Mphattuwelo 7
7
Naphuvu o maasi
1Wahoolo Mwanene Nluku ahomwiirela Nowee: Ukele nkalawani, we ni ntthoko naa nothene, kontha kihowoona we ukhala ntthu o'sariya wariyari wa atthu othene. 2Ukuse inama saapa co nlopwana ni inama saapa co nthiyana co khula ikhapila cinari co'halali. Nanso ciri co'haramu nnyo, ukuse piili piili co nlopwana ni co nthiyana. 3Ciicammo ukuse inuni cooculu saapa co nlopwana ni saapa co nthiyana, wiira cikhale cikumi ni ipyo yo mwiilaponi mothene. 4Kontha yaviraru mahuku saapa, kinawana ipula mwiilaponi mothene, mahuku arupayini (40) uhiyu ni uthana. Ni kinakwanyulaca citthu cothene cipankilyaka vathi va.
5Nowee ahopanka cothene ceereliyawe ni Mwanene Nluku. 6Yooyo ukati uyo Nowee ahaana myakha iminya siita ceyarelo, ukati wawilyawe naphuvu oocara maasi ilapo yothene. 7Nowee, na asaanawe, na amwaarawe, na asaaraya asaanawe ayo, yahokelaca nkalawani, mwa nlattu wo maasi o naphuvu. 8Ukhuma inama co'halali, inama co'haramu, asaanuni, ni inama cothene cowiipurula ciri vathi va, 9cahonwela Nowee, n'ukela piili piili nkalawani mmo, toko Nluku canlamulenlyawe Nowee. 10Uvira waya mahuku saapa ale, phapacenryaya uwa maasi o naphuvu ilapo yothene.
11Ukati waarinawe Nowee myakha iminya siita cookumi awe, weettelaya mweeri wonayeeli, waaphiyeraya mahuku khumi na saapa o mweeri, nenno nihuku nno, cahottinwa miliwi co maasi, ni mikhora cothene co wirimu cahohulya, 12ni yahorupa ipula mwiilaponi mothene, mahuku arupayini (40), uhiyu ni uthana. 13Vano nenno nihuku nno Nowee na asaanawe, Seemu, Kani ni Yafeti, ciicammo amwaara a Nowee na asaaraya asaanawe ooraru yahokelaca nkalawani. 14Ale ni inama cothene co khula ikhapila, mihuwo cothene co khula ikhapila, inama cothene cowiipurula co khula ikhapila, covava cothene co khula ikhapila, asaanuni othene o khula ikhapila. 15Inama cothene caarina ukumi, cahokela piili piili ni Nowee nkalawani. 16Paahi, inama cothene caakenle caari cowiiraana, co nlopwana ni co nthiyana, toko Nluku canlamulenlyawe. Wiimaleloni, Mwanene Nluku ahotthyaa nkhora vate.
17Vaavale, naphuvu ule ahokhala mahuku arupayini (40) nari mwiilaponi, maasi yaheenciva, ni yahoteesa ikalawa iyo, ni ile yahohiya itthaya. 18Vano maasi ale yahocara venci cinene mwiilaponi mothene, nanso ikalawa iyo yaamphempa waculu maasi. 19Vano maasi ayo yanatepa wuncereryana mwiilaponi, mpaka myaako coorekama cothene caari vathi waya irimu cahomiriya ni maasi. 20Maasi ayo yahocara tapha mpaka upwaha myoono saapa ni nuusu, mpaka myaako nnyo cahomiriya.
21Phimaana cahokhwa inama cothene caariwo vathi va, ukhuma mihuwo, inuni, masene, inama cowiipurula cothene mpaka atthu othene. 22Cothene caarina ukumi, cimumulaka mphulani mwaya, caakhala vathi va, cahokhwa. 23Paahi, cahotankanyaa cothene caariwo vathi va, ukhuma ntthu mpaka inama cowiipurula ni nnyo coweetta, mpaka asaanuni oovava ucuulu, yahomalamalihiya mwiilaponi. Aahanle paahi phi Nowee na ayo yaarinawe nkalawani. 24Maasi ayo yahokhala nlaponi mpaka mahuku iminya wo hansini (150).
المحددات الحالية:
Mphattuwelo 7: NNI
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© 2021, Wycliffe Bible Translators, Inc. All rights reserved.
