Mwa 21
21
Kũsyawa Kwa Isaka
1Mwĩai Ngai nĩwoonanisye ũseo wake kũla kwĩ Sala kwa kwĩanĩsya ũndũ wathanĩte. 2#Aevl 11.11 Sala nĩwaitavie na asyaĩa Avalaamu e mũkũũ kavĩsĩ. Kana kau kasyaiwe ĩvindanĩ yĩla Ngai waĩtye kakasyawa. 3Avalaamu nĩweetie kana kau wasyaĩwe nĩ Sala Isaka. 4#Mwa 17.12; Meko 7.8 Avalaamu nĩwaĩkie Isaka mwana wake e na ũkũũ wa mĩthenya nyanya kwĩanana na ũndũ Ngai wamwĩaĩĩte. 5Avalaamu aĩ na ũkũũ wa myaka ĩana yĩla Isaka wasyaiwe. 6Sala nĩwaneenie asya atĩĩ, “Ngai nũtumĩte nĩtheka, na kĩla mũndũ wĩĩw'a ũndũ ũla wĩkĩkĩte akatheka vamwe nakwa.” 7Sala nĩwaendeeie kũneena asya, “Nũũ ũla waĩ atonya kwĩa Avalaamu kana Sala akoongya syana? Ĩndĩ yu nĩnĩmũsyaĩe kavĩsĩ e mũkũũ.”
8Kana kau nĩkeanie na mũthenya ũla kaekie kwonga, Avalaamu nĩwaseũvisye mboka nene.
Avalaamu Ailũngya Akali na Ĩsumaeli
9Mũthenya ũmwe Sala nĩwoonie Ĩsumaeli mwana wa Avalaamu, ũla wasyaĩwe nĩ Akali, mũthũkũmi wa mwĩĩtu kuma Misili, aivũa ngũĩ na Isaka. 10#Aka 4.29-30 Kwoou Sala nĩweeie Avalaamu atĩĩ, “Lũngya mũndũ mũka ũũ ngombo na mwana wake, nũndũ mwana ũsu wake ndakatiĩwa syĩndũ syaku vamwe na mwana wakwa Isaka.” 11Ũndũ ũsu nĩwathĩnisye Avalaamu mũno nũndũ Ĩsumaeli aĩ mwana wake. 12#Alo 9.7; Aevl 11.18 Ĩndĩ Ngai nĩweeie Avalaamu atĩĩ, “Ndũkathĩnĩke nũndũ wa Ĩsumaeli na ngombo yaku Akali. Ĩka ũndũ Sala ũkũkwĩa nĩkwĩthĩwa nzyawa mbingĩ ila nakwathie ũkaikwata kuma kwa Isaka. 13O ta ũu nganenga mwana wa mũndũ mũka ũsu ngombo nzyawa mbingĩ itw'ĩke mbaĩ nene, tondũ o nake nĩ mwana waku.”
14Ũnĩ ũsu kĩoko tene Avalaamu nĩwoosie lĩu na kĩw'ũ kĩ mũvukonĩ wa kĩthuma na amũnenga Akali. Nĩwamwaĩkisye syĩndũ isu ituonĩ na amwĩa nĩathi vamwe na mwana wake. Akali nĩwaendie na ambĩĩa kwanganga weũnĩ wa Mbeeli-sieva. 15Yĩla kĩw'ũ kĩla Akali wakuĩte kyathelile, nĩwaiie mwana ũsu wake ungu wa kĩkuthu, 16na athi kwĩkala vandũ vaĩ ta mita ĩana kuma vala vaĩ mwana wake, nũndũ asũanĩie asya, “Ndikwenda kwona mwana wakwa aikw'a.” Yĩla Akali wailyĩ vau nĩwambĩĩie kũĩa.#21.16 Nĩwambĩĩie: Maandĩko amwe ma tene ma Ndeto ya Ngai maĩtye Mwana wake nĩwambĩĩie kũĩa
17Ngai nĩweewie kana kau kaiĩa na mũlaĩka wa Ngai eeta Akali kuma ĩtunĩ na amũkũlya atĩĩa, “Akali wĩthĩnw'a nĩ kyaũ? Eka kũkĩa nũndũ Ngai nĩweew'a mwana waku ayĩĩa e vala ũĩ. 18Ũkĩla ũthi wose mwana ũsu ũmũkiakisye. Ngatw'ĩkĩthya nzyawa syake mbaĩ nene.” 19Ngai nĩwavingũie Akali metho nake oona kĩthima. Nĩwaendie ausũsya ũla mũvuko wa kĩthuma kĩw'ũ na anenga mwana wake anyw'a. 20Ngai aĩ vamwe na Ĩsumaeli yĩla waendee na kwĩana. Ĩsumaeli ekalaa weũnĩ wa Valani na atw'ĩka mũsyĩnĩ wĩ nguma wa kũtũmĩa ũta. 21Akali inyia wake nĩwamũmanthĩie mũka kuma nthĩ ya Misili.
