آيات مشهورة من الكتاب المقدس منLc 15

شارك

Axa meltzoj nak bay yatut is mam tu'. A yet najattoc'al chi tita', max il-laytok yin yuj cham mamej tu'. Caw wal max ok' is c'ul cham yin, xan max toj cham chaoni. Yanej cham toji, max apnic'al oc cham c'atan, max lak'ontek cham, axa tz'ubon el cham is ti' tu' yuj camc'ulal.

Yujtol a jun in c'ajol ti', tol camnakxa ta' waloni, palta a tinani', axca tol max ictzoj pax ajok. Max c'aylejcantok, palta mayal jay paxok, ẍi cham mamej tu'. Axa yaon oc eb jun miman k'in tu'.

K'inalok ta ay c'apax junok 99 anima, watx' is nabal naoni, cax man yowalilok chi na ba c'ul eb yin is yobtakil naoni, c'am mac chi tzaloj satcan yuj eb. Palta chi wal ayex, ta ay junok mactxel yob is beybal chi na ba yin is yobtakil, ay mimek tzalojc'ulal yuj jun chi na ba c'ul tu' satcan.

Yel mi watx' ok in pax bay in mam tu', cax ok walon bay axca ti': Mam, caw wal max oc in mul bay Dios, cax max oc c'apax in mul ayach.

Axa yalon nak bay is mam tu' axca ti': Mam, caw wal max oc in mul bay Dios, cax max oc c'apax in mul ayach. A tinani' manxa in mojok chin aloc a c'ajolok, ẍi nak bay is mam tu'.

K'inalok ay junok winak e xol, ay junok 100 is calnel. Ta chi c'aytok junok, chi yacan nak no' 99 etbiej tu' bay is lobal tu', cax chi toj nak sayon ec' no' max c'aytok tu', masantac'al chi yal yilchaj yuj.