Fingec fingec 28
28
Yacakow ye Awrahamgac dzadzahacgoc torokpeec
1 #
Fing 24:3
Ifi deu Itsakngo Yacakow deu hau kenehema yofi anudeac edeec, “Ge ngac menadeac dema Kenacan naroang yenearunac ngac mong mi mebesena. 2#Fing 25:20Ge ine yacma Paddan Aram bangecfu esaga Betucelac amau kembesena. Kemma imohacnac nonggogaac naina Lawan yeac naroangfora yenearunac mong mebesena. 3Nga Anutu Kuctoa minginango kenecguma meficguu fingecsahe amma seregurutoa ambesena. Ifi amma ngicngacareng habuya habuya ambesannec. 4#Fing 12:7; 15:7; 17:4-8Amma yeng ge nga medacfocga Awrahamgac kenec imoc ngemmebeso. Ifi anu ge bangec yomoc yaguc kuric kecnec imoc mebesannec. Bangec imoc yombong Anutungo Awraham miec.” 5#Fing 27:43; Hos 12:13Ifi amma Itsakngo Yacakow sueu Paddan Aram bangecfu Lawanggac kenudeac kenec. Lawan ye aramngic Betucel yeac medaha nga Yacakow nga Esaw nonggongira Riweka yeac naina.
Esawngo ngac mong kpara Mahalat meec
6Itsakngo Yacakow kenehema yofi anudeac edema Paddan Aram bangecfu sueec, “Ge ngac menadeac dema kenacannaroangfocngina yenearunac mong mi mebesena.” Anu yoac ifi dema Yacakow kenehema sueec imoc Esaw henec. 7Nga Yacakow ye nonggomama yereac yoacngira tofohoma Paddan Aram bangecfu kenec imoc ifingoc negenec. 8Imocac amma Esaw ye negenec mama ye kenacangngac yeneac songo mi negengkefec. 9#Fing 26:34; 36:3Ye ngac yohockang bic meyuruma kefec nga torokpema Awraham medaha Ismacel yearu kemma ngac mong kpara Mahalat, Newayot naina meec.
Yacakowngo gaukpefing henec
10 #
Fing 26:23, 33; 27:43 Anu Yacakow ye Becer Sewa imohacnac Harambigeng kenec. 11Kengkecma wenac bic kemeecac tofocnac imohai bangec botuha monnu tarec. Tacma ye hoc mong imohacnac mema kparicgang isoc oruhau faima heima feec. 12#Yoh 1:51Fema gaukpefinnu tire mong henu hania bangecfu nanu hemmodacma henu kurumeng kpeserema nanec. Nanu Anutuac angerofora yeni imohai engemmama anggec yenenec.
13 #
Fing 12:7; 13:14-15; Mke 6:4 Yenemmanu Kebungo imohai namma yofi dema edeec, “Ni Kebu, mangesaga Awraham nga Itsak yereac Anutu. Bangec fenec imoc ge nga bangecfocga ngemmebesandua. 14#Fing 12:3; 18:18; 22:17-18; 26:4; Gar 3:16Ngemmeba bangecfocga yeni fingecsahe angengkecma bangecfu sendung fede ifi isoc ambesandae. Anu ge bangec wenac keme kemeaubigeng nga wenac ere ereaubigeng nga wi nga emu imohai sahedacma tohoma kemma kecnade. Anu bangecsoc ngicngachabu yeni ge nga bangecgaac arennu kenecgoc ambesandae. 15#Fing 31:13; Dser 7:9; 31:6; Yes 43:2Negennec, ni mi wagubade. Ge bangec kecnadesoc gegoc kecma garenggubade amma wiac deserigendua imoc fora fingerudeac merengguba bangec yomohai monggoc dzigenema habesannec.”
Yomoc Kebuac ama
16Ifi deu Yacakow ye gaunac gborima yacma yofi deec, “Foracngoc, Kebungo bangec yomohai kecde ni imoc mi negendua.” 17#Mke 3:5Ifi dema kengec amma deec, “Bangec yomoc wiac engena ande. Yomoc Anutuac ama nga kurumenggac nagu ande.”
18Anu ama wereckenu Yacakow ye asoac yacma hoc heima feec imoc miacma gununggeu nanu witiau kerecdoku nadzicmiec. 19#Fing 12:8; 35:6, 15; 48:3Amma ye amabangec imocac kpara Bet El#28:19 Bet Elac titiha imoc Anutuac ama. kparec. Nga warac amabangec imocac kpara Ludzi kpackecgec. 20Nga Yacakow ye yoac yofi deseriec, “Anutu ye nigoc kefu sing herea yomoc kengkecbare nenggareng anenudeu nga sebinaac mefic yaka meficgenenu nebadeu nga wamba nganoc meficgenenu heibadeu 21amma gombunga kecma mannaac amau dzigenebesanduaeu Kebu ye neac Anutu amma kefude nga kecbesande. 22Anu hoc yomoc gununggebanande imocngo Anutuac ama ambeso nga wiac sasawa nengkecnadeimoc mendzicma tenunac mocgu ifi merenggengkecbade.”
المحددات الحالية:
Fingec fingec 28: Ded
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© (Active), Wycliffe Bible Translators, Inc. All rights reserved.