Avalaamu na Avimeleki Maiseũvya Wĩw'ano
22 #
Mwa 26.26
Ĩvindanĩ yĩu, Avimeleki nĩwaendanisye na Vikoli mũnene wa asikalĩ make vala ve Avalaamu na amwĩa atĩĩ, “Ngai e vamwe naku maũndũnĩ maku onthe. 23Yu ĩndĩ ĩvĩte mbee wa Ngai wĩ vaa kana ndũkangenga nyie, kana ũkenge syana syakwa, kana nzyawa syakwa. O tondũ nĩthĩĩtwe ndikwĩka nesa, naku mbathe kana ũkambĩkaa nesa vamwe na andũ ma nthĩ ĩno ũtwĩe wĩ mũeni.”
24Avalaamu nĩwasũngĩie asya atĩĩ, “Nĩngwĩvĩta kwĩka ũu.”
25Avalaamu nĩwanyungunyĩisye kũla kwĩ Avimeleki ĩũlũ wa kĩthima kĩla athũkũmi ma Avimeleki mamũvenete. 26Nake Avimeleki amwĩa, “Ndyĩsĩ ũla wĩkĩte ũu nũũ, naku ndwaandavya ĩũlũ waw'o, nayu nĩndĩ nawĩw'a.” 27Nĩvo ĩndĩ Avalaamu woosie mbũi, malondu na ng'ombe anenga Avimeleki na me elĩ maseũvya ũtianĩo. 28Avalaamu nĩwavathie tũtena tũka mũonza twa malondu, 29na Avimeleki amũkũlya atĩĩ, “Wavatha tũtena tũũ mũonza twa malondu nĩkĩ?”
30Avalaamu amũsũngĩa, “Osa tũtena tũũ mũonza twa malondu kuma vala nĩĩ, nĩ kana wĩthĩwe ngũsĩ ya kana ninyie nenzie kĩthima kĩĩ.” 31Kwoou vandũ vau nĩveetiwe Mbeeli-sieva#21.31 Mbeeli-sieva: Ũalyũlo wa ĩsyĩtwa yĩĩ nĩ Kĩthima kya Wĩvĩto kana Kĩthima kya Ala Mũonza. (Sisya 26.33.) nũndũ vau nĩvo Avalaamu na Avimeleki meevĩtĩie me elĩ.
32Ĩtina wa kũseũvya ũtianĩo ũsu me Mbeeli-sieva, Avimeleki na Vikoli mũnene wa asikalĩ make nĩmasyokie nthĩ ya Avilisiti. 33Avalaamu nĩwavandie mũtĩ wĩtawa mweseli vau Mbeeli-sieva, na eekaĩla ĩsyĩtwa ya Mwĩai Ngai, Ngai ũla wĩkalaa tene na tene. 34Avalaamu nĩwekalile ũeninĩ nthĩ ya Avilisiti vandũ va matukũ maingĩ.
المحددات الحالية:
Mwa 21: KAMBA
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
BIBLE SOCIETY OF KENYA © 2011
