آيات مشهورة من الكتاب المقدس منSAN JUAN 16

شارك

Cua nda na' lcaa cha' bi' lo'o ma̱ cha' ti̱ ti tyi'i̱ tyiquee ma̱ xqui'ya na' ―nacui̱―. Nde chalyuu ti'í ti' ñati̱ ña'a̱ ji'i̱ ma̱. Pana ná cube ti' ma̱, cua'ni tlyu tyiquee ma̱; na' laca̱ loo nde chalyuu, cha' cua ntiji̱loo na' tsiya' ti ji'i̱ nu xña'a̱.

Nu lo'o ca̱a̱ Xtyi'i ycui' Ndyosi nu tyu'u nde slo ycui' Ni, li' culu'u nu bi' lcaa cha' nu liñi ca ji'i̱ ma̱; li' chcui' liñi nu bi' lo'o ma̱ lcaa cha' nu cuentya 'na ―nacui̱―. Ná chcui' nu bi' chacuayá' ji'i̱ ycui' ca Ni; tsa ña'a̱ cha' nu cua ndyuna ti Ni ca slo ycui' Ndyosi, bi' ti cha' ta nu bi' lo'o ma̱ ―nacui̱ Jesús―. Lo'o jua'a̱ ta nu bi' cha' lo'o ma̱, lcaa cha' nu caca jna'.

Si'i chacuayá' 'na ngüijña ma̱ cha' ji'i̱ ycui' Ndyosi Sti na' sa'ni la; pana jua'a̱ jña ma̱ cha' ji'i̱ Ni juani, cha' caja cha' bi' ji'i̱ ma̱, cha' xcui' na caca chaa ti' ma̱ su ndi'i̱ ma̱ li'.

Pana ná cube tsa ti' ma̱. Cha' liñi nda na' lo'o ma̱ juani ―nacui̱ Jesús―, cha' tso'o la tyi'i̱ ma̱ si cua ndya'a na'. Ná ca̱a̱ Xtyi'i ycui' Ni nu xtyucua ji'i̱ ma̱ lcaa tsa̱ si ná tya'a na', cha' nu lo'o tya'a na', li' ta na' ji'i̱ nu bi' ca̱a̱ Ni. Nu lo'o ca̱a̱ Xtyi'i ycui' Ndyosi lo yuu chalyuu ―nacui̱ Jesús―, cua'ni Ni cha' cube ti' lcua ti tya'a ñati̱ chalyuu cha' ntsu'u qui'ya nu ngusta ycui' Ndyosi ji'i̱ ngu'; jua'a̱ cua'ni Ni cha' tyi'u ti' ñati̱ jna', cha' liñi tsa laca ycui' na'; jua'a̱ cua'ni Ni cha' ca cuayá' ti' ñati̱ cha' ntsu'u cha' cua'ni cuayá' ycui' Ndyosi ji'i̱ lcaa ñati̱ chalyuu ―nacui̱―.

Lo'o jua'a̱ cu'ma̱ ―nacui̱―, xti ti tyempo caca xñi'i̱ ti' ma̱; pana ca̱a̱ na' ca̱a̱ na'a̱ na' ji'i̱ ma̱ chaca quiya', lo'o li' caca chaa ti' ma̱ chaca quiya'. Ná tucui taca cua'a ji'i̱ ma̱ cha' ná caca chaa ti' ma̱ li'. ’Nu lo'o tyalaa tyempo bi', nga'aa si'i jna' jña ma̱ sca cha' ―nacui̱ Jesús―. Liñi tsa cha' nu ta na' lo'o ma̱, cha' lcaa cha' nu jña ma̱ ji'i̱ ycui' Ndyosi Sti na' chacuayá' 'na, ta Ni cha' bi' ji'i̱ ma̱ ―nacui̱―.

Liñi tsa cha' nu ta na' lo'o ma̱ juani ―nacui̱ Jesús ji'i̱ ngu' bi' li'―, cha' chañi xi'ya ma̱, chañi cunaa ma̱ nu lo'o cua ndya'a na', masi chaa ti' xa' la ñati̱ chalyuu. Pana ná cube tsa ti' ma̱, masi xñi'i̱ ti' ma̱; caca chaa ti' ma̱ lo'o tyu'ú na' chaca quiya' li'.