Fingec fingec 16
16
Sarai nga Hagar
1Awram enema Sarai ye yeac kogoc mong mi meec. Nga ye Aigita bangecfunac wanacngac mong mekefec kpara Hagar. 2#Fing 30:3, 9Nga Saraingo Awram yofi dema edeec, “Negennec, Kebungo kogocmemeac sing segereneneac ge wanacnaroanna yearu kenna yearunac neac esangabo fingerude gedang.” Ifi deu Awram ye Saraiac yoac negemma modarec. 3Nga Awramgac enema Sarai ye wanacngaha Hagar hesickema kemma ewea Awranggaru fau yeac enema anec. Awram ye Kenacan bangecfu kifa 10 kefu wisickeec naso imohai faka imoc fingerec. Wanacngac imoc ye Aigita bangecfunac. 4#1Sm 1:6Nga Awram ye Hagararu kemma yegoc feu hereagoc anec. Amma sabacgoc anduae ifi negemma Sarai henu mau meenti memati ammiec. 5#1Sm 24:13, 16Ifi ammiu Saraingo Awram yofi dema edeec, “Ebic nearu fingecde imoc geac kopocsic. Ni neannaoc wanacngacna geac hoannu faiba gegoc kecma hereagoc ande imocac hemba ye ni nenu mau meenti memati anende. Kebungo noc wiac ge nga ni botucnirau fede imoc isinggebeso.” 6Ifi deu Awramngo Sarai yofi dema edeec, “Negennec, wanacngacga ye geac bageu kecdeac ge noc faka ammina ngereeudeac negennec imoc naric ammibesena.” Ifi deu Sarai ye Hagar ngaba yoac nga faka goria goria ammima memeting ammikefu ye ngac kunenga wama woraec.
Kebuac angerongo Hagar meficgeec
7 #
Fing 22:11, 15; 31:11 Anu bangeckisiu dokukiwa mong tarec imocac tegiau Kebuac angerongo Hagar meficgeec. Dokukiwa imoc Sur bangeac sinnu imohai meficgeec. 8Meficgema yofi dema kpesimiec, “Hagar, Saraiac wanacngac ge dahacnac hama dahai kennadeac annec?” Ifi deu Hagarngo yoac turunga yofi merenec, “Ni ngac kunenna Sarai wama woraduae.” 9Ifi deu Kebuac angerongo yofi dema edeec, “Ge ngac kunenggaaru monggoc dzigenema kemma yeac bageu memaemema kecbesena.” 10#Fing 17:20; 21:13, 18; 25:12Amma torokpema yofi dema edeec, “Ni bangecfocga mesaheyunuba homac yombong anggec naric mi osoyunudacbesandae.” 11Amma monggoc yofi edeec, “Negennec, ge ebicgoc amma medac mong menade. Nga Kebungo ubaebicga hemma negendacac amma yeac kpara Ismacel#16:11 Ismacelac titiha imoc Anutungo negende. kpacbesena. 12Ngic imoc ye katedonggi isoc amma kefude. Ye ngic sasawa yeneac ngaba anu ngic sasawa yeni ifingoc yeac ngaba anggecde. Nga ye sactosofora sasawa yeneac ngabangina ambesande.” 13Anu Hagar ye negenec Anutu ni nengande ye kapianec hendua. Nga Kebungo yoac edeecac bangec imocac kpara Ge El Roi#16:13 El Roi imocac titiha Anutungo nende. kparec. 14#Fing 24:62; 25:11Nga doku kiwa imocac kpara yofi kpacgec Becer Lahai Roi#16:14 Becer Lahai Roi imocac titiha kekec minginango nendeac dokuteng. Amma negenggec, dokukiwa imoc Kades nga Bered yereac botucngirau fede.
15 #
Gar 4:22
Kecma Hagarngo Awranggac medac mong meec. Meu Awram ye medac yeac kpara Ismacel kparec. 16Awram ye kifaya 86 ammanu Hagarngo yeac medaha Ismacel meec.
المحددات الحالية:
Fingec fingec 16: Ded
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© (Active), Wycliffe Bible Translators, Inc. All rights reserved.
