Mpiin 7

Nwam aabɔr

1Le Uwumbɔr bui Nowa ke, “Aa ni aapuu, ni aajapɔtiib, ni aabipuutiib, ni mɔmɔk koo buŋɔb ngbaan ponn ni. M kan ke sin baanja le bi dulnyaa wee aanib ponn ni ki ŋani ni ŋan na. 2Aa ban ipeel ni tiwakor ti bi chain na, nija ni nipii, nilele, ki ti saa nfum mulole, ki ki ban ipeel ni tiwakor ti kaa bi chain na, nija ni nipii, nilele, nimɔk aabɔŋ, ki di ŋa buŋɔb ngbaan ni. 3Aa ki ban inyoon mu, ija ni ipii, ilele, ki ti saa nfum mulole. Ŋa kina aan tiwan ngbaan mu nan ki pɔr, ki li bi dulnyaa wee ni. 4Iwiin ilole yaa jer kan, m ga cha utaal nu; utaal ga nu ki ti saa iwiin imonko ilee, nwiin pu ni kinyeek, aan nnyun bii tiwan ni mɔmɔk m ŋa na.” 5Le Nowa ŋa Uwumbɔr aah bui u pu na mɔmɔk.

6Nowa nan ye ŋibin ikui iloob, le Uwumbɔr cha nnyun jin dulnyaa. 7U ni upuu, ni ujapɔtiib bitaa, ni ubipuutiib nan koo waah kpaa buŋɔb bu na ponn ni, le ki ŋmar. 8Tiwakor, ni ipeel, ni inyoon, ni tiwan nimɔk fu na, nija ni nipii, ni bi chain na, ni ni kaa bi chain na 9mu nan koo buŋɔb ngbaan ponn ni, Nowa chee, Uwumbɔr aah nan bui ke u ŋa pu na. 10Iwiin ilole aah jer na, le nwam dan.

11N‑yoonn mu Nowa ti saa ŋibin ikui iloob na, uŋmaleler aawiin kipiik ni ilole daal, le kitiŋ puu nnyun sakpen, le kitaapaak chuu piir, 12le utaal chur lii ni dulnyaa wee ni, iwiin imonko ilee, nwiin pu ni kinyeek. 13Buyoonn utaal piin ki nu na, liyaadaal ngbaan, le Nowa, ni upuu, ni ujapɔtiib, Sem, ni Ham, ni Jafef, ni bipuutiib nan koo buŋɔb ngbaan ni. 14Le Nowa nan di ipeel, ni tiwakor, ni inyoon, ni tiwan nimɔk fu na, 15nija ni nipii, ki di ŋa buŋɔb ngbaan ponn ni. 16U di ni mɔmɔk ki di ŋa bu ponn ni Uwumbɔr aah nan bui u pu na. Bi mɔmɔk aah koo buŋɔb ngbaan ponn ni na, le Uwumbɔr di buŋɔb ngbaan aajaaleŋ piin.

17Nwam ngbaan nan moo kpei kina iwiin imonko ilee, le nnyun moo nyook cha, le buŋɔb ngbaan ti fii deen.

18Nnyun aah gbiin dulnyaa ni na, le Nowa aaŋɔb na fii deen nnyun ngbaan paab. 19Nnyun nan gbiin ki biin ŋijoo mɔmɔk pu dulnyaa wee ni. 20Nnyun ngbaan nan nyook cha, ki ti saa ŋitaa moninko ni ŋiŋmu, ŋijoo aapaacham. 21Le binib, ni tiwakor, ni ipeel, ni inyoon, ni tiwan nimɔk fu, kaa nan bi buŋɔb ngbaan ponn ni na, nan kpo a. 22Tiwan nimɔk nan fuur ki bi dulnyaa wee ni na nan kpo a. 23Uwumbɔr nan bii dulnyaa wee kina la, le ki daa binib aatafal, le ki ku binib mɔmɔk, ni tiwan nimɔk fu na. Nowa ni waamaal, ni tiwakor, ni ipeel, ni inyoon ni mɔmɔk nan koo buŋɔb ponn ni na le nan ŋmar. 24Nnyun ngbaan aah nan gbiin dulnyaa wee ni na, mu nan dɔ kina, ki ti saa iwiin nkub ni piiŋmu, le ki nin foor.

المحددات الحالية:

Mpiin 7: xonB

تمييز النص

نسخ