آيات مشهورة من الكتاب المقدس منULUKASI 3

شارك

Ngemva kobana boke abantu sebabhajadisiwe, uJesu naye wabhajadiswa. Kwathi asathandaza, izulu lavuleka. UMoya oCwengileko wehlela kuye ngesibumbeko sezuba. Khonapho kwavela ilizwi ezulwini lisithi: “Wena uyiNdodanami ethandekako. Ngeneme ngawe.”

Yeke, uJwanisi wathi kibo boke: “Nginibhabhadisa ngamanzi kodwana ukhona ozako onamandla khulu kunami, engingakafaneli ukutjhaphulula amapatlagwanakhe. Yena uzanibhabhadisa ngoMoya oCwengileko nangomlilo.

Vezani isithelo esikhambisana nokuphenduka kwenu. Ningathomi nizitjele nithi, ‘Sino-Abrahamu ongubabethu’ ngombana ngiyanitjela bona uZimu angavusela u-Abrahamu abantwana ematjeni la.

Izembe selibekiwe emirajini yemithi, nje-ke woke umuthi ongatheli iinthelo uzokugawulwa, uphoselwe emlilweni.”

Njengombana kutloliwe encwadini yamezwi womphorofidi u-Isaya nakasithi: “Ilizwi lorhuwelela erhalawumbeni, lithi: ‘Lungisani indlela yeKosi; yenzeleni indlelakhe enqophileko. Yoke imirhoba kumele ihlelenjwe, zoke iintaba nemibundu zibe libhabhadu; iindawo ezimigodigodi zenziwe itatawu neziziindunduma zilelezwe. Boke abantu bazakubona isindiso kaZimu.’ ”