آيات مشهورة من الكتاب المقدس منJenesis 6

شارك

Uqa dana cajaca ifanadimei mahana mudennu waloc don. Uqa waug ben qon.

Aria Tibud uqa dana cajaca mahanadec agena qisol mec eu ben bahic fen. Agena cisdoc me qeeca golanaga me qeenu sililecca odi nijen.

Qa Tibud uqa Noana odoc fimei Noanu waug tawen.

I Noanu je. Noa uqa dana ititom. Uqa Anut amegna cahuldocca qee. Uqa Anutca cobosin.

Odocob Tibud uqa maden, “Ija dana sihul cunug ifanadem eu qee madigen. Mahana doolca man fululecca ceteteh cunug mahana cobogina eu qee madigen. Ija ifanademnu waloc tena,” en.

Aria saen euna dana sihul mahana geh bahic fulusdumeig mel aid basadein. Mel aid eu age galeca bahic. Eunu Anutna sao mel age dana atagail feciadecebil amaga qon. Odocob age aidagailnu agena gawecnana cedadein. Odocob Tibud uqa maden, “Dana cajaca age qee bilecebil cataneiaun. Eunu ijana Kis eu dana cajaca ageca qee bileceb cataneiaun. Qila ija odadecemin age cabi gel 120 himec biluqagan,” en. Saen euna hibnaha dana citoec mahana bilein. Aria Anutna sao mel age dana atagail gami ocobocob imeig mel basadein. Mel eu age dana citoec age hannu gelehinigaca calein. Dana eu age age dana weledec age ijanagaca.

Aria Noa uqa Anut madon eu cunug toodu odon.

Odocob Anut uqa Noa madon, “Dana cunug agena qisol mec eu maha cunug ihoc len. Eunu ija age cunug qee madigen. Mele bahic ija maha cunug fadaldugen.

Wag ben oso wamena hinadodocnu himec jelega. Wag eu hamol mati bahicca muduga. Odimeg baial dunuhca maha gumuca joudoga.

Anut uqa dana cajaca mahana cunug bilein age qisol mein eu fen.

Ceteteh cunug mahana cobogina eundec dool filfil man fululec filfil manahalca cufunecca ehadi ehi li wagna madegan. Odocob age qee cal mowain.