آيات مشهورة من الكتاب المقدس منUBWANDILO 6

شارك

Popapo alinkusulumania panongwa yakumpela umundu pakisu, silinkumbaba fiyo mu ndumbula yake.

Popapo Untwa alinkwaga ukuti ubutulanongwa bwa mundu bubele pa kisu, nukuti syosa inyinogono sya mundu mbibi bwila itolo.

Loli Noa yo alinkulyaga ilipyana nkyeni mu Ntwa.

Isi syo nongwa sya Noa. Umwene Noa yo ali mundu ungolofu, unsita kuyobigwamo kamo akabibi ku bandu ba mungulilo yake; kangi alinkwenda na Kyala.

Bunobuno Untwa alinkuyoba alinkuti, “Nikubapyutaga pakisu abandu aba nabapelile, abandu na fi finyamana, kangi nifyabumi ifi fikwendela ulwanda, na si njuni sya mumpalanga, namanga nsulumenie panongwa yakuti nafipelile.”

Bo abandu bandile ukubala pa kisu, popapo abana abalindwana balinkupapigwamo. Abana ba Kyala balinkwaga ukuti abana ba bandu abalindwana bamogi fiyo; balinkwegapo bamo aba babasalile ukuya bakasi babo. Popapo Kyala alinkuyoba alinkuti, “Mbepo gwangu atisakuyaga bwila mmundu, namanga umwene yo mundu gwa mbili itolo, ikugonaga itolo ifyinja mia yumo, namalongo mabili (120).” Mmasiku galagala, kangi na panyuma gilinkuyako imindu iminywamu fiyo, lula abana ba baKyala bingilege mbana ba bandu abalindwana, nukupapamo abana. Gyo gyali mindu gya iyolo igya maka, kangi gyali mindu imifumuke.

Popapo Noa alinkusibomba syosa ukufwana na mumo Kyala alimbulile.

Popapo alinkumbula Noa alinkuti, “Ninogwine ukubapyuta bosa abandu, buno ikisu kyosa kiswile nu bwite panongwa yabo; keta, nikuya pakubapyutila, lumo nikisu.

Utendekesyege ingalaba yako iya matapwa ga mpiki gwa mulombwa; ubikemo ifipinda nkati, kangi uyimate numpulya nkati na panja.

Bo ikukiketa ikisu alinkwaga kyonangike naloli; namanga abandu bosa ulwendo lwabo lwali lubibi pakisu.

Mfya bumi fyosa ifya luko nuluko gwise gwegengepo fibilifibili, nukwingila nafyo mu ngalaba ikinyambala ni kikikulu, ko kuti fise fiyege fyumi palikimo nanugwe.