Tigidali Nai Gagalama Nigali Side 5
5
Te Adamgo hani dabe po
1Te Adamgo wąį hani dabe pedelali nogi e tama dao, Godigo bidi dali, we dali, te aga digi tiwai nigai. 2Godigo bidi deli badi, we deli badi nigai. Agai augwali si nigilama, tama augwali si dali dwagi yai sę yabo po olama, tama augwali si nogi poliyu, “Bidi da” wai. #Gag 1:27-28; Mat 19:4; Mak 10:6 3Tama Adam te kibu be 130 bidama, tama aga te ogwa me deligo aya te aga tiwai mu pedelai. Tama Adamgo aga nogi Set nogi poai. 4Tama ame nenama, tama nosali te Adam agai gasa ogwa me, wegi me ame neyu bidibadi, aga te gasa kibu be 800 me bidali. 5Tama Adam te kibu be umabo bidi sese hauwa 930 kibu be bidama, tama aga isai dao.
6Te Set te kibu be bidi sese a naga olama, ogwadu a naga, 105 kibu be bidama, te aga ogwa me deligo aya pedelali, nogi Enos. 7Set aga te kibu be 807 ma bidama, tama aga gasa ogwa dabe wegi dabe ame nai. 8Tama Set te kibu be bidi sese hauwa, te 912 kibu be bidama, tama aga isai dao.
9Enos te kibu be 90 bidama, aga te ogwa me deligo aya pedelali, te ogwa nogi Kenan poai. 10Enos te kibu be 815 ma bidama, tama agai te gasa ogwa wegi dabe me ame nai. 11Enos te kibu be 905 bidama, tama aga isai dao.
12Te bidi Kenan kibu be bidi sese sela olama, nogo si bidama, tama te ogwa me deli ame nani, te ogwa nogi Mahalalel, 13tama Kenan te kibu be 840 ma bidama, tama agai te gasa ogwa wegi dabe ame nani. 14Kenan te kibu be 910 bidama, tama aga isali.
15Mahalalel te kibu be 65 bidama, tama agai te ogwa me deli ame nani tego aya pedelali, te ogwa nogi Jaret. 16Tama Mahalalel te kibu be 830 ma bidama, tama agai te gasa ogwa wegi dabe ame nai. 17Tama tiyu, tama Mahalalel te kibu be 895 bidama, te aga isai dao.
18Te Jaret te kibu be 162 bidama, tama aga te ogwa me deligo aya pedelai, aga nogi Enok. 19Tama Jaret te kibu be 800 ma bidibadi, tama agai te gasa ogwa wegi dabe ame nai. 20Tama tiyu, Jaret te kibu be tigidali 962 siliyu bidama, tama aga isali.
21Tama Enok kibu be bidi sese sela, me badu nogo a naga, 65 kibu be bidama, tama aga te ogwa me deligo aya pedelali, nogi Metusela. 22Tama Enok aga te God dali deli homu naga eyu bilali. Tama tiyu, aga te kibu be 300 ma bidibadi, tama aga te gasa ogwa wegi dabe me ame nai. 23Enok te bidibo ula dali e tǫde bidali kibu be te 365 dao. 24Aga te God dali sesemane sogo deli homu eyu bidali, tama Godigo aga selama, tama bidi dabego aga ma subeo. #Hib 11:5; Jut 14
25Tama Metusela te 187 kibu be bidama, tama aga te ogwa me deligo aya pedelali, te ogwa nogi Lamek. 26Tama Metusela te gasa kibu be 782 ma bidibadi, tama agai te gasa ogwa wegi dabe me ame nai. 27Metusela te kibu be 969 bidama, tama aga isai dao.
28Tama Lamek te kibu be 182 bidama, tama aga te ogwa me deligo aya pedelali. 29Tama agai te po wai, “Te Yawego te tǫ dolabo bomai po muanio. Megi da, te waigo da te tǫde sę dene ebo te toma nomainogo ilaibao,” te po wai. Tama tibaso, Lamek agai te ogwa nogi Noa poai dao. #5:29 Te Hibru pogo te nogi Noa te page elalubao, te “toma nabo,” te tiwai pąde dao. 30Tama nosali Lamek aga te kibu be 595 ma bidibadi, tama agai gasa wegi ogwa dabe meba ame nai. 31Tama Lamek aga te kibu be 777 bidama, tama aga isali.
32Tama Noa te kibu be 500 bidama, tama aga te ogwa selago aya pedelali, Siem, me Ham, me Jafet, te tama deli deli ame nanio.
المحددات الحالية:
Tigidali Nai Gagalama Nigali Side 5: mps
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© 2002, Wycliffe Bible Translators, Inc. All rights reserved.
