Génesis 20
20
Abrahamwe Abimélec
1Abraham na ibis adua bai Négueb adu kadi. Cadésweta Surpa dakiwaawu Guerar nadu Abraham idi. 2Abrahampa awĩ Sara: “Ewẽ pui”, wadi. Naskata Guerar adua diaiwũ awẽ ade Abimélecpa Sara kedabadi wipaikĩ. 3Naa yabeta Epa Diospa Abimélec awẽ dabapa yuidi: “Da awĩwu wedeya mi wiax mi dai”, Epa Diospa wadi.
4Abimélec Sarawe awẽ iyua idiba. Abimélecpa kebadi: “Ewẽ Diospa, awa chakawaaba mi retetirume. 5Abrahampa ea yuita: ‘Ewẽ pui’, ea waita. Sarapari: ‘Ewẽ uchi’, ea waita. Ẽ aweskawaaba. Ẽ chakawaaba”, Abimélecpa wadi.
6Naskaitu Epa Diospa awẽ dabapa kebadi: “Ma ẽ tapia mi awa chakawaba Naskake ẽ bia chakawababa mi iki chakayabanu. 7Iskaratiã awẽ awĩ inawe naatu ewẽ tsai yuibis. Naskata naatu bia kiwĩxui mi wena dayuyabanu. Naskatari awĩ mi inayabaitu mi dai mewẽ kaiwuuri”, Epa Diospa Abimélec wadi.
8Ma pedadu widinakawata awẽ uibatiwu kedaxu atu yuidi. Na dabawaa atu yuiyaitu dikakata besekuidiwu. 9Naskata Abimélecpa Abraham kedaxu yuidi: “Ẽ bia aweskawake mia iskawaame. Ea mia paraita. Ewẽ yurawu mia paranaita. Askara sharaba. 10Naskaxikĩ awa mi shinaitame”, Abimélecpa Abraham ñukadi. 11Abrahampa kebadi: “Duduxu tsuã Dios ikũira waaba raixu ẽ shinaita ewẽ awĩuxũri ea retetiruwu raixu. 12Ikũ ewẽ pui ewẽ epa aka ewẽ ewa akaba. Naskake ẽ nawe wianadi. 13Ewẽ epa pexe aduxu Epa Dios ea nichiadu ewẽ awĩ ẽ yuidi: ‘Wanira dukuxu “Ewẽ pui”, mia watiru’, ẽ wadi”, Abrahampa Abimélec wadi.
14Naskata Abimélecpa awĩ Sara Abraham inadi. Naskatari oveja inata vacawuri inadi. Awẽ uibatiwu dukuwedewu awĩwuri inadi. 15Abimélecpa yuidi: “Na mi kañawai adu ewẽ bai adu mi itiru”, wadi.
16Abimélecpa Sara yuidi: “Mewẽ uchi pei ichapakui ẽ inai. Pei ichapa uĩkakĩ mi aweskakeba bia tsuã yuikĩ chakawanupukuiba”, wadi.
17Naskata Abrahampa atu Dios kiwĩxudi. Epa Diospa Abimélec kayawadi. Awẽ awĩriwi awẽ uibati awĩwuwaweri wake anuwu. 18Naskake Sarauxũ Epa Diospa atu wakeya wabatiruba idi Abimélecpa pexe aduxu.
المحددات الحالية:
Génesis 20: mtsB
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
