آيات مشهورة من الكتاب المقدس منमर्कुस 12

شارك

इसुले भुन्‍यो, “सप्‍पइभन्‍ना ठुलो आग्‍या यो हो, ‘हे इस्राएल सुन, परमप्रभु हामरा परमेस्‍वर एक मात्‍र परमप्रभु छन्‌। तुइले परमप्रभु आफना परमेस्‍वरलाइ तेरा पुराइ ह्रिदयले, पुराइ परानले, पुराइ समजले, रे तेरा पुराइ सक्‍तिले पिरिम अर।’ दोसरो आग्‍या लइ यसोइ छ, ‘तुइले आफना छिमेकिलाइ आफुइलाइ पिरिम अर्‍या जसेरि पिरिम अर।’ यइहइ ठुलो आग्‍या अउर आथिन्‌।”

रे इसुले आफना सिस्‍यालाइ बोलाइबर भुन्‍यो, “साँच्‍चि एइ गरिब बिधुवाले अउर सप्‍पइ मान्‍सकाहइ बर्ता भेटि चणाएइ छ। क्‍यालाइकि सप्‍पइले त आ-आफना बर्ता धन-सम्‍पतिबटहइ चणाया छन्, तर एइ गरिब बिधुवाले त गरिब होइबरलइ आफनो जिबन चलाउन्‍या भया जति सप्‍पइ पइसा चणाएइ छ।”

पइ इसु मन्‍धिरका भेटि चढाउन्‍या ठउँरलाइ बसिरइथ्‍या, रे भिडले भेटि चणाउन्‍या बगसइना भेटि चडाउन्‍नारया तकिरइथ्‍या। धनि मान्‍सले भउतइ रकम चणायो। तर एक गरिब बिधुवाले आइबर तामाका दुइ सिक्‍का मात्‍तरइ चणायो।

उनुलाइ पुराइ ह्रिदयले, पुराइ समजले, पुराइ सक्‍तिले पिरिम अद्‍दु, रे छिमेकिलाइ आफुलाइ जसेरि पिरिम अद्‍दु सप्‍पइ होमबलि रे बलिदान भन्‍ना उत्‍तम हो।”

तबइ इसुले तिनुलाइ भुन्‍यो, “रोमि महाराजाको जति रोमि महाराजालाइ दिय, रे परमेस्‍वरको जति परमेस्‍वरलाइ दिय।” इसुको यसो जबाफ सुनिबर तिनु अचम्‍म पण्‍या।