu shinabapaiwiaiwawe atu dikataba siaipaudi. Na ẽ daitiã ẽ shinabetsaxiwiba Jacobpa awẽ wakewu atu wapaudi.
36Ismaelitawu adu ikawu Egipto dukukata José Potifar peiuxũ inadiwu. Nadu faraón diaiwukui idi. Naatu Potifar diaiwuwaa soldadowawe atũ diaiwu Potifar idi.
المحددات الحالية:
Génesis 37: mtsB
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
