آيات مشهورة من الكتاب المقدس منसाल्‍तेङ दिङगिल्‍का 1

شارك

कुलाउ पुनित हाङसा नेलाइर्‍हुता लोकान्‍हुअ्‌सो नेलाइ सरबङ निङस्‍वाना। इङकोन्‍हुअ्‌सो नेलाइ यरुसलेमता, गोताङ यहुदिया रो सामरिया माउजाता कालाउ सुमिङको कोन्‍हाथिकापा काङको दासि जेङस्‍वाना।”

इसु एम्‍बालाइहेङ दोअ्‌हि, “इदोइ पहर ते आबा ताइमिङ तोकेका हि। वा हाइ तोकेका हि, इङको गिलि नेलाइको काम माको।

एअ्‌खे इसु एम्‍बालाइदोफा चालि योम्‍लाउ वा एम्‍बालाइहेङ इसिका हुकुम पिहि, “नेलाइ यरुसलेम काङको आबाको पाका कबोलहेङ र्‍हुम्‍तेङ हिसु। इङको कबोलको बारेता का नेलाइहेङ लाम्‍फा बुङ दोअ्‌का हिघाखा, युहन्‍ना ते चिको चिभुअ्‌लि पिघाखे, कालाउ एलाको आसा दिनान्‍हुअ्‌सो नेलाइ पुनित हाङसाको चिभुअ्‌लि निङस्‍वाना।”

इसु तु: भोगितेङ कुरुसता सिकान्‍हुअ्‌सो न्‍हेकुरि दिनाथिकापा साल्‍तेङ दिङगिल्‍कालाइकोता तिङन्‍हाहि रो वा ताइमिङहेङ सिन्‍हुका हिघा दोअ्‌तेङ दासि पिहि। एम्‍बालाइ वासेहेङ तिङहि रो तिङहि रो वा एम्‍बालाइदोफा परमेस्‍वरको सारभिको बारेता काथा पाहि।

इदोइ दोअ्‌लिदो:कान्‍हुअ्‌सो एम्‍बालाइ खाङकाखाङकाताङ इसु सादेलभारि तोल्‍हेन्‍हाहि। बादेल वासेहेङ थुमहि रो इङकोन्‍हुअ्‌सो एम्‍बालाइ वासेहेङ मातिङहि।

एम्‍बालाइ आदेलभारि खाङतेङ हिलाउ जेका धाबा होङका न्‍हेमि द्‌याङगेलाइ एकासि एम्‍बालाइकोङ आगा जाअ्‌हि। एम्‍बालाइ दोअ्‌हि, “ओइ गालिलको द्‍याङगेलाइ, नेलाइ हाइपालि जाअ्‌तेङ आदेलभारि खाङदोङसुखेना? इसु ते सादेलभारि हानेहोइ। वासेहेङ जेसापा नेलाइ एला हानेतेङहिका तिङसुन्‍हा, एन्‍सा दोङ वा आरोङ एनि घुरितेङ ल्‍वावा।”