آيات مشهورة من الكتاب المقدس منလုကာ 22

شارك

“အိုး အဖ၊ ကိုယ်တော် အလိုဟိရေဆိုကေ အကျွန် ခံရဖို့စာ ဒုက္ခ-ဝေဒနာကို ပျောက်ကင်းစီပါ။ ယေကေလည်း အကျွန့် အလိုအတိုင်း မဟုတ်ပါ၊ ကိုယ်တော်၏ အလိုတော်အတိုင်း ဖြစ်ပါစီ။”

ယေကေလည်း နင့်မာ ကျုံခြင်းတရား မပျက်ရအောင် ငါ နင့်အတွက် ဆုတောင်းရို့ လာဗျာ။ နင် နောင်တရရို့ ပြန်လာရေခါ နင့်မာ ဒေ ညီအစ်ကိုရို့ကို ကျုံခြင်းတရား ခိုင်မာအောင် လုပ်လီ။”

ယင်းနောက် သူစာ ပေါင်မုန့်ကို ယူရို့ ထာဝရဘုရားကို ကျေးဇူးတင်လီရေ။ အရာ သူစာ ထိုပေါင်မုန့်ကို ဖဲ့ပြီးကေ တပည့်ရို့ကို ပီးရို့ ပြောလီရေ၊ “ဒေ ပေါင်မုန့်စာ နင်ရို့အတွက် စွန့်ဖို့စာ ငါ့အသား ဖြစ်တေ။ ငါ့ကို အောက်မိဖို့အတွက် နင်ရို့ ဒေပိုင် လုပ်လီကတ်။”

ယင်းပိုင်တထန် စားသောက်ရို့ ပြီးရေခါ သူစာ စပျစ်ရည် ခွက်ကို ပီးရို့ တပည့်ရို့ကို ပြောလီရေ၊ “ဒေ ခွက်စာ ထာဝရဘုရား၏ စာချုပ်အသစ် အမှတ်တရ ဖြစ်တေ။ ထာဝရဘုရား၏ စာချုပ်အသစ်ကို ငါ့သွီးန ထိုးရေ။ အရာ ငါ့မာ ဒေ သွီးကို နင်ရို့အတွက် သွန်းလောင်းဖို့။

ယေရှုစာ စိတ်ဒုက္ခန အရာလည်း အားထည့်ရို့ ဆုတောင်းလီရေ။ သူ့ခန္ဓာက ချွေးပေါက်တိစာ သွီးပိုင် ဖြစ်ရို့ မြေပြင်မာ ကျလီရေ။

ယေကေလည်း နင်ရို့အထဲမာ ယင်းပိုင် ဖြစ်ဖို့မသင့်။ နင်ရို့အထဲမာ အားကုံးသူထက် အကြီးဆုံး ဖြစ်သူစာ အားကုံးသူထက် အသျှေဆုံးပိုင် ဖြစ်ရဖို့ အရာ ဂေါင်းဆောင် ဖြစ်သူစာ ပြုဇုသူ ဖြစ်ရဖို့။

ယေရှုစာ ပြောလီရေ၊ “ပေတရု၊ ငါ နင့်ကို ပြောရေ၊ ဒေနိ ညဉ့်မာ ကြက်မတွန်ခင်အယင်က နင် ငါ့ကို မသိ ဟို့ သုံးခေါက်တိုင်အောင် ငြင်းလိမည်။”