آيات مشهورة من الكتاب المقدس منSAN JUAN 1

شارك

Pero kej xjal e cyiikꞌ jaxin, ejeeꞌj xjal oc ke cycꞌuꞌj tiꞌjxin, e xiꞌ tkꞌoꞌnxin cyoclen tuꞌn cyoc te tcwal Dios.

Tej mitknaꞌx tbint twitz txꞌotxꞌ, ya atlj Yol Iꞌtz te Dios. Junx taꞌ Jyol Iꞌtz tuya Dios, bix jax Diosxin.

Jaxin tisen spiꞌyen nkoptzꞌaj tuꞌn tnaj klolj cyxol xjal. Pero min e cyocsla xjal t-xnakꞌtzbilxin. Nuk e cyajbe tuꞌn cycyaj tuj klolj.

Jyol Iꞌtz oc te xjal, bix e najan kxol. Bix e kil ti tten tchunkꞌlalxin. Min-al juntl xjal tisen jaxin. E xiꞌ tiiꞌnxin tnaablxin jawnex, cuma Tcwal Diosxin. Nuk jaj baꞌn e tbinchaxin cye xjal, bix nuk jaj jaxxix e tkbaxin.

Tuꞌnxin e binte twitz cyaꞌj bix twitz txꞌotxꞌ. Tuꞌnxin e binne cykilca at. Tiꞌjxin e tzaaꞌ itzꞌj tchunkꞌlal cykilca, bix jaxin e kꞌonte cye xjal tuꞌn tel cyniyꞌ tiꞌj jaxxix yol.

Te juntl kꞌij, oc tcyeꞌyen Juan tpon lkꞌe Jesús tiꞌjxin, bix e xiꞌ tkbaꞌnxin: —Lu tzunj Carnel tzula te chojbil il ma takꞌ Dios, tuꞌn tel tiiꞌn cyil xjal.

Pero amale e tzajet Jyol Iꞌtz te Dios twitz txꞌotxꞌ, bix amale tuꞌnxet-xin e binne twitz txꞌotxꞌ, pero el cyiiqꞌuen xjal jaxin. Ulxin cyxol ttanemxin, pero mi nuket ejeeꞌ e cyiikꞌ jaxin.

Jspiꞌyen jaxxix, jaj ul jlet cyxol xjal tej tkꞌumente Juan, bix jaj nyeecꞌan alcyej jaxxix te cykilca wik xjal.

Tuꞌn Moisés e tzaj tkꞌoꞌn Dios ley te ke, pero tuꞌn Jesucristo e tzaj tkꞌoꞌnxin xtalbil te ke bix tuꞌn tel kniyꞌ tiꞌj ti tten jaxxix yol.