Matiu 3
3
Yon Baptais opora-ke
(Mak 1.2-8, Luk 3.1-18, Yon 1.19-28)
1Aria Yon Baptais-ke Yuudia epa asia nomon manekiw ikiwok. Nan ikok emeria mua unowa opora wia wafuromami feenap wia maakek, 2“Ni kema kireka. Moram, Mua Maneka pika kemena#3.2 Mua Maneka pika kemena fain maek, Mua Maneka-ke saria maneka ikok emeria mua ne maa muutitik wia urufam-ikaiya epa nain. wiar ekowa nain epa aakisa imenarek.” Naap wia maakem-ikua. 3Ne profet Aisaiya-ke iiriw Yon naep feenap maep-puak,
“Epa asia nomon manekiw neeke, mua oko-ke feenap farem-ikainon, ‘Ni niena Maneka era eepomami miiwa muu-muuna ikomakek nain kakenomaka,’ naap maem-miawinon.” (Aisaiya 40.3)
4Ne Yon mia suuwowa maa eneka kamel afifiw onimik nain wuap inakirowa maa eneka kanima-pa onimik nain mia ara wame kaikap yiawem-miek. Ne ona maa enowa aawa ne puusum eka. 5-6Ne wi Yerusalem, wi Yuudia ne wi Yodan eka pona oko-okaiwi-pa ikemik nainiya Yon wiar ekapemik. Ne pina wasirkiwkin Yodan eka-pa wia yasuwam-ikua.
7Ne aria wi Farisi ne wi Sadusi#3.7 Wi Farisi Mua Maneka opora ooku naep Moses sira wuomakek nain ookami wiena sira-sira gelemutitik unowa nain pun ookowa-ke naemik. Unuma wiam pirami maemik, sira unowa nain ookamkun Mua Maneka yia kookaliya naemik. Wi Sadusi wi pris teeria-ke, Sadok nembesir-ke, iiriw eena pris woos mua maneka arek nain. unowiya pun Yon-ke yia yasuwinok naep wiar ekapiwkin wia urufami wia amukarek, 8“Ni teeria faa, ifa upowa-ke. Mua naareke nia maakiwkin yo efar ekapeman? Mua Maneka ikoka miiw mua yiena sira samora yia kiripomiya nain, bauraru naep naiman-i? Ni sira eliwa oniwkin niar urufap maikuan, makena, ni kema kireman. 9Ne nieniw feenap me niam maeka, ‘Abraham i nembesir iperowa-ke, naapeya Mua Maneka yia aawinon.’ Yo makena nia maakiyem, Mua Maneka eliw nia iirarep nomona fain maakeya mua puukami Abraham wiimasip teeria wiar arikuan.
10Aria burir iiriw nomokow onoma-pa wuap-puak. Nomokowa baliwep me makenariya nain ikoka warep mukuna-pa wafufurikuan. 11Aakisa ni kema kiriwkin yos-ke eka-pa nia yasuwiyem. Nain mua yo murarowa-pa imenariya nain kekanowa-ke yo efa nomakek. Yo mua meta marew akeniya o taar teekow mua murarow akena-pa wiar ikem. Os-ke ikoka Ewar Eliwa mukun onaiya nia sesekomaya kekanowa aawowen. 12O wapena sawol opap, wit makena sowa bilik ikua nain baliwep rookasep epa saliwinon. Makena aawep koora-pa sepa wuinon, ne sowa muutitik mukuna me umiya neeke wafureya awem-ikainon.” Yon-ke opora naap wia maakek.
Yon Yeesus yasuwak
(Mak 1.9-11, Luk 3.21-22)
13Aria Yeesus Galili-pa ikok Yodan eka ekapok. Ekapemi Yon wiar fuunek, efa yasuwinok naep. 14Ekapeya maakek, “Yo me nefa yasuwinen, nos-ke efa yasuwowa-ke ikua. Nain moram yos-ke no nefa yasuwinen?” 15Naeya maakek, “Aakisa naap onap-pue. I naap oniyen-na Mua Maneka ona kookalowa nain eliw wiar weeserowiyen.” Naap maeya eliw naep eka porop yasuwak. 16Yasuweya pona urupok. Urupem-ikaeya iinan aapereka aakiarek. Nain mokoka wuak-na Mua Maneka Ewar-ke nepa ibiamun saarik iinan-pa wiar orok. 17Ne aria iinan-pa iwakara-ko feenap maeya miimamik, “Mua fain yena Muuka-ke, yena kema muneka-ke, o manek akena kookaliyem.”
المحددات الحالية:
Matiu 3: mhlNT
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© 1998, Wycliffe Bible Translators, Inc. All rights reserved.
