آيات مشهورة من الكتاب المقدس منLuke 10

شارك

ငါဟာ မြွီဆိုးတိနဲ့ကင်းမြှီးကောက်တိကို နင်းသတ်နိုင်တဲ့အခွင့်အာဏာနဲ့၊ မာရ်နတ်ရဲ့တန်ခိုးတိကို နှိမ်နင်းနိုင်တဲ့ အခွင့်အာဏာတိကို ပီးအပ်ထားပြီးသားဖြိုက်ဟာကြောင့် တစ်ခုအရာတောင် အသင်ရို့ကို ထိခိုက်အောင်မလုပ်နိုင်။

ယင်းခါ ကိုယ်တော်က “မာသ၊ မာသ အသင်ဟာ အရာရာကိုစိုးရိမ်စိတ်နဲ့ ပူပန်နီရေ။ အမှန်လိုအပ်ရေအရာဟာ တစ်ခုရာဟိရေ။ မာရိဟာ ယင်းအရာကို ရွီးချယ်ထားပြီးယာကြောင့် ယင်းဟာကို သူမပါးက ဖယ်ပလိုက်လို့ မရယာ” လို့မိန့်တော်မူလိုက်တေ။

ယင်းလူက “ကျမ်းစာမာ ‘အသင့်ရဲ့ အရှင်သခင်ဖြိုက်တဲ့ ဘုရားရှင်ကို အသင့်ရဲ့ ကိုယ်၊ စိတ်၊ နှလုံး သုံးပါးစလုံးနဲ့ ချိုက်ခင်ရဖို့။ အသင့်ရဲ့ အိမ်နားပါးချင်းကိုလည်း ကိုယ့်ဟာကို ချိုက်ပိုင်မျိုး ချိုက်ခင်ပါလို့ ရေးသားထားပါရေ’” လို့ပြန်လို့လျှောက်ထားလိုက်တေ။

ကိုယ်တော်က သူရို့ကို မစီလွှတ်ခင် “လူအများကြီးက ငါ့ကိုယုံကြည်လက်ခံဖို့ အဆင်သင့်ဖြိုက်နီကေလည်း သူရို့ကို မင်္ဂလာသတင်းကောင်းကို ဟောပြောဖို့လူတိက နည်းရေ။ သူရို့ဟာ ရိတ်သိမ်းဖို့ အဆင်သင့်ဖြိုက်နီတဲ့ ကောင်းကျယ်ရေလယ်ကွင်းနဲ့တူကေလည်း သူရို့ကို ရိတ်သိမ်းဖို့အလုပ်သမားတိ မလုံလောက်ပါ။ ယင်းဟာကြောင့် ရိတ်သိမ်းဟာရဲ့အရှင်ဖြိုက်တဲ့ ဘုရားရှင်ပါးက ရိတ်သိမ်းဖို့ အလုပ်သမားတိကို သူ့ရဲ့လယ်ကွင်းထဲသို့ စီလွှတ်ဖို့တောင်းလျှောက်ကတ်ပါ။

ယပြီးဟာနဲ့ ကိုယ်တော်က ကျမ်းတတ်ဆရာကို “ယင်းလူသုံးယောက်ထဲမာ ဓါးပြတိုက်ခံရရေလူရဲ့ အိမ်နားပါးချင်းအစစ်ဟာ အသူဖြိုက်ဖို့ရောင်” လို့မီးလိုက်တေ။ ယေခါ ကျမ်းတတ်ဆရာက “သူ့ကို သနားကြင်နာပနာ ကူညီပီးရေလူဖြိုက်ပါရေ” လို့ဖြေရေခါ ကိုယ်တော်က “မတ်လည်းလားပြီးကေ လူတိကို ယင်းပိုင်အတိုင်း လုပ်ပီးပါ” လို့မိန့်တော်မူလိုက်တေ။

အဂု သင်ရို့ဟာ လူတိပါးကို သတိထားပြီးကေ လားလီကတ်ပါ။ အဇာဖြိုက်လို့ဆိုကေ အသင်ရို့ကိုငါလွှတ်လိုက်ရဟာက ကူရာမဲ့နီတဲ့သိုးချေတိကို ရက်စက်ကြမ်းကြုတ်တဲ့ ဝံပုလွေတိကြားထဲကို လွှတ်လိုက်ရပိုင်မျိုး ဖြိုက်နီလိမ့်မေ။