آيات مشهورة من الكتاب المقدس منLukasa 17

شارك

De o Yesusu witemo unangika abe ai louoka wato, “Naa ka idadi nomaokoiye de nogila-gila ani dumutika. De ngona notogumoka gea ma titi ani ngongakuino Ngohino.”

De ngaro o wange moi dika de ona yahowono ihigali-gali ma tumidi nginika, masara abe yahowono ma tumidi amomoiika ipaha de yoboa nginika ma tumidi de yomangaku, masara genangoo kiani niapongo onangika.”

De abe yangimoiino gea naga womatengo ka de wohioriki abe wotogumoka de wigilio o Yesusika. De woboa o Yesusino de ai ilingi waamo-amokiye wihigiriiri Ma Jouika. De womamotumuku o Yesusu ai louoka de wotarimakase Unangika abe ma titi wihitogumoka. De una gea o Samaria ma tonakino ma nyawa.

Ho ahi demoino naa de tinihitiarioka la ufa niahirehene o nyawa Ma Jouoka de aino!” “De nako nia gogianongoru yahowono, gea niataere onangika. De nako niataeroka de ona yomangaku manga howonino, kiani niapongoka.

De ahao o Yesusu wotemo wato, “Kangano naga o nyawa yangimoi abe yotogumoka manga panyakeino. Ho abe yahiwo ona gea o kiaka?

De manga Baluhu wopaluhu wato, “Nako naga ti ngini nia ngongaku ngaro ahao ma eteteke hoka o sawi ma mui ma mengeteke, gea niakunu niahuloko o gota ma amoko naa ma roehika niato, ‘Nomarafuku de ani ngutu-ngutuku ka ma moi ho nomagoraka de ahao nomadatomoli o gahiuku!’ De gea niahuloko ibooto de inihingounu, iti naga de nia ngongakuokau!”

“De onagona dika ko ihiniikua Ngohi angamoi ato manga wowango yomadatoko la ato ufa yohonenge, masara, ahao ona gea ka yohonenge dika. Masara onagona dika abe ihingakuoka de manga wowango yomahidoaka ma titi Ngohi ihiniiki, ona gea tanu manga badanga dika ihonenge, masara manga wowango ka nagahi.”

De o Yesusu wadotoko iwitobanii-niikika wato, “O duniaka naa de ka ihikaika naga o hiatara la ato o nyawa yahowono. Masara nako o nyawa abe yahiata-atara o nyawa utuikali hiadono ona yorehene Ma Jouoka de aino, ona yahiata-atara gea ahao manga hohowono duru kohadubuho yamake. De abe ona inihiata-atara duru manga hohowono kohadubuho ho ngaro manga tomarino ihidilikoino de o hakaru kohaamoko de yahidotumo dai o gahi ma lukuku, masara ma hohowono gea ko kia-kiaua. Hongoli nako nihingaku-ngakuoka abe ngaro ngini ka nitipokouku dika nia wowango ma gogere, masara nako o nyawa inihiata-atara, duru ka to onangohi manga hohowono itubuho de ona gea abe yahidodotumo de o hakaru.

“De abe ma titi Ngohi o Nyawa ma Ngofaka toboali, gea ahao o nyawa yatodokana manga hininga abe imaketero hoka ma dodihiraino abe ma oraha o Nuhi nagahi o duniaka de o nyawa duru yatodokana ma oraha ma nguihi yadaene. Angamoi ma dodihiraino gea abe ma nguihi ko iboauahi de ma nyawa gea duru ko ihiorikua abe manga hohowono itigioka, ho ona manga wowango ma biaha ka yatobanii-niikohi. Abe hoka ona yatobaniikohi manga ngolo-ngolomo de manga rame-rame, de manga goo-gogilaka yodiai abe hoka manga biaha gea yotobadiai ka hiadono ma wange abe o Nuhi wowohamika ai kapa ma goronaika. De o Nuhi una wowohamoka de ahao ma nguihi idadi de yahikokihibinaaha o nyawa mata-mataika.”