آيات مشهورة من الكتاب المقدس منMʉkpanganɨa 1

شارك

Tɨa ambise ɔngɔ, ga Asɔɓɨɨ ɓɔ: «Tɨkieni ɓombi akɔ isisenio ngɨyeso, nɔ, akɔɓio kʉndʉ isu, nɔ, ɓiɓio ndʉ ɓangama akʉʉ dɔdɔ muɓomu, akʉʉ ɔ sipe, nɔ akʉʉ ɓanoi, nɔ akʉʉ ɓanama ɓɔ ndei, nɔ, akʉʉ ɔ ɓanama ɓaɓomu ngʉɓa ɓanaɗa aɨsɨ.» Asɔɓɨɨ a꞉kɨa ɓombi akɔ isisenio ngɨangɔ ta akɔ isisenio ngɨangɔ ingainga a꞉ɓʉkɨa ndʉ gue nɔ moi.

Kʉdɔ, ɔ꞉ɓukiokio nɔ, ɔ꞉ɓusigio ɓɔ: «Nɔteni ɓana, nɔ, ucheni choni nɔ, uhuseni dɔdɔ-ɛɛ nɔ, ɓieni nɔ ʉpanʉ akʉʉ ɔngɔ-ɛɛ. Ɓieni ndʉ ɓangama akʉʉ ɔ sipe nɔ, akʉʉ ɔ ɓanoi nɔ, akʉʉ ɓanama ɓaɓomu ngʉɓa ɓanaɗa aɨsɨ.»

Akɔ mʉkpanganɨa, Asɔɓɨɨ a꞉kɨa ɓisi nɔ dɔdɔ.

Akɔ angbinga ngɨananɨ, dɔdɔ a꞉ɓio ta ɓɔ tubutubu nɔ kʉ ɓʉtʉʉ. Umomo wa꞉kuto monu kɔ ʉpɨa wɔ mipo ɓɔ nji. Nɔ Mʉtɨma wɔ Asɔɓɨɨ wa꞉ɓio akɔyɛnganaka ta ananɨ akʉʉ ɔ mipo.

Kʉdɔ, Asɔɓɨɨ a꞉sugo ɓɔ: «Ʉwanga wɨchwɛanɨa!» Ga ʉwanga ɓɔ ngbaiii.

Asɔɓɨɨ ɛ꞉na ɓɔ yaka iɓomu ngɨyɛ a꞉kɨa, ya꞉ɓio iɗo nɔgbɛ. Kʉdɔ, ya꞉ɓio tɨa nɔ angbinga ɔ ikuɓa nɔ ɨpasɨ. Ɓisi ɓɔ mɛɗɨa, ʉɓɔnanɨ.

Ɛ꞉na ɓɔ ʉwanga, wa꞉ɓio ɨkyɛmʉ yɛta iɗo. Kʉdɔ, ɔ꞉ʉnagbonyoko nɔ umomo.

Ɔ꞉tɔmatɨa ɓata ɓɔ: «Nɔninjo lanja liɓomu ngɨlɛ lanɔ masɔɔ akʉʉ ɔ ɨtaka, nɔ, matɨ maɓomu ngʉkɔ lipumo nɔ masɔɔ amati ɔngɔ, akɔɓio ndʉ idyo ngɨyeno.

Ɔ꞉sʉa ʉwanga ino ɓɔ «ɓisi ɓɔta ɓʉyɛ», nɔ umomo ɓɔ «ɓisi ɓɔta ɓiye». Kʉdɔ, ya꞉ɓio tɨa nɔ ngbinga ngɨyɔ ikuɓa, nɔ ɨyɔ, ɨpasɨ. Ɓisi ngʉɓɔ pɛɨ, ʉɓɔnanɨ.

Ga Asɔɓɨɨ ɓata ɓɔ: «Ifa mɛngana yɨchwɛanɨa ati ɔ mipo akɔnagbonyoko mipo ngʉka akʉʉ, nɔ ʉka ɛsɨ.»

Nɔ tɨa akɔ ɓanama ɓaɓomu ngʉɓɔ dɔdɔ, nɔ akɔ ɓanoi ɓaɓomu, nɔ akɔ ɨkyɛmʉ iɓomu ngɨyɛ yanaɗa aɨsɨ, nɔ ɨyɛ ya homuo, nɔɓinjo ɨɓɔ lanja liɓomu ngɨlɔ iju, akɔɓio ndʉ idyo ngɨyeɓo.» Kʉdɔ, ya꞉kyanakɨa ta ɓanɨ.

