آيات مشهورة من الكتاب المقدس منAPOEM AYANG: 32

شارك

Yuggi phoo gi «Re" myeing Yaku anghoid loo wa. Nang gi Mangsoo yo' we' byu yo' we' thougtheung loo bye: wigi nang oung: abye:. Houg: yoomo re" myeing gi Israela nghoid bye:» ga: tid.

Yuggi phoo gi «Ngoo loo" loo ba- moug: bo" lo nyid bye:» ga: tid. «Nang ngoo ri main akaid byid: byid: gi ngoo ayo" nhang: kaid» ga: wigi Yaku doem tid.

Nghoid loug we' nyang: gi nyang: kyeing" nyid gyoo" kho'. Hau: thang: yuggi phoo dayug gi re" lho: nyang: yo' moug: boo" yid ju" sho' dab nheig go" da:.

Yaku gi «Ngoo gi Mangsoo ri myojid" yo' nyang: myang bye:- houg: loug ngoo gi akhid" ju" sho' dadei nyid shi"» ga: wigi tid. Houg: yoomo nyang: gi hau: joyoo ri Pheniela ga: wigi myeing myheing bye:.

Yuggi phoo gi nyang: ayo" oung: lo: ziri si' lang" nyang: gi Yaku da" tang" boug" moo thoin: byid: wigi tang" boug" shooyoug: thang: beig loo" khari" bye:.

Yuggi phoo gi «Re" myeing khasu" ga: zi nghoid» ga: wigi myid: lang" «Yaku» ga: nyang: phug tid.

Yaku gi «Akhid" re" myeing ngoo ri tid khoo' we'» ga: tid. Nghoid loug we' nyang: gi «Ce: gang mo nang nga" myeing si nau lha"» ga: phug tid thang: ri nyang: gi Yaku ri mainkaid dang: tid byid: bye:.

Re" dei zoo: phoo ngoo gi nang ngoo ri toin" shed wa da" nheig khyeug shoo" gyo: khyoo: yo' nheigloem: zung" khyoo: dangain" ri kham moin: su: ngoo anghoid loo:. Ngoo gi Yodan gyid lang ri gu: byed loo kho' uri lhamdung: daloem: yo' gung koem: danghoid. Nghoid loug akhid" ngoo gi hid: su" eig phung: kho' lho: doem tau" lo nyid bye:.

Israela da" amyed ashen yigi akhid" nyid" ju" sho' lang" tang" boug" jhoin: shoo" gyi: ri azo: boem. Khasu" wim gari hau: zigi Yaku thoin: byid: shau" da" jang" mo shoo" gyi: nghoid yoomo nghoid.

Hau: thang: Yaku akyu" mho' zigi «Nga" phoug" Abraham da" Mangsoo yo' nga" phoo Isag da" Mangsoo we"- ngoo ri tam" gyoo: byid: we'. ASEING we"- nang gi ngoo ri nga" da" moug: yo' nga" bidnoem yi jhang khyoo: tau" loo" nhang: lho: nang gi nga" shid re" nga" gyung: khyoo: ri yug yoo za: bui" nhang: wa ga: tid abye:.

Ngoo ri nga" mang: Eso jang" mo khyoid yu we' ngoo mho' nyid. Ngoo gyoug nyid. Nyang: gi ngoonu" ri re" zain: lho: myiyi: yo' zooshang: yiri we' ngoonu" dangain" ri said pyam loo wa ziri gyoug nyid o".