Lûqa 4:9-12

Bahdo Şeytanî O berd Yeruşalîm ew Keyedê Ellay ser di cado berza rona, va: “Eki ti raşta Lajê Ellay ê se, xo tîya ra çek cêr, çiki Qisandê Mibarekan mîyan di yazikerde yo ki: ‘Ella do melekandê xo rê emir bido Ew ê do to qayte kerê. Ew do to destandê xo sera biçarnê ki Wa linga to sîya nêkoyo.’ ” Îsay ey rê va: “Ê Qisandê Mibarekan mîyan di wuna zî vajîyayo: ‘Ti do Rebbî, Ellayê xo, nêcerbinê!’ ”