MATIUS 17
17
I Yesus nipakawantughi
(Mrk. 9:2-13; Luk. 9:28-36)
1 #
2Ptr. 1:17-18
Nungu l᷊ou tuhue I Yesus numbawa si Petrus dingang i Yakobus sirerua ngu tuaringe i Yohanes nutingkahae sarang simbau wul᷊ure ko marange. 2Su tingongi sire, ghahi I Yesus nuwal᷊u: Pahese nusuminang kere matangutiti l᷊au pakeang-E mawira kukerong. 3Bou e'e tumatuhu-E sire tilu e'e nakawua si Musa dang si Elia kapudidato nge dingang I Yesus. 4Bou e'e i Petrus nangul᷊i si Yesus, “Mawu, matemang kahingang i kite su si'i e. Boko Mawu mo, ia mukoa selo tatilu si'i: simbau guna ngu Mawu, simbau guna ngi Musa l᷊au simbau guna ngi Elia.”
5 #
Kej. 22:2; Ul. 18:15; Mzm. 2:7; Yes. 42:1; Mat. 3:17, 12:18; Mrk. 1:11; Luk. 3:22 Su tempong i Petrus kapudidato nge, pia winawa ko musua-sua nul᷊iwung si sire, bou e'e pia tingihi bou l᷊al᷊unge kapuhabare, “Ii Ana-Ku ko Daku i kukindaghi. I Sie nakal᷊uasi naung-Ku. Daringihe i Sie!”
6Su tempo manga tumatuhu I Yesus nakaringihi tingihi e'e, i sire nataku kahingang hakiu nansu tana. 7Bou e'e I Yesus nusumongo dang nanuhung si sire. “Wangungte” Angkung-Nge. “Kumbahang mataku!” 8Suapang i sire nutuhung, i sire seng tanakawua si sai-sai kitang I Yesus sisanenge.
9Su tempong I Yesus karusunge Bou wul᷊uri e'e, I Yesus nangonggo ingati si sire, “Kumbahang muwuke si sai-sai apang ko nikawua ngi kumu kanini, su horo u Ahusu Taumata i puwangung bou papate.”
10 #
Mal. 4:5
Manga tumatuhu-E nukina si Sie, “Nakurawe manga meteru agama nangul᷊i ware i Elia mambeng sumongo horo?”
11I Yesus nusumimbahi, “Tingari i Elia ruminta dang sarung mungganapi apang ko koateng. 12#Mat. 11:14Katewe Ia mubahari si kumu, i Elia seng mbuae nusumongo, katewe manga taumata tanakakiral᷊a si sie; i sire nukoa si sie numbatu kao i sire. Dang kere'e l᷊ai i sire sarung mukoa Ahusu Taumata.”
13Mbuhue manga tumatuhu-E nakahingang himoneu I Yesus ko kapuhabaru hal᷊i i Yohanes Mananahani.
I Yesus nupakaul᷊e ngu dario ko nikasukangu roh ko dal᷊ai
(Mrk. 9:14-29; Luk. 9:37-43a)
14Su tempo-Ngi Yesus dingang u tumatuhu-E tatilu nusul᷊e sarang taumata ko maul᷊i e'e, pia tau koese singkatau, nusumongo nusuba su saruang I Yesus, 15dang nangul᷊i, “Tuang, kindaghite ko anaku. I sie pia saki u wawi. Sakie boko rumating kere'e kabuhae, hakiu kasaukange matimbou su putung, bou e'e manawo su ake. 16Ia seng mbuae numbawa si sie sarang koa u manga tumatuhu I Tuang, kateho i sire tanakaul᷊e si sie.”
17I Yesus nusumimbahi, “Wal᷊inge gampang i kumu i'i! I kumu mang tinga-tingari taumata ko mal᷊al᷊awang l᷊au tamangangimang. Sarang kangereng Ia mambeng matana dingang i kumu dang musabari su tingongi kumu? Wawae mai ana e'e!” 18Bou e'e I Yesus nuparenta roh ko dal᷊ai su dario e'e pasuwang. Roh ko dal᷊ai e'e nusumuwang, dang singkatempo e'e l᷊ai dario e'e naul᷊e.
19Bou e'e manga tumatuhu-E singkatau-singkatau nusumongo nukina si Sie, “Tuang apa sabapie i kami i'i tamakauseri roh ko dal᷊ai e'e?”
20 #
Mat. 21:21; Mrk. 11:23; 1Kor. 13:2 I Yesus nusumimbahi, “Watu u kodio pangangimang i kumu. Putinaung te! Boko i kumu pia pangangimang kere kal᷊abou watungu sawi, i kumu makaul᷊i su wul᷊ure i'i, ‘Pakaal᷊ing te tamai!’ Nal᷊ahe wul᷊ure e'e maenso. Takoae hal᷊i simbau ko sarung ta makoa si kumu! [ 21Arawe roh ko dal᷊ai kere i'i, kitang botonge i kauseru kal᷊iomaneng dingang u mupuasa.]”
I Yesus sau nangul᷊i hal᷊i u papateng-E
(Mrk. 9:30-32; Luk. 9:43b-45)
22Su tempo ngu manga tumatuhu I Yesus nukomol᷊i su Galilea, I Yesus nangul᷊i si sire, “Seng maehong l᷊ai, Ahusu Taumata sarung i sarakang su kawasangu taumata. 23I Sie sarung pateng, kateho su l᷊ou katilunge i Sie sarung ipuwangung.”
Kuteu manga tumatuhu-E nasusa takoae sul᷊unge.
Wawaehi balasteng Wal᷊e-Ngu Mawu
24 #
Kel. 30:13, 38:26 Su tempo-Ngi Yesus dingang u manga tumatuhu-E nahumpa su Kapernaum, i sire mananuntu balasteng Wal᷊e-Ngu Mawu nusumongo si Petrus dingang u nukina, “Meteri kumu mamaehi balasteng Wal᷊e-Ngu Mawu arako ta?”
25I Petrus nusumimbahi, “Mamaehi!”
Su tempo ngi Petrus napul᷊e, I Yesus nukina horo, “Simon, kirapa si kau? I sai mambeng mamaehi bea arako balasteng su manga ratu ngu dunia i'i? Anau wanua arako tau l᷊ahi?”
26“Tau l᷊ahi,” nisimbahi Petrus.
“Boko kere'e,” angkungi Yesus, “Anau wanua tawahal᷊uasu mamaehi balasteng. 27Kateho kumbahang i kite pukataturu naung u manga taumata e'e. Inau dakoko tamai pangopasi sarang rano. Al᷊ako kina ko kahorokange maal᷊a si kau. Su mohonge pia doi pas makawaehi balasteng i karua. Al᷊ae doi e'e dang waehe si sire balasteng i kite guna ngu Wal᷊e-Ngu Mawu.”
المحددات الحالية:
MATIUS 17: LAISXN
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
2014 Indonesian Bible Society (Lembaga Alkitab Indonesia)
