آيات مشهورة من الكتاب المقدس منယောဟန် 6

شارك

ယေရှုစာ သူရို့ကို ပြောလီရေ၊ “ငါ အသက်ပီးစာ ပေါင်မုန့် ဖြစ်တေ။ ငါ့တို့ လာသူစာ တစ်ခါလည်း အဝမ်းဆာလိမည် မဟုတ်။ အရာ ငါ့ကို ကျုံသူစာ တစ်ခါလည်း ရီသောက်မွတ်လိမည် မဟုတ်။

လူအားခွန်န တစ်ခုလည်း မလုပ်နိုင်၊ ယေကေလည်း သန့်ရှင်းသောဝိညာဉ်တော်ရာ အသက် ပီးနိုင်ရေ။ ငါ နင်ရို့ကို ပြောစာစကားတိစာ ဝိညာဉ်၏ စကား ဖြစ်တေ။ ဒေ ဝိညာဉ်၏ စကားတိစာ အသက် ပီးရေ။

သိုးလားဖို့စာ အစားအစာကို ရဖို့အတွက် ကိုယ်ဘင်ရို့ မကြိုးစားကတ်ကေ့။ ထာဝရအသက် ပီးနိုင်စာ အစားအစာကို ရဖို့အတွက် ကြိုးစားကတ်။ မနုသသားတော် ထိုအစားအစာကို ကိုယ်ဘင်ရို့ကို ပီးလိမည်၊ အကြောင်းကား ထိုအစားအစာကို မနုသသားတော် ပီးနိုင်ရေဆိုစာကို အဖထာဝရဘုရား ငါရို့ကို သက်သီပြလီရေ။”

ငါ့အဖစာ သားတော်ကို မြင်ရို့ ကျုံသူရို့ကို ထာဝရအသက် ရစီချင်ရေ။ အရာ ငါစာ နောက်ဆုံးနိမာ သူရို့ကို သီရာက ပြန်ရှင်ထမြောင့်စီဖို့။”

ယေရှုစာ သူရို့ကို အဖြေပီးလီရေ၊ “ထာဝရဘုရား ရွှတ်လိုက်သူကို ကျုံဖို့စာရာ ထာဝရဘုရား၏ အလိုတော် ဖြစ်တေ။”

ငါ ကိုယ့်စိတ်တချင် အလုပ်လုပ်ဖို့အတွက် ဂေါင်းခင်ဘုံက ဆင်းလာလီစာ မဟုတ်။ ငါ့ကို ရွှတ်လိုက်စာ အဖ၏ အလိုတော်အတိုင်း အလုပ်လုပ်ဖို့အတွက် ငါ ဆင်းလာလီစာ ဖြစ်တေ။ ယင်းအတွက်န အဖ ငါ့အလက်မာ အပ်ပီးစာ လူရို့ အားကုံးသူ ငါ့တို့ လာကတ်လိမည်။ ငါ့တို့ လာကတ်စာ လူရို့ အားကုံးသူကို ငါ တစ်ခါလည်း နှင်ရို့ မဘိုက်။

ယင်းခါ ပေတရုစာ ယေရှုကို ပြောလီရေ၊ “အသျှင်၊ အကျွန်ရို့ အသူ့တို့ လားပါဖို့လည်း? ထာဝရအသက်ပီးစာ တရားတော်ကား ကိုယ်တော်ဘားမာရာ ဟိပါရေ။

ငါ ဂေါင်းခင်ဘုံက ဆင်းလာစာ အသက်ပီးစာ ပေါင်မုန့် ဖြစ်တေ။ ဒေ ပေါင်မုန့်ကို စားသူစာ ထာဝရပတ်လုံး အသက်ရှင်လိမည်။ ငါ ပီးဖို့စာ ပေါင်မုန့်စာ ငါ့အသား ဖြစ်တေ။ လောကသားရို့ အသက်ရှင်ကတ်ပတ်စီအတွက် ငါ ကိုယ့်အသားကို ပီးဖို့။”

ငါ့ကို ရွှတ်လိုက်စာ အဖ မပို့ပီးကေ တစ်ယောက်လည်း ငါ့တို့ လာနိုင်ကတ်မည် မဟုတ်။ ငါ့တို့ လာသူရို့ကို ငါ နောက်ဆုံးနိမာ သီရာက ပြန်ရှင်ထမြောင့်စီဖို့။

ထာဝရဘုရားပီးစာ ပေါင်မုန့်အစစ်စာ ဂေါင်းခင်ဘုံက ဆင်းလာရို့ လောကသားရို့ကို အသက်ပီးရေ။”

“ငါ အသက်ပီးစာ ပေါင်မုန့် ဖြစ်တေ။

ယင်းနောက် ယေရှုစာ ပေါင်မုန့်ငါးသျှက်ကို ယူရို့ ထာဝရဘုရားကို ကျေးဇူးတင်လီရေ။ အရာ ထိုပေါင်မုန့်ငါးသျှက်ကို ထိုင်ရို့ ဟိကတ်စာ လူရို့ကို ဝိပီးလီရေ။ အရာ ငါးနှစ်ကောင်ကိုလည်း ယင်းပိုင်တထန် ဝိပီးလီရေ။ ယင်းခါ လူရို့စာ စိတ်တချင် ဝအောင် စားကတ်လီရေ။ လူရို့ ဝအောင် စားရို့ပြီးရေခါ ယေရှုစာ တပည့်ရို့ကို ပြောလီရေ၊ “စားရို့ ကျန်စာ အပဲ့အခြမ်းတိကို မပျက်မသိုးရအောင် တစ်နေရာတည်းမာ စုရို့ထားကတ်။”

တပည့်ရို့စာ လောင်းလှော်ရို့ သုံးလေးမိုင်လှောက် အဝီး ရောက်လားခကတ်လီရေ။ ယင်းခါ သူရို့စာ ယေရှုကို ရီအထက်က ကိုယ်ရို့တို့ ကြွလာစာကို မြင်ရကတ်လီရေ။ ယင်းအတွက်န သူရို့စာ ကောင်းကောင်း ကြောက်ကတ်လီရေ။ ယင်းခါ ယေရှုစာ တပည့်ရို့ကို ပြောလီရေ၊ “မကြောက်ကတ်ကေ့! ငါရာ။”