آيات مشهورة من الكتاب المقدس منSAN LUCAS 19

شارك

Il tiꞌj qꞌuelel cyniꞌya tiꞌj o chin uꞌla te jyol cyej xjal o cheꞌx tzpet, tuꞌntzen cyclet―tz̈i Jesús.

e xiꞌ cykbaꞌn: —¡Tzajxit nim xtalbil tibaj ja kcawel smaꞌn tuꞌn Dios lu! ¡Chjonte te Dios! ¡At-xit tzalajebl tuj cyaꞌj, bix jawxit nimset tbi Dios!―tz̈i ke xjal tuya nim s̈itz̈ꞌbil.

Aj ttzakꞌbeꞌn Jesús texin bix cye xjal: —Te ja kꞌij jaꞌlewe ma clet ja xjal lu, cuma tisen oc ke tcꞌuꞌj Abraham tiꞌ Dios, jaxse juꞌx ma tzꞌoc ke tcꞌuꞌj ja xjal lu tiꞌ Dios.

Tejtzen tcana Jesús nka t-xeeꞌ jtzeeꞌ jaaꞌ tjaxe Zaqueo, e jaw tcyeꞌyenxin, bix e xiꞌ tkbaꞌnxin: —Zaqueo, nix tcuꞌtza, cuma il tiꞌj chin pomel posadayina tjay jaꞌlewe―tz̈ixin. Tej tbinte Zaqueo juꞌwa, e cuꞌtzxin tuj ajkelbil, bix e tiikꞌxin Jesús tuj tjaxin tuya cykil tcꞌuꞌjxin.

Mas yaj, e cub weꞌ Zaqueo, bix e xiꞌ tkbaꞌnxin te Kaaw cywitz xjal: —Taat, cxeꞌl nkꞌoꞌna jun niyꞌjan te cykilca at wuyena cye mebe, bix cyej xjal o tzꞌel wiiꞌna pwak cye tisen alkꞌal, cxeꞌl nkꞌoꞌna cyaja maj t-xel―tz̈ixin.

Cyxoltzen tnimal xjal tocxe cabxin fariseo, ejeeꞌj xin oc ke cycꞌuꞌj te nimlte ley. E xiꞌ cykbaꞌnxin te Jesús: —Taat Xnakꞌtzal, kꞌumenx cyej xjala tuꞌn miꞌn chi cub ten s̈-il ka jay Jcawel smaꞌn tuꞌn Dios―tz̈ikexin. Aj ttzakꞌbeꞌn Jesús cyexin: —Cxeꞌl nkbaꞌna cyey, ka cꞌoquel cymayoꞌna tuꞌn tkꞌumj cyuꞌn xjal ma tzul Jcawel smaꞌn tuꞌn Dios, ejeeꞌtzen xak chi jawel yolel te kbalte, cuma il tiꞌj tuꞌn tkꞌumj tpocbal―tz̈i Jesús.