آيات مشهورة من الكتاب المقدس منTakwiin 17

شارك

Wakit Abraam indah 99 sana, Allah baan leyah wa gaal : «Ana Allah al-Gaadir. Taabiʼ kalaami wa abga daayman saalih.

Min al-yoom, ma yinaaduuk Abraam laakin yinaaduuk Ibraahiim achaan ana nisawwiik abu hana umam katiiriin.

Wa muʼaahadati al-sawweetha maʼaak inta wa maʼa zurriiytak min baʼadak tagood daayman. Wa l-muʼaahada al-daayme di tiwassif kadar ana nabga Ilaahak wa Ilaah zurriiytak.

«Di hi al-muʼaahada al-beeni wa beenak. Inta tabga abu hana umam katiiriin.

Laakin al-Rabb gaal leyah : «La, ma misil ke ! Martak Saara talda leek wileed wa tisammiih Ishaakh. Wa ana nisabbit muʼaahadati al-daayme maʼaayah wa maʼa zurriiytah.

Wa nantiik inta wa zurriiytak kulla l-turaab hana balad Kanʼaan al-inta saakin foogha ajnabi. Wa l-balad di tabga warasathum ila l-abad wa ana nabga Ilaahhum.»

Wa baʼad da, Ibraahiim sajad giddaam Allah wa dihik wa gaal fi galbah : «Kikkeef nagdar nalda, ana al-indi 100 sana ? Wa kikkeef Saara al-indaha 90 sana tagdar talda ?»

Wa Allah gaal battaan le Ibraahiim : «Baʼad al-yoom, martak Saaraay battaan ma tinaadiiha Saaraay laakin naadiiha Saara.

Wa tahuuritku di fi jilidku tabga alaama hana l-muʼaahada al-beeni wa beenku.

Laakin muʼaahadati di, nisawwiiha maʼa Ishaakh, al-Saara taldaah leek fi l-sana al-jaaye fi nafs al-wakit da.»

Waajib titahhuru ayyi dakar min zurriiyitku fi tamaane yoom baʼad waaluudtah. Waajib titahhuru ayyi dakar al-mawluud fi buyuutku aw abiidku al-chareetuuhum min iyaal al-ajaanib al-ma min nafarku. Wa titahhuru kulla l-dukuur al-wildoohum fi buyuutku wa l-abiid al-chareetuuhum. Wa be da, muʼaahadati tagood fi jilidku wa hi muʼaahada daayme.