Panagnaan 8
8
Katapusan dunuk
1Sugaꞌ bong ga si Nū sampay mimon sattuwa tawun ka kahayop-hayopan taꞌ bahitlaꞌ looy, basta yaꞌ baw takupan meꞌ Tuhan. Dari siꞌ, lay na baw Tuhan mōꞌ baliyu niyup taꞌ kuwit boheꞌ mari pakulang na pin boheꞌ. 2Mimon siꞌ mata boheꞌ man jawom tanaꞌ, yaꞌ na numpit maka patagong na uwan. 3Dari pakulang na pin boheꞌ. Pag lay jaꞌ pingkaꞌ dahatus limampūꞌ ngallaw man panagnaan dunuk looy siꞌ, 4ni kasapu-pituꞌ hali ni buwan pituꞌ, lay na kasallaran bahitlaꞌ looy. Man na bay sumallad, taꞌ disu punu ni kapunu-punuhan Ararat. 5Hangat sigi-sigi boheꞌ pakulang, pag taabut sahali ni buwan sapū, takita na siga punsak kapunu-punuhan.
6Pag luu gi mpatpūꞌ ngallaw, lay si Nū mukisan panandawan bahitlaꞌ looy, 7boꞌ na ngalappahan disu uwak-uwak. Uwak-uwak looy baw siꞌ tu magbelengan jaꞌ halloman boheꞌ yaꞌ lagi kumattaꞌ. 8Pag-anu siꞌ, lay na baw si Nū ngalappahan disu atsang man na mindoga bong luu na tanaꞌ man na nampi. 9Sugaꞌ lay jaꞌ du pabeleng atsang looy sabap masi gi limun tanaꞌ leꞌ boheꞌ. Pag-anu siꞌ, lay si Nū ma-nnat tangan na pa poan man atsang looy nampi sampay lay na boo na balik pa jawom.
10Paddus jaꞌ siꞌ sakayi pituꞌ, ilooy ma lay na baw lappahan si Nū balik atsang looy. 11Pag kohap, luu na pabeleng balik pa bahitlaꞌ looy ddas ka tanggungan na pusuk jaytun bahau jaꞌ bay kinattuꞌ. Dari bistahan si Nū magkakattaꞌ-kattaꞌ na boheꞌ.
12Pag-anu, inagad-agad na pin meꞌ si Nū njawom sakayi pituꞌ boꞌ na lay na baw balik ngalappahan atsang looy, sugaꞌ yaꞌ na luu bay pabeleng meꞌ sibuwa.
13Na ni sahali buwan disu ni taun bahau, lay na si Nū ngalakkahan kasohean sapaw bahitlaꞌ looy man na ngandaꞌ bong pooy. Pag ndaꞌ na, song palagguꞌ na pin lahat. Na jaman looy siꞌ, mag-umu na si Nū nnom hatus dambuwaꞌ taun. 14Pag taabut duwampuꞌ-pituꞌ hali ni buwan duwa, ilooy ma lagguꞌ labbasakayi na lahat.
15Pag-anu siꞌ, magpalman na baw Tuhan ni si Nū, yuk na, 16“Boonun na duwai ga anak-nda nu sampay ga iwan nu. 17Maka boonun na mimon ipatan nu, ga manuk-manuk, ga kahayop-hayopan sampay siga balnyawa ma palele taꞌ gumi mari sila sumunsayaꞌ na sampay hanak-balanak paeka ni sikaliput junyaꞌ.”
18Dari lay na si Nū duwai man taꞌ bahitlaꞌ looy ka ga anak-nda na sampay ga iwan na. 19Maka lay na du pōꞌ mimon jinisan ga kahayop-hayopan ka siga balnyawa ma palele taꞌ gumi sampay ga manuk-manuk. Sila siꞌ bay pōꞌ kaniya-kaniya ka jinisan pasangan da.
Si Nū ngulban
20Pag-anu, lay na baw si Nū nambak batu binuwat pangulbanan boꞌ na numbaliꞌ disu njawom danjinis mimon manuk-manuk ka kahayop-hayopan ma halal, boꞌ da tinunu sinongan pa Tuhan. 21Pag taūk leꞌ Tuhan, kasulutan ya ni bangngi na. Dari njawom atay na, “Yaꞌ na situ balikan ku numpaan tanaꞌ sabapan kalaatan manusiyaꞌ. Manusiyaꞌ ina ndang baldusa sikamimon maka maat pamiki da labba man kadikiꞌ da. Sugaꞌ yaꞌ na baw situ balikan ku ngatisan sagannap balnyawa meꞌ bay hallang-hallangan tuu. 22Halloman luu gi junyaꞌ, masi gi du taun pa taun luu na pin timpu tanom ka timpu ngattom. Maka masi gi du luu timpu tanne ka timpu pasuꞌ. Maka luu gi du timpu pangallaw ka timpu panguwan. Maka masi du magsing-sīng llaw ka sangom.”
المحددات الحالية:
Panagnaan 8: sjm
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© 2021, Wycliffe Bible Translators, Inc. All rights reserved.