Ga Asɔɓɨɨ ɓata ɓɔ: «Ɓayaka ɓɔta ɓajɛyɛ ɓɨchwɛanɨa akʉʉ ɓisi akɔnagbonyoko ɓisi ɓɔta ɓʉyɛ nɔ ɓisi ɓɔta ɓiye. Ɓayaka ngʉɓɔnanɨ ɓiɓio ndʉ ɓakɔkɔ animbiiso ɓangbinga ɓɔ mambɔ, nɔ maɓisi, nɔ mago.

Kʉdɔ, ga ɨyɔ ɓata ɓɔ: «Ɨtaka yɨɓaiso iju, nɔ lanja ngɨlɛ la꞊ɓio nɔ masɔɔ. Yɨɓaiso tɨa kʉ nɔ migbo yɔ matɨ di di di ngʉka komo lipumo nɔ masɔɔ amati ɔngɔ, akʉʉ ɔ ɨtaka ta iɓomu.» Kʉdɔ, ya꞉kyananakɨa ta ɓanɨ.

Ɔ꞉kɨa ifa ngɨyɛnɛnɨ ta ɓanɨ, nɔ, ɔ꞉nagbonyoko mipo ngʉka akʉʉ ɔ ifa, nɔ ʉka ɛsɨ ɔngɔ. Kʉdɔ, ya꞉kyananakɨa ta ɓanɨ.

Ɨtaka yɔ꞉ɓaiso iju, nɔ migbo yɔ lanja liɓomu ngɨlɛ lanɔ masɔɔ, nɔ migbo yɔ matɨ maɓomu ngʉka komo lipumo nɔ masɔɔ amati ɔngɔ ta ɓanɨ. Ɛ꞉na ɓɔ yaka ngɨyɛnɛnɨ, ya꞉ɓio iɗo.

Asɔɓɨɨ ɔ꞉kɨa ɨpá, ʉwanga ngʉwa wɔta ʉja, akɔkyɛndakiso ɓisi ɓɔta ɓʉyɛ, nɔ uyi, ʉwanga wɔta bele, akɔkyɛndakiso ɓisi ɓɔta ɓiye. Ɔ꞉tɔkɨa tɨa kʉ nɔ ndata.

Asɔɓɨɨ ɔ꞉tɔsugo ɓata ɓɔ: «Mipo ngʉka ka amʉdʉʉ wɔ ɓisi kɨmɔmanakɨa ɨda mɛngana, nɔ ɨtaka yɛta kakau yɨchwɛanɨa.» Kʉdɔ, ya꞉kyananakɨa ta ɓanɨ. Ɔ꞉sʉa ɨtaka yɛta kakau ino ɓɔ «ɨtaka», nɔ, ʉmʉwa ngʉwa mipo ka꞉mɔmanakɨa-ɔɔ, ino ɓɔ «lipuu lɛta lɨkpɔkpɔ.» Ɛ꞉na ɓɔ yaka ngɨyɛnɛnɨ, ya꞉ɓio iɗo.

Asɔɓɨɨ ɔ꞉ɓukiokio akɔsugo ɓɔ: «Nɔteni ɓana nɔ ucheni, nɔ, uhuseni mipo kɔ ɓanesini, nɔ, ɓanoi ɓucho choni akɔ dɔdɔ.»

Ga Asɔɓɨɨ ɓata ɓɔ: «Dɔdɔ ɨchwɛiso migbo yɔ lɨkyɛmʉ di di di ngɨlɛ la homuo ndʉ ɓanama ɓɔ ndei kʉndʉ ɨɓɔ iju, nɔ ʉɓa, ɓanaɗa aɨsɨ. Kʉdɔ, ya꞉kyananakɨa ta ɓanɨ.»

Ga Asɔɓɨɨ ɓata ɓɔ: «Mipo kɨchwɛiso lɨkyɛmʉ ngɨlɛ la homuo nɔ ɨlɛ la naɗa lɨja nɔgbɛ, nɔ ɓanoi ɓɨbʉmbʉa akʉʉ ɔ ɓisi.»

Asɔɓɨɨ a꞉kɨa migbo di di di yɔ ɓanama ngʉɓɔ iju ta ɓanɨ nɔ ʉɓɔ ndei, nɔ ʉɓa, ɓanaɗa aɨsɨ. Ɛ꞉na ɓɔ yaka ngɨyɛnɛnɨ ya꞉ɓio iɗo.